Isidoro Bugallal
Isidoro Bugallal Araújo, nado en Ponteareas o 3 de setembro de 1854 e finado en Madrid o 14 de abril de 1914, foi un avogado, político e escritor galego.
  | |
| Biografía | |
|---|---|
| Nacemento | 3 de setembro de 1854 Ponteareas, España |
| Morte | 14 de abril de 1914 (59 anos) Madrid, España |
| Datos persoais | |
| País de nacionalidade | España |
| Actividade | |
| Ocupación | político |
| Lingua | Lingua castelá |
| Familia | |
| Fillos | Javier Bugallal Pérez de Castro, José Luis Bugallal Marchesi |
| Pai | José Ramón Bugallal |
| Irmáns | Gabino Bugallal e Darío Bugallal Araújo |
Traxectoria editar
Fillo de José Ramón Bugallal Muñoz e neto do xornalista Isidoro Araújo. Estudou o bacharelato en Pontevedra e licenciouse en Dereito pola Universidade de Santiago de Compostela. En 1883 trasladouse a Madrid e ingresou no corpo de Rexistradores da Propiedade.
Foi deputado provincial, foi elixido deputado a Cortes polo distrito de Ponteareas nas eleccións de 1903, 1905, 1907 e 1910 e polo distrito de Ourense nas eleccións de 1914. Colaborou en Faro de Vigo, La Correspondencia Gallega e El Universo e foi elixido académico correspondente da Real Academia Galega.
Grazas a súa xenerosidade construíuse o edificio das Escolas Graduadas de Ponteareas, que ocupou o Museo Municipal e agora ocupa o Conservatorio Municipal.
Vida persoal editar
Casou en primeiras nupcias con María Pérez de Castro Martínez, filla de Evaristo Pérez de Castro Brito, e foi pai de Javier Bugallal Pérez de Castro. María faleceu en 1892 e Isidro casou en segundas nupcias con Pilar Marchesi Buhigas (1894); deste matrimonio tivo como fillo ao xornalista José Luis Bugallal Marchesi.
Obras editar
- Dos semblanzas de Cánovas, 1898.
- Suiza española. Paseando por Galicia, 1903.
- Notas políticas. Antes y después del Desastre, 1908.
Véxase tamén editar
Bibliografía editar
- Dicionario biográfico de Galicia 1. Ir Indo Edicións. 2010-2011.
- López Morán, Beatriz; Mínguez-Goyanes de la Rica, José Luis (2003). Real Academia Galega, ed. Parlamentarios de Galicia, biografías de deputados e senadores (1810-2001). A Coruña. ISBN 978-84-87987-27-4.
- Candeira Mosquera, Francisco (1990). Caciquismo e poder local na Galicia da restauración (distrito de Ponteareas, 1881-1894). Ponteareas: Galicia - Sur. ISBN 84-404-8088-1.