István Nyers
István Nyers tamén coñecido coma Stefano Nyers, nado en Freyming-Merlebach (Francia) o 25 de maio de 1924 e finado en Subotica (Serbia) o 9 de marzo de 2005, foi un futbolista húngaro que xogaba na demarcación de dianteiro. A pesar de que só disputou dous encontros coa selección de fútbol de Hungría está considerado como un dos mellores xogadores deste país, desenvolvendo o mellor da súa carreira futbolística no Inter de Milan.
István Nyers | |||
---|---|---|---|
Información persoal | |||
Nome | István Nyers | ||
Nacemento | 25 de maio de 1924 | ||
Lugar de nacemento | Freyming-Merlebach | ||
Falecemento | 9 de marzo de 2005 | ||
Lugar de falecemento | Subotica | ||
Altura | 1,74 m. | ||
Posición | Dianteiro | ||
Carreira xuvenil | |||
1938-1941 | III. Kerületi TUE | ||
Carreira sénior | |||
Anos | Equipos | Aprs | (Gls) |
1941–1944 | Szabadkai Vasutas AC | ||
1944 | Zuglói GANZ | ||
1945 | Kispest AC | 3 | (0) |
1945-1946 | Újpesti FC | 20 | (18) |
1946 | FK Viktoria Žižkov | 3 | (1) |
1946-1948 | Stade Français FC | 62 | (34) |
1948-1954 | Inter de Milan | 182 | (133) |
1954 | Servette FC | 0 | (0) |
1954-1956 | AS Roma | 54 | (20) |
1956-1957 | FC Barcelona | 0 | (0) |
1957 | Terrassa FC | 0 | (0) |
1958 | CE Sabadell FC | 0 | (0) |
1958-1960 | Calcio Lecco 1912 | 36 | (11) |
1960-1961 | Marzotto Valdagno | 11 | (0) |
Selección nacional | |||
1945-1946 | Selección de fútbol de Hungría | 2 | (2) |
Partidos e goles só en liga doméstica. [ editar datos en Wikidata ] | |||
Traxectoria editar
Naceu en Francia nunha familia de emigrantes húngaros que traballaban na minaría, aos catorce anos trasladouse coa súa familia a Budapest onde comezou a xogar no III. Kerületi TUE. Debutou oficialmente con 17 anos no Szabadkai VAC, equipo Iugoslavo que xogaba na liga húngara despois da anexión deste país da rexión ao comezo da segunda guerra mundial.
En 1944 fichou polo Zuglói GANZ e en 1945 polo Újpest FC, co que gañou a Liga húngara en 1945 e 1946. Ese último ano emigrou, fichando polo FK Viktoria Žižkov checoslovaco e polo Stade Français FC francés despois.
En 1948 fichou polo Inter de Milan onde se converteu nun dos mellores goleadores da historia da Serie A italiana. No equipo milanés proclamouse campión do Campionato italiano en 1953 e 1954, proclámandose tamén máximo goleador do campionato no seu primeiro ano no equipo.
En 1954 deixou o equipo e fichou, tras un breve paso polo Servette FC, polo AS Roma, onde militou dous anos. Ao cabo deste período fichou por diferentes equipos cataláns, FC Barcelona, Terrassa FC e CE Sabadell FC, sen chegar a disputar ningún encontro.
Finalmente retirouse en 1961, xogando en equipos menores da liga italiana.