Jon Stewart

Jon Stewart, nado Jonathan Stuart Leibowitz o 28 de novembro de 1962 en Nova York, é un satirista político, presentador de televisión, actor e humorista estadounidense, amplamente coñecido no seu país como o presentador de The Daily Show, un informativo satírico que emite Comedy Central.

Jon Stewart

(2016)
Biografía
Nacemento	(en-us) Jonathan Stuart Leibowitz 28 de novembro de 1962 (61 anos) Nova York (Estados Unidos de América)
Datos persoais
País de nacionalidade	Estados Unidos de América
Relixión	Xudaísmo
Educación	The College of William and Mary (–1984) Lawrence High School (en)
Actividade
Ocupación	humorista , xornalista , actor de televisión , produtor de cinema , produtor de televisión , comentarista político , escritor , director de cinema , guionista , actor de cinema , presentador de televisión , actor
Período de actividade	1987 -
Partido político	Partido Demócrata
Membro de	Pi Kappa Alpha (en)
Pseudónimo literario	Jon Stewart
Lingua	Lingua inglesa e inglés estadounidense
Premios (2005)  Orwell Award (pt) (2003, 2004, 2005, 2006, 2007, 2008, 2009, 2010, 2011, 2012)  Séries de variedade, musicais ou de entretenimento premiadas com o Emmy do Primetime (pt) , premiado polo traballo The Daily Show (2001, 2003, 2004, 2005, 2006, 2009, 2011, 2012)  Primetime Emmy Award for Outstanding Writing for a Variety Series (en) , premiado polo traballo The Daily Show  Premios Peabody

Traxectoria

Stewart comezou como humorista na década de 1980, chegou á televisión como presentador en 1991 de Short Attention Span Theater de Comedy Central. En 1992tivo o seu propio programa na MTV chamado You Wrote It, You Watch It, e posteriormente tivo outro programa na cadea The Jon Stewart Show (1993-1995) e en 1999 converteuse no presentador de The Daily Show substituíndo a Craig Kilborn, sendo tamén un dos produtores executivos e guionistas do programa centrándoo máis cara a política, levou un Emmy en 2001 e dous Peabody. Tamén actuou en varias películas como Big Daddy (1998) ou Death to Smoochy (2002).

Stewart gañou recoñecemento coa súa crítica satírica e acerba de personalidades dos medios de comunicación, en particular da CNN, Fox News Channel e MSNBC. Os críticos afirman que Stewart pretende tratar de vez á política como unha broma e dar leccións de civismo. Stewart concorda, dicindo que nin o seu programa nin a súa canle pretende outra cousa que a sátira e a comedia, aínda así o seu programa foi candidato e gañou premios pola súa cualidade xornalística e informativa. Stewart presentou os premios Óscar en dúas ocasións (2006 e 2008) e é coautor do libro America (The Book): A Citizen's Guide to Democracy Inaction, que foi un dos libros máis vendidos nos Estados Unidos en 2004 e Earth (The Book): A Visitor's Guide to the Human Race editado en 2010.