José García Ramos
José García Ramos y Segond, nado en Santiago de Compostela o 16 de agosto de 1875 e finado na Coruña o 3 de outubro de 1970,[1] foi un médico e político galego, irmán de Alfredo García Ramos.
  | |
| Biografía | |
|---|---|
| Nacemento | (es) José García Ramos y Segond 16 de agosto de 1875 Santiago de Compostela, España |
| Morte | 3 de outubro de 1970 (95 anos) A Coruña, España |
 Deputado nas Cortes republicanas | |
Representa: Unión Republicana (España 1934) 24 de marzo de 1936 – 2 de febreiro de 1939 Lexislatura: III lexislatura da Segunda República Española Circunscrición electoral: A Coruña | |
| Deputado nas Cortes republicanas | |
Representa: Partido Republicano Radical 7 de decembro de 1933 – 7 de xaneiro de 1936 Lexislatura: II lexislatura da Segunda República Española Circunscrición electoral: A Coruña | |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Lugar de traballo | Madrid |
| Ocupación | político , dermatólogo , médico |
| Partido político | Unión Republicana (España 1934) |
| Lingua | Lingua castelá |
| Familia | |
| Irmáns | Alfredo García Ramos |
Traxectoria editar
Estudou medicina na Universidade de Santiago de Compostela e especializouse en dermatoloxía e medicina forense; inventou un eléctrodo para aplicar a diatermia. Foi vicepresidente da Academia de Medicina e Cirurxía de Galicia e en 1929 ingresou na masonería. Durante a Segunda República foi elixido deputado pola provincia da Coruña polo Partido Republicano Radical nas eleccións xerais de 1933 e por Unión Republicana nas de 1936.
O golpe de Estado do 18 de xullo de 1936 sorprendeuno na Coruña. Foi encarcerado na prisión provincial, onde traballou como médico na enfermería. Despois da guerra foi xulgado polo Tribunal Especial de Represión da Masonería e do Comunismo e condenado e inhabilitado. Despois de pasar uns anos nas prisións de Burgos e El Puerto de Santa María, volveu á Coruña, onde continuou exercendo de dermatólogo.
Foi médico forense dos Xulgados da Coruña, e vicepresidente da Real Academia de Medicina e Cirurxía de Galicia e Asturias.
Vida persoal editar
Casou con Pilar Platas Freire e foi pai de José Ramón, Carmelina e Aurita.
Notas editar
- ↑ Necrolóxica en la Voz de Galicia, 4-10-1970, p. 13.
Véxase tamén editar
Ligazóns externas editar
- Fernández, Carlos (1 de novembro de 2003). "Un diputado republicano y masón". La Voz de Galicia ed. Coruña. Arquivado dende o orixinal o 6 de xaneiro de 2013. (en castelán)