Jawbreaker
Jawbreaker é unha banda estadounidense de punk rock activa dende 1986 ata 1996, e novamente dende 2017 ata o presente.[1] O grupo está considerado como unha grande influencia para o xénero emo dos anos 90.[2]
| Jawbreaker | |
|---|---|
 A banda en 2019 | |
| Orixe | Nova York,  |
| Período | 1986 - 1996 2017 - presente |
| Xénero(s) | punk rock, post-hardcore, pop punk, emo |
| Selo(s) discográfico(s) | Blackball Records, Shredder, Tupelo, Communion, DGC |
| Membros | Blake Schwarzenbach Adam Pfahler Chris Bauermeister |
| Na rede | |
| jawbreakerband.com | |
           | |
O vocalista principal e guitarrista Blake Schwarzenbach, o baixista Chris Bauermeister, e o batería Adam Pfahler formaron a banda mentres estudaban na Universidade de Nova York, e posteriormente mudáronse aos Ánxeles onde publicaron o seu álbum de estrea Unfun (1990) a través do selo independente Shredder Records. No ano seguinte mudáronse novamente, desta vez a San Francisco, e en 1992 lanzaron Bivouac a través dos selos Tupelo Recording Company e The Communion Label.
O carisma de Schwarzenbach e as súas persoais letras axudarono a establecerse como un ídolo de culto, incluso cando tivo que operarse para extirpar uns dolorosos pólipos na súa gorxa que ameazaban a súa voz. Jawbreaker xirou con Nirvana en 1993 e publicou 24 Hour Revenge Therapy en 1994, chamando a atención das grandes discográficas. A banda asinou un contrato con DGC Records por 1 millón de dólares e lanzou en 1995 Dear You, pero a súa produción máis puída e as súas voces suavizadas causou unha reacción violenta de parte do seu público principal. As tensións internas levaron á disolución de Jawbreaker en 1996, repetindo Schwarzenbach que nunca se produciría unha reunión do grupo. Porén, a banda anunciou unha reunión en abril de 2017,[1] e no presente están traballando nun novo álbum.[3]
Tras a separación, os membros de Jawbreaker estiveron activos noutros proxectos como Jets to Brazil e Whysall Lane. Pfahler continuou editando material inédito de Jawbreaker a través do seu propio selo, Blackball Records, e o interese do público mantívose en parte a que os artistas de pop punk e emo que triunfaban estaban abertamente en débeda co son de Jawbreaker. En 2004, Pfahler fíxose cos dereitos do descatalogado Dear You e reeditouno con recensións positivas. Dende entón publicáronse versións remasterizadas do resto do catálogo da banda.[4]
Discografía editar
Álbums editar
| Álbum | Ano | Selo |
|---|---|---|
| Unfun | 1990 | Shredder Records |
| Bivouac | 1992 | Communion Label, Tupelo Recording Company |
| 24 Hour Revenge Therapy | 1994 | Communion Label, Tupelo Recording Company |
| Dear You | 1995 | DGC Records |
Notas editar
- ↑ 1,0 1,1 Wicks, Amanda (2017-04-19). "Jawbreaker Reunite After 21 Years for Riot Fest 2017". Pitchfork (en inglés). Consultado o 2021-11-10.
- ↑ Cohen, Ian (2020-02-13). "The 100 Greatest Emo Songs of All Time". Vulture (en inglés). Consultado o 2021-11-10.
- ↑ "Legendary punk band Jawbreaker to work on first new music in 23 years". Tone Deaf (en inglés). 2018-03-29. Consultado o 2021-11-10.
- ↑ "Blackball Records". Discogs (en inglés). Consultado o 2021-11-10.