Jaime de Armiñán

Jaime de Armiñán Oliver, nado en Madrid o 9 de marzo de 1927 e finado na mesma cidade o 10 de abril de 2024, foi un escritor, novelista, autor teatral, director e guionista de cinema e televisión español.

Jaime de Armiñán

(2014)
Biografía
Nacemento	(es) J’aime de Armiñán Oliver 9 de marzo de 1927 Madrid, España
Morte	9 de abril de 2024 (97 anos) Madrid, España
Datos persoais
País de nacionalidade	España
Educación	Universidade Complutense de Madrid
Actividade
Ocupación	director de cinema , guionista
Período de actividade	1961 - 2024
Lingua	Lingua castelá
Familia
Cónxuxe	Elena Santonja (1956–2016), morte
Fillos	Eduardo Armiñán Santonja
Pais	Luis de Armiñán   e Carmen Oliver Cobeña
Premios (2014)  Premio Goya de honra (1985)  Medalla de Ouro ao Mérito nas Belas Artes (1961, 1989)  Premio Ondas

Traxectoria

Armiñán naceu no seo dunha familia de artistas, políticos e escritores. A súa avoa e a súa nai foron respectivamente as actrices Carmen Cobeña e Carmita Oliver; o seu avó materno o dramaturgo e escultor Federico Oliver; o seu avó paterno, o político Luis Armiñán Pérez e o seu pai o xornalista e gobernador civil Luis de Armiñán Odriozola. Educado no Colegio Estudio, licenciouse en dereito pola Universidade de Madrid.

Os seus primeiros pasos no mundo da arte foron como redactor de artigos en publicacións como Fotos e Dígame, á vez que escribía as súas primeiras obras de teatro, Eva sin manzana (1953), coa que gañou o premio Calderón de la Barca, Sinfonía acabada (1955) ou Nuestro fantasma (1956), que recibiu o premio Lope de Vega.

Comezou no mundo da televisión desde as súas primeiras emisións en 1957, e foiun dos principais responsables de programas de ficción durante case dúas décadas. Tamén escribiu guións para o cinema, sobre todo co director José María Forqué, como os de La becerrada (1962) ou Yo he visto la muerte (1965).

A finais da década dos sesenta, Armiñán debutou como director cinematográfico con Carola de día, Carola de noche (1969), e foi consolidando o seu propio estilo ata estrear Mi querida señorita (1971), filme escrito xunto a José Luis Borau, que foi candidato ao Óscar ao mellor filme en lingua non inglesa. O filme aborda o tema do amor heterodoxo e as vidas marxinais, elementos comúns ao longo da súa filmografía e que se repetiron en filme como El amor del capitán Brando (1974), Al servicio de la mujer española (1978), El nido (1980), de novo candidata ao Óscar, ou Stico (1984), filme en que se expón o conflito dun catedrático de dereito romano que, incapaz de vivir con certa autonomía a súa vida diaria, se ofrece como escravo a un dos seus peores alumnos.

A finais da década de 1980 volveu á televisión con series populares e de éxito como Juncal (1988) e Una gloria nacional (1992), interpretadas por Francisco Rabal. Despois de rodar Al otro lado del túnel (1994), que supuxo a despedida do cinema de Fernando Rey, e El palomo cojo (1995), regresou á dirección en 2008 con 14, Fabian Road, que protagonizaron Julieta Cardinali, Ana Torrent e Ángela Molina e que apenas tivo percorrido comercial.

Continuou o seu labor como articulista, principalmente nos xornais ABC e El Mundo.

Vida persoal

En 1956 casou con Elena Santonja (1932-2016), que foi a presentadora de televisión do popular programa gastronómico Con las manos en la masa na segunda metade dos anos oitenta, e coa que tivo tres fillos, Álvaro (1959), Eduardo (1962) e Carmen. Álvaro e Eduardo tamén son profesionais da dirección no cinema e na televisión. A súa cuñada Carmen Santonja foi unha das integrantes dol dúo musical Vainica Doble.

Filmografía

Ano	Filme	Director	Guionista	Notas
2008	14, Fabian Road	Si	Si
1995	El palomo cojo	Si	Si
1994	Al otro lado del túnel	Si	Si
1991	El día que nací yo		Si	Dirixido por Pedro Olea
1989	Juncal	Si	Si	Serie de televisión
1987	Mi general	Si	Si
1985	La hora bruja	Si
1984	Stico	Si
1982	En septiembre	Si	Si
1980	El nido	Si	Si
1978	Al servicio de la mujer española	Si	Si
1977	Nunca es tarde	Si	Si
1976	El bengador gusticiero y su pastelera madre		Si	Dirixido por Antonio Fraguas
1975	Jo, papá	Si	Si
1974	El amor del capitán Brando	Si	Si
1973	Un casto varón español	Si
1972	Mi querida señorita	Si	Si
1970	La Lola, dicen que no vive sola	Si
1969	Carola de día, Carola de noche	Si	Si
1968	Solos los dos		Si	Dirixido por Luis Lucia Mingarro
1967	Un diablo bajo la almohada		Si	Dirixido por José María Forqué
1967	Yo he visto a la muerte		Si	Dirixido por José María Forqué
1965	Whisky y vodka		Si	Dirixido por Fernando Palacios
1964	La muerte viaja demasiado		Si	Dirixido por José María Forqué
1964	Piso de solteros		Si	Dirixido por Alfonso Balcázar
1964	Tengo 17 Años		Si	Dirixido por José María Forqué
1964	Playa de Formentor		Si	Dirixido por Germán Llorente
1963	El juego de la verdad		Si	Dirixido por José María Forqué
1963	La becerrada		Si	Dirixido por José María Forqué
1962	El secreto de Mónica		Si	Dirixido por José María Forqué

Obra literaria

• Biografía del circo (1958), Logroño, Pepitas de calabaza, 2014. ISBN 978-84-15862-27-7
• La noche de San Trotamundos, Madrid, Anaya, colección Luna de Papel, 1987. ISBN 978-84-7525-408-1
• Juncal (1989), Logroño, Fulgencio Pimentel Editorial, 2018. ISBN 978-84-16167-84-5
• Vidas perras, Madrid, Ediciones Tayo, 1990. ISBN 978-84-87048-02-9
• Cine de la flor, Madrid, Nickel-Odeon, 1993. ISBN 978-84-88370-04-4
• Diario en blanco y negro, Madrid, Nickel-Odeon, 1994. ISBN 978-84-88370-07-5
• Los amantes encuadernados, Madrid, Espasa-Calpe, 1997. ISBN 978-84-239-8831-0
• Las siete pesadillas, Madrid, Espasa-Calpe, 1998. ISBN 978-84-239-7941-7
• La isla de los pájaros, Madrid, Plaza & Janés, 1999. ISBN 978-84-01-32785-8
• La dulce España: memorias de un niño partido en dos, Barcelona, Tusquets, 2000. ISBN 978-84-8310-720-1
• Los duendes jamás olvidan, Barcelona, Belacqua, 2003. ISBN 978-84-95894-66-3
• Eva sin manzana / La señorita / Mi querida señorita / El nido. Edición de Catalina Buezo, Madrid, Cátedra, Letras Hispánicas, 2003. ISBN 84-376-2070-8

Véxase tamén

Bibliografía

• Asión Suñer, Ana, "Memoria y reflexión en el cine de Jaime de Armiñán", En La Tadeo DeArte, n.º 5, 2019, pp. 134-141 [1]
• Buezo, Catalina, "Jaime de Armiñán y los medios de comunicación como difusores de ideas reformistas", En Espéculo: Revista de Estudios Literarios, n.º 20, 2002. [2] Arquivado 18 de xuño de 2021 en Wayback Machine.
• Crespo, Pedro, Jaime de Armiñán: los amores marginales, Huelva, Festival de Cine Iberoamericano, 1987. [3]
• Diego, Patricia y Grandío, María del Mar, “Producción y programación de series cómicas de TVE en la época franquista: Jaime de Armiñán y las primeras comedias costumbristas”. En Estudios sobre el Mensaje Periodístico, Vol. 20, Núm. especial, 2014, pp. 105-120.
• Galán, Diego, Jaime de Armiñán. Huesca, Festival de Cine de Huesca 1990. ISBN 84-404-7240-4 [4]
• Tejeda, Carlos (coord.), El pulso del narrador. Los contrapuntos de Jaime de Armiñán. XVI Festival Solidario de Cine Español de Cáceres, Fundación ReBross, Notorious Ediciones, 2009. ISBN 978-84-936000-9-9 [5]
• VV. AA, Jaime de Armiñán y su mundo. Valencia, Fundación Municipal de Cine/Mostra de Valencia, 2001. ISBN 84-8484-016-6 [6]

Ligazóns externas

• El último tranvía en Televisión Española
• Jaime de Armiñán, Goya de Honor, 2014