Ibrox Stadium
Coordenadas: 55°51′11″N 4°18′33″O / 55.853055555556, -4.3091666666667
O Ibrox Stadium (orixinalmente Ibrox Park) é un estadio de fútbol situado na ribeira sur do río Clyde, no distrito de Ibrox da cidade de Glasgow, en Escocia. Inaugurado en 1899, é sede habitual do Rangers FC.
| Ibrox Stadium | |
|---|---|
 | |
| Datos | |
| Localización | 150 Edmiston Drive Ibrox, Glasgow Escocia, Reino Unido |
| Construción | |
| Inauguración | 30 de decembro de 1899 |
| Renovación | 1928 1978–1981 1990–1991 |
| Arquitecto | Archibald Leitch |
| Estadio | |
| Superficie | Herba |
| Dimensións | 105 x 69 |
| Capacidade | 50,987 |
| Propietario | Rangers FC |
| Localía | Rangers FC |
Historia editar
A súa denominación orixinal era a de Ibrox Park mais agora ten como nome oficial o de Ibrox Stadium. Este estadio ten unha capacidade de 50,987 seareiros con tódalas súas bancadas de sentar e é un dos dous estadios de Escocia, xunto ó Hampden Park, que está denominado pola UEFA como un cinco estrelas. A nivel nacional tan só lle gaña en capacidade, amais de Hampden Park, o Celtic Park, que é o de máis capacidade do país.
Este campo de fútbol é a casa do Rangers dende 1899 e así o foi dende entón e segue a selo nos nosos tempos.
O récord que ostenta este campo é o de maior xente vendo un partido de liga de todo o Reino Unido. Foi en 1939 e asistiron, segundo os datos oficiais que se barallan, 118.567 persoas para ver un derbi do Old Firm co Celtic.
A súa última renovación data do 1997.
Traxedias na historia do estadio editar
Por desgraza ocorreu ó longo da historia un par de traxedias no Ibrox Stadium, a primeira polos comezos do século XX (1902) e a segunda non hai moito tempo (1971).
A que sucedeu en primeiro termo foi a do 5 de abril do 1902 nun partido entre as selecións nacionais de Escocia e de Inglaterra durante un encontro do Campionato Británico. Parte dunhas bancadas, que eran de madeira, viñéronse cara a abaixo e caeron os afeccionados alí presentes dende unha altura duns 12 m. Houbo 26 vítimas mortais e arredor de 500 feridos, polo que chegou a ser, daquela, o peor dos desastres acaecidos nun encontro de fútbol. A resposta inmediata ante este suceso foi o reforzamento dos chanzos con formigón en todo o Reino Unido. E a segunda ocorreu no 2 de xaneiro de 1971 cando nun partido contra os eternos rivais (o Celtic) o conxunto local foi quen de consegui-la igualada a un tanto nos derradeiros intres do encontro, o que supuxo unha reacción de tolemia xeneralizada entre os "Bluenoses" que rematou en 66 mortos e arredor de 200 feridos.