Ilia Devin
Ilia Devin (ruso: Девин Илья Максимович), nado o 20 de xullo de 1922 en Sire Теrizmorga e finado o 13 de novembro de 1998 en Saransk, foi un xornalista e escritor mordovo, un dos principais escritores en lingua moksha.
Ilia Devin | |
---|---|
Nacemento | 20 de xullo de 1922 |
Lugar de nacemento | Staraya Terizmorga |
Falecemento | 13 de novembro de 1998 |
Lugar de falecemento | Saransk |
Ocupación | poeta e escritor |
Premios | Order of the Patriotic War 2nd class, Orde da Amizade dos Pobos, Medalha "por mérito de batalha", Orde da Estrela Vermella e Bandeira Vermella do Traballo |
[ editar datos en Wikidata ] | |
Traxectoria editar
Naceu no seo dunha familia labrega e estudou na súa localidade natal. Loitou en varias frontes durante a segunda guerra mundial co Exército Vermello e logo da guerra traballou na radio estatal de Mordova mais nas publicacións periódicas Mokšen Pravda e Mokša. Membro da Unión de Escritores de Rusia dende 1949, foi o presidente da Unión de Escritores da República de Mordovia (1971-1984). Membro do Consello Supremo da RSS de Mordovia (1975-1980), delegado no XXV Congreso do PCUS (1976)
Actividade literaria editar
Comezou a escribir durante os seus anos escolares, publicou o seu primeiro poema en 1939 na revista Kolkhozon Eriaf e nos anos seguintes publicou en diversas revistas mordovas. Durante a guerra publicou en revistas militares e en 1945 publicou o seu primeiro libro, unha selección da súa poesía militar, Šobdavan Zari [1]. Ao longo da súa vida publicou 20 libros[2], tanto de poesía como de prosa. Pero a súa obra principal é a novela Nariše que saíu do prelo en 1969, ambientada nos anos inmediatamente posteriores á guerra nunha aldea mordova, a trama céntrase na nova xeración que participa activamente en todas as esferas de actividade nuns anos marcados polas dificultades causadas pola guerra e polas moitas pexas que poñen os membros da vella xeración aos avances.
Notas editar
- ↑ "Девин Илья Максимович" Arquivado 22 de xullo de 2018 en Wayback Machine., moypolk.ru
- ↑ Девин Илья Максимович Arquivado 11 de xullo de 2018 en Wayback Machine. на сайте «Библиотека мордовской литературы»