Illa Hanover
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde outubro de 2017.) |
A illa Hanover é unha illa situada no océano Pacífico na Rexión de Magallanes e da Antártica Chilena, Chile, ao norte do estreito de Magallanes. Forma parte do arquipélago de Hanover. Esta separada da illa Chatham pola Canle Esteban, Guías Narrows e Canle Inocentes.
Illa Hanover | |
---|---|
Localización da illa | |
Situación | |
País | Chile |
Rexión | Rexión de Magallanes e da Antártica Chilena |
Provincia | Provincia de Última Esperanza |
Arquipélago | Arquipélago de Hanover |
Mar | Océano Pacífico |
Coordenadas | 51°0′0″S 74°40′0″O / -51.00000, -74.66667Coordenadas: 51°0′0″S 74°40′0″O / -51.00000, -74.66667 |
Xeografía | |
Superficie | 811´9 km² |
Perímetro | 479´8 |
Punto máis alto | 1.158 m. |
Demografía | |
Poboación | Deshabitada |
Desde hai aproximadamente 6.000 anos as súas costas foron habitadas polo pobo kawésqar. A comezos do século XXI este pobo fora practicamente extinguido pola acción do home branco.
Historia editar
A contar de 1520, co descubrimento do estreito de Magallanes, poucas rexións foron tan exploradas como a dos canles patagónicos. Nas cartas antigas a rexión da Patagonia, entre os paralelos 48° e 50° Sur, aparecía ocupada case exclusivamente por unha grande illa denominada "Campana" separada do continente pola "canle da nación Calén", nación que se supuxo existiu ata o século XVIII entre os paralelos 48° e 49° de latitude sur.
Desde mediados do século XX esas canles son percorridos con seguridade por grandes naves de todas as nacións, grazas aos numerosos recoñecementos e traballos hidrográficos efectuados nesas perigosas costas.
Por máis de 6.000 anos estas canles e as súas costas foron percorridas polos kawésqar, indíxenas, nómades canoeiros. Hai dúas hipótese sobre a súa chegada aos lugares de poboamento. Unha, que procedían do norte seguindo a ruta das canles chilotes e que atravesaron cara ao sur cruzando o istmo de Ofqui. A outra é que procedían desde o sur e que a través dun proceso de colonización e transformación de poboacións cazadoras terrestres, procedentes da Patagonia Oriental, poboaron as illas do estreito de Magallanes e subiron polas canles patagónicas ata o golfo de Penas. A comezos do século XXI este pobo fora practicamente aniquilado pola acción do home branco.
Aspecto das costas editar
Son unha sucesión de terras altas e barrancosas con numerosos cumes e promontorios moi parecidos entre si. Os seus cabos e puntas terminan en forma abrupta.
As costas son cantíls e as súas canles, en xeral son limpas e abertas, onde hai escollos estes están invariablemente marcados por sargazos.
Existen alturas bastante notables que serven para recoñecer a entrada aos diferentes seos, canles ou baías. Estas están claramente indicadas nas respectivas cartas e derroteiros da rexión. Destaca un cerro de 1.219 metros de altura.
Literatura editar
Na ficción popular, a illa aparece no libro de Jules Verne Dous anos de vacacións. O libro conta a historia de 15 nenos (entre 8 e 14 anos) de Auckland, que pasaron 2 anos nesta remota illa como resultado dunha tormenta que embaranca a súa goleta na costa da illa. Eles chámana "Chairman Island" (Illa do Presidente) polo nome do internado dos raparigos.
No lado continental atópase o Parque Nacional Torres do Paine.
Notas editar
Véxase tamén editar
Wikimedia Commons ten máis contidos multimedia na categoría: Illa Hanover |