Instinto básico
Instinto básico (en inglés: Basic Instinct) é un filme estadounidense neo-noir[3] e suspense erótico de 1992 dirixido por Paul Verhoeven e escrito por Joe Eszterhas. Está protagonizado por Michael Douglas e Sharon Stone. Conta a historia dun detective da policía, Nick Curran (Douglas), que investiga o caso do brutal asasinato dunha estrela de rock. Durante a investigación, Curran involúcrase nunha intensa relación coa principal sospeitosa, Catherine Tramell (Stone), unha enigmática escritora.
| Instinto básico | |
|---|---|
 Logo do filme. | |
| Ficha técnica | |
| Título orixinal | Basic Instinct |
| Director | Paul Verhoeven |
| Produtor | Alan Marshall |
| Guión | Joe Eszterhas |
| Intérpretes | |
| Música | Jerry Goldsmith |
| Fotografía | Jan de Bont |
| Montaxe | Frank J. Urioste |
| Estudio | |
| Distribuidora |
|
| Estrea | Os Ánxeles: 18 de marzo de 1992 20 de marzo de 1992 |
| Duración | 128 minutos[1] |
| Orixe |  Estados Unidos.svg){kind=small} Reino Unido Francia |
| Xénero | Neo-noir e suspense erótico |
| Orzamento | 49 millóns de dólares |
| Recadación | 352,9 millóns de dólares[2] |
| Na rede | |
           | |
Eszterhas desenvolveu o guión na década de 1980, que se converteu en obxecto dunha guerra de licitacións até que Carolco Pictures adquiriu os dereitos do filme. Dende ese momento, Verhoeven asinou para dirixilo proxecto e despois sumáronse Douglas e Stone, logo de que moitas actrices fosen consideradas para o papel de Tramell. Antes da súa estrea, Instinto básico xerou moita controversia por mor da súa representación gráfica de sexualidade e violencia, incluíndo unha escena de violación. Foi fortemente rexeitada polos activistas dos dereitos LGTB, que criticaron a representación do filme dunha relación homosexual e a descrición dunha muller bisexual como unha psicópata asasina.[4][5] Nunha entrevista de 2006, Stone alegou que a escena na que ela separa as pernas e a súa vulva quedaba exposta foi filmada sen o seu coñecemento.[6]
Personaxes editar
- Michael Douglas como Detective Nick Curran
- Sharon Stone como Catherine Tramell
- George Dzundza como Detective Gus Moran
- Jeanne Tripplehorn como Dr. Beth Garner
- Denis Arndt como Tenente Phillip Walker
- Leilani Sarelle como Roxanne "Roxy" Hardy
- Bruce A. Young como Andrews
- Chelcie Ross como Capitán Talcott
- Dorothy Malone como Hazel Dobkins
- Wayne Knight como John Correli
- Daniel von Bargen como Tenente Marty Nielsen
- Stephen Tobolowsky como Dr. Lamott
- Benjamin Mouton como Harrigan
- Jack McGee como Sheriff
- Bill Cable como Johnny Boz
- James Rebhorn como Dr. McElwaine
Notas editar
- ↑ British Board of Film Classification, ed. (18 de marzo de 1992). "BASIC INSTINCT (18)". Arquivado dende o orixinal o 01 de setembro de 2013. Consultado o 19 de abril de 2013.
- ↑ Box Office Mojo. Consultado o 22 de outubro de 2011.
- ↑ Silver, Alain; Ward, Elizabeth; eds. (1992). Film Noir: An Encyclopedic Reference to the American Style (3rd ed.). Woodstock, Nova York: The Overlook Press. ISBN 0-87951-479-5
- ↑ Leistedt, Samuel J.; Linkowski, Paul (xaneiro de 2014). "Psychopathy and the Cinema: Fact or Fiction?". Journal of Forensic Sciences 59 (1): 167–174. PMID 24329037. doi:10.1111/1556-4029.12359.
- ↑ Dr. Randi Fredricks, Ph.D. (ed.). "Dr. Fredricks Cinema Therapy Blog - Narcissistic personality disorder". Arquivado dende o orixinal o 15 de setembro de 2013. Consultado o 2014-04-18.
- ↑ "A Conversation with Sharon Stone" from the Basic Instinct: Ultimate Edition DVD (Lions Gate Home Entertainment, 2006).
Véxase tamén editar
Ligazóns externas editar
- Instinto básico na IMDb (en inglés).
- Ficha en BoxOfficeMojo (en inglés)
- Ficha en RottenTomatoes (en inglés)
- Ficha en Metacritic (en inglés)