Jimmy Somerville

Jimmy Somerville, nado en Glasgow o 22 de xuño de 1961, é un cantante escocés de música pop. Ten un peculiar estilo cantando en falsete (ton agudo). Tivo un éxito considerábel nos anos oitenta cos grupos musicais Bronski Beat e The Communards, así como na súa posterior carreira en solitario.

Jimmy Somerville

Biografía
Nacemento	(en) James William Somerville 22 de xuño de 1961 (62 anos) Glasgow, Reino Unido
Datos persoais
País de nacionalidade	Reino Unido
Actividade
Ocupación	cantante de pop , artista discográfico , compositor de cancións , director de cinema
Período de actividade	1983 -
Membro de	The Communards (pt) (vocalista (pt) ) (1985–1988) Bronski Beat (pt) (vocalista (pt) ) (1983–1985)
Xénero artístico	Música pop, Synthpop e Hi-NRG (pt)
Lingua	Lingua inglesa
Tesitura	Contratenor
Instrumento	Voz, guitarra, baixo, sintetizador e Teclado
Selo discográfico	London Records (pt) BMG (pt) Gut Records (pt) Cherry Red (pt)
Páxina web	jimmysomerville.co.uk

Traxectoria

Somerville naceu e criouse en Glasgow. A maior parte da súa música consiste en música disco, frecuentemente cargada con comentarios de concienciación social en temas como a homosexualidade ou o Sida. Tamén é un activista de esquerdas e a favor dos dereitos humanos.

En 1983 formou o grupo Bronski Beat, que obtivo varios éxitos no Reino Unido. O seu maior éxito con este grupo, "Smalltown Boy", describe a marxinación por homofobia sufrida por un mozo e que o leva a abandonar a súa casa.

Somerville abandona Bronski Beat en 1985 e forma The Communards xunto ao pianista Richard Coles. Obtivo varios éxitos, incluíndo unha versión de "Don't Leave Me This Way" de Thelma Houston, que conseguiu manterse catro semanas como número un de vendas e chegou a ser o single máis vendido no Reino Unido durante 1986. Tamén cantou como voz acompañante na versión que Fine Young Cannibals fixo de "Suspicious Minds", que chegou a ser Top 10 no Reino Unido.

The Communards disolveuse en 1988 e Somerville comezou a súa carreira en solitario. Tivo varios éxitos entre 1989 e 1991, e participou no segundo proxecto da Band Aid para recadar axudas para Etiopía. En 1989 lanza o seu álbum Read My Lips, que inclúe unha versión de "You Make Me Feel (Mighty Real)" de Sylvester James). En 1991, Somerville edita "The Singles Collection", un disco cos seus éxitos en solitario, con The Communards e con Bronski Beat. Neste compilatorio inclúese unha versión reggae do "To Love Somebody" dos Bee Gees que acadou certo éxito.

Tras un descanso de tres anos, Jimmy Somerville regresa en 1995 apostando por un son máis pop co disco Dare to Love, que inclúe "Heartbeat", número un nos Estados Unidos. En 1999 publica Manage the Damage, e un ano despois o álbum de mesturas Root Beer. En 2005 publica o seu cuarto álbum en solitario, Home Again, que supón unha volta ao son disco.

Ademais da súa carreira como cantante, Jimmy Somerville realizou en 1992 unha aparición no filme "Orlando", dirixido por Sally Potter e baseado na novela homónima de Virginia Woolf. Somerville encargouse, ademais, de parte da banda sonora do filme. Máis recentemente, fixo unha aparición nun capítulo ("Girltown") da serie de culto Lexx.

Discografía

Bronski Beat

• Smalltown Boy, London Records 1984, single
• Why?, London Records 1984, single
• It Ain't Necessarily So, London Records 1984, single

• The Age Of Consent, Forbidden Fruit/London 1984, LP/CD

• I Feel Love/Love To Love You Baby/Johnny Remember Me, London Records/Metronome 1985, single

• Hundreds And Thousands, Forbidden Fruit/London 1985, LP/CD
• EP Sampler, Old Gold Records Ltd. 1993, LP
• The Essentials, Rhino Records 2002, CD

Communards

• You Are My World, London Records 1985, single
• Disenchanted, London Records 1986, single
• Don't Leave Me This Way, London Records 1986, single
• So Cold The Night, London Records 1986, single

• Communards, London Records 1986, LP/CD
• Live In Italy, London Records 1986, LP

• You Are My World '87, London Records 1987, single
• Tomorrow, London Records 1987, single
• Never Can Say Goodbye, London Records 1987, single
• For A Friend, London Records 1987, single

• Red, London Records 1987, LP/CD

• There's More To Love, London Records 1988, single

• Storm Paris, London Records 1988, 3x12" set
• Heaven, London Records 1993, CD

En solitario

• Read My Lips, London Records 1989, LP/CD

• Comment Te Dire Adieu (con June-Miles Kington), FFRR London Records 1989, single
• You Make Me Feel (Mighty Real), FFRR London Records 1989, single
• Read My Lips (Enough Is Enough), FFRR London Records 1989, single

• The Singles Collection, London Records 1990, LP/CD

• Run From Love, FFRR London Records 1991, single
• To Love Somebody, FFRR London Records 1991, single
• Smalltown Boy '91, FFRR London Records 1991, single

• Dare To Love, London Records 1995, LP/CD

• By Your Side, FFRR London Records 1995, single
• Hurt So Good, FFRR London Records 1995, double single
• Heartbeat, FFRR London Records 1995, podwójny single
• Safe In These Arms, FFRR London Records 1997, single

• Master Series, FFRR London Records 1996, Compilation CD
• Manage The Damage, Gut Records 1999, CD

• Dark Sky, GUT Records 1999, single
• Something To Live For, GUT Records 1999, single
• Lay Down, GUT Records 1999, double single

• Root Beer, Instinct Records 2000, CD

• Why? 2000, Almighty 2000, single
• Can't Take My Eyes Off Of You, Almighty/Atoll Musi 2001, single

• The Very Best Of Jimmy Somerville, Bronski Beat and The Communards, Waner Brothers/London Records 2001, CD
• Home Again (2004), BMG International 2004, CD

• It's So Good, BMG International 2004, double single
• Come On, Hablando/BMG International 2004, single
• Ain't No Mountain High Enough, Hablando/BMG International 2005, single