Johann Balthasar Neumann
Johann Balthasar Neumann, nado en Cheb en 1687 e finado en Würzburg o 19 de agosto de 1753, foi un arquitecto e enxeñeiro alemán.
  | |
| Biografía | |
|---|---|
| Nacemento | 27 de xaneiro de 1687 Cheb |
| Morte | 19 de agosto de 1753 (66 anos) Würzburg |
| Datos persoais | |
| País de nacionalidade | Reino de Bohemia |
| Actividade | |
| Ocupación | arquitecto , Mestre de obras , mestre , enxeñeiro , pintor |
| Lingua | Lingua alemá |
| Obra | |
Obras destacables
| |
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde outubro de 2015.) |
Traxectoria editar
Naceu en Eger (hoxe Cheb), en Bohemia, mais deseguido se trasladou para Würzburg, en Franconia, onde estudou arquitectura civil e militar, e mesmo emprendeu unha viaxe de estudos a Milán e a Italia do Norte en 1718.
En 1719, convertida Würzburg na capital dun principado episcopal, xurdiu a necesidade dunha ampla obra de renovación urbanística, da cal Neumann foi nomeado superintendente das construcións da corte (nas cales estaban empregados un elevado número de grandes artistas de varias nacionalidades, como Giambattista Tiepolo e Johann Lucas von Hildebrandt).
A respecto da sistematización urbanística da cidade, paga a pena lembrar o encargo que recibiu de proxectar a Residencia episcopal (1719-1744), obra que o empeñou moi longo tempo, mais que lle deu ao tempo gran popularidade.
Foi despois chamado para Karlsruhe, onde reestruturou o castelo de Bruchsal (1728): Logo pasou a Bonn (1743), onde o arcebispo da Colonia lle confiou o proxecto da escalinata do castelo de Brühl. Salientábeis foron tamén os seus proxectos para a igrexa abacial de Neresheim e máis do santuario de Vierzehnheligen.
No seu estilo arquitectónico logrou unha orixinal síntese de clasicismo francés, da tradición vienesa e bohemia e máis do barroco italiano.
Obras editar
- Residencia de Würzburg - Construída consonte o modelo de Versailles, en estilo barroco italo-francés, (1720–1744).
- Castelo de Brühl (1740–1746).
- Schloss in Bruchsal (desde 1731).
- Igrexa de peregrinación en Gößweinstein (1730–1739).
- Igrexa de peregrinación dos catorce santos: Vierzehnheiligen (desde 1743 até o seu falecemento en 1753; rematada en 1772 por varios dos famosos construtores Neumann).
- Igrexa da Abadía de Neresheim (1747–1792).
- Capela Schönborn (Schönbornkapelle) na áa travesa norte da catedral de Würzburg (1718–1736).
- Castelo de Werneck (1733–1745).
- Capela de Kitzingen.
- Capela da Igrexa de peregrinación de Würzburg (1748–1750).
- Casa do Concello de Ellwangen.
- Igrexa abacial de Schöntal en Jagst.
- Abadía de Münsterschwarzach.
- Igrexa da Orde teutónica en Bad Mergentheim.
- Habitación interior da igrexa parroquial de St. Paulin en Trier.
- Igrexa parroquial de Santa Cecilia en Heusenstamm (1739).
- Igrexa de San Miguel en Hofheim im Ried.
- Chafariz en Bad Bocklet (1787).
- Igrexa de San Lourenzo en Dirmstein (1742–1746).
- Pavillón en Randersacker (1750).
- Igrexa parroquial de Santa Cecilia en Saffig (1741/42).
- Igrexa parroquial de San Nicolao en Arnstein(Ofr.) (1731–1734).
- Igrexa de peregrinación Maria Limbach, Limbach am Main (1751–1755).
- Igrexa parroquial en Retzbach (Zellingen) (1736-1738).
Véxase tamén editar
| Commons ten máis contidos multimedia sobre: Johann Balthasar Neumann |
Outros artigos editar
- Johannes Seiz (1717–1779).
- Johann Thomas Nissler (1713–1769).
- Barroco