Josh Freese
Josh Freese , nado o 25 de decembro de 1972 en Orlando (Florida), é o actual batería da banda de rock alternativo A Perfect Circle. Tocou tamén con Nine Inch Nails dende finais do 2005 ata finais do 2008 e con Guns N' Roses dende mediados de 1998 ata o ano 2001. Freese aparece en arredor dos 300 discos, debido ao seu traballo como músico de estudio.
  | |
| Biografía | |
|---|---|
| Nacemento | 25 de decembro de 1972 (51 anos) Orlando, Estados Unidos de América |
| Datos persoais | |
| País de nacionalidade | Estados Unidos de América |
| Educación | El Dorado High School (en)  |
| Actividade | |
| Ocupación | batería , produtor musical , guitarrista , compositor de cancións , compositor , Músico de sesión |
| Período de actividade | 1988 - |
| Membro de | |
| Xénero artístico | Hard rock |
| Lingua | Lingua inglesa |
| Instrumento | Batería |
| Familia | |
| Pai | Stan Freese (en) |
| Irmáns | Jason Freese (pt) |
| Páxina web | thejoshfreese.com |
         | |
Biografía editar
Josh naceu o 25 de decembro de 1972 en Orlando (Florida), pero pouco despois a súa familia mudouse a California. Influenciado polo pai, que era mestre da banda de Disneylandia, e a nai, pianista, comezou a tocar a batería con 7 anos. Aos 12 xa tocaba profesionalmente en Disneylandia, e aos 15 xa facía xiras con Dweezil Zappa (filla de Frank Zappa) e despois con The Vandals. Nos seguintes 15 anos Freese traballou con artistas moi respectados, tanto como batería de sesión como substitución temporal. Actualmente é membro das bandas The Vandals, Devo e A Perfect Circle, e toca en directo con Weezer.
Traballo en solitario editar
En 1998 Freese gravou (interpretando todos os instrumentos) un feixe de cancións compostas por el. O resultado foi un EP de seis temas titulado Destroy Your Mom As Soon As Possible, editado baixo o nome "Princess" polo selo T.O.N/Stone Lizard Records.
No ano 2000 as cancións "Caffeine and Vaseline" e "Rock N' Roll Chicken" foron rescatadas para o álbum de 12 temas The Notorious One Man Orgy, nesta ocasión editado baixo o nome de Josh Freese polo selo Kung Fu Records. Como artistas convidados aparecen no disco Stone Gossard, Warren Fitzgerald, Michael Ward, Lyle Workman, e o seu irmán Jason Freese.
Josh editou o seu segundo álbum, Since 1972, a través da súa páxina web o día 24 de marzo do 2009.