John Frusciante
John Anthony Frusciante, nado o 5 de marzo de 1970 en Nova York, é un guitarrista, cantante, compositor e produtor estadounidense. É o guitarrista da banda californiana Red Hot Chili Peppers, coa cal gravou cinco álbums de estudio durante tres etapas diferentes, a última delas dende o ano 2019. Frusciante ten unha activa carreira en solitario, tendo editados dez álbums co seu nome, ademais de dous co actual guitarrista dos Chili Peppers Josh Klinghoffer e Joe Lally, co nome de Ataxia. As súas gravacións en solitario inclúen elementos que van do rock experimental e a música ambient ata o New Wave e a música electrónica. Influenciado por guitarristas de varios xéneros, Frusciante fai fincapé na melodía e na emoción no seu estilo de tocar, e prefire as guitarras vintage e as técnicas de gravación analóxicas.
.jpg)  | |
| Biografía | |
|---|---|
| Nacemento | 5 de marzo de 1970 (54 anos) Astoria, Estados Unidos de América (pt)  |
| Datos persoais | |
| Outros nomes | Trickfinger |
| Residencia | Os Ánxeles |
| País de nacionalidade | Estados Unidos de América |
| Actividade | |
| Ocupación | guitarrista , produtor musical |
| Período de actividade | 1988 - |
| Membro de | |
| Xénero artístico | Rock alternativo |
| Influencias | |
| Instrumento | Guitarra, voz e ARP 2500 (pt) |
| Selo discográfico | Warner Music Group |
| Familia | |
| Parella | Milla Jovovich |
| Páxina web | johnfrusciante.com |
              | |
Frusciante uniuse a Red Hot Chili Peppers aos 18 anos de idade, e apareceu por vez primeira coa banda no seu álbum de 1989 Mother's Milk. O seguinte disco da banda, Blood Sugar Sex Magik (1991), sería o que os lanzou ao éxito. Porén, a nova popularidade dos Red Hot sobrepasouno e deixou o grupo en 1992. Recluíuse e entrou nun longo período de adicción ás drogas, durante o cal publicou as súas primeiras gravacións: Niandra Lades and Usually Just a T-Shirt (1994) e Smile from the Streets You Hold (1997). En 1998 rehabilitouse e reuniuse con Red Hot Chili Peppers para o álbum Californication (1999). O seu traballo To Record Only Water for Ten Days foi publicado en 2001. Nunha etapa creativa, Frusciante editou seis álbums en solitario no ano 2004; cada un deles explorando diferentes técnicas de gravación e xéneros. No 2009 Frusciante publicou The Empyrean e separouse novamente de Red Hot Chili Peppers. Frusciante ten producido ou gravado con artistas como Wu-Tang Clan, The Mars Volta ou George Clinton entre outros. En 2019, Josh Klinghoffer, substituto de Frusciante nos Chili Peppers en 2009, deixou a banda despois de dez anos, e Frusciante retornou de novo coma guitarrista dos Red Hot Chili Peppers.
Frusciante ten recibido o recoñecemento da crítica pola súa forma de tocar a guitarra, acadando o posto 18 na lista da Rolling Stone dos "100 mellores guitarristas de todos os tempos" en 2003[1], e foi votado o mellor guitarrista dos últimos 30 anos nunha enquisa do ano 2010 da BBC chamada "The Axe Factor"[2].
Notas editar
- ↑ "Rolling Stone - The 100 Greatest Guitarists of All Time". Arquivado dende o orixinal o 21 de xuño de 2013. Consultado o 04 de maio de 2013.
- ↑ bbc.co.uk - "The Axe Factor"