Honiara
Honiara (Modelo:IPAc-gl) é a capital e cidade máis grande das Illas Salomón, situada no noroeste na costa de Guadalcanal. En 2021 tiña unha poboación de 92.344 persoas. A cidade está servida polo Aeroporto Internacional Honiara e o porto marítimo de Point Cruz para a exportación de coco, madeira e ouro. Tamén se atopan os principais organismos administrativos do país e o Museo Nacional., e sitúase ao longo da estrada Kukum.
| ||||
| Localización | ||||
|---|---|---|---|---|
| ||||
| Reinos da Commonwealth | Illas Salomón  | |||
| Capital de | ||||
| Poboación | ||||
| Poboación | 84.520 (2017) (3.841,82 hab./km²) | |||
| Lingua usada | 'Are'are (en)  Äiwoo (pt) | |||
| Xeografía | ||||
| Superficie | 22.000.000 m² | |||
| Bañado por | Océano Pacífico e Rio Matanikau (pt) | |||
| Altitude | 29 m | |||
| ISO 3166-2 | SB-CT | |||
Situada en Guadalcanal, a cidade foi reconstruída para albergar a capital do arquipélago, en substitución da antiga capital, Tulaghi, tras o fin da segunda guerra mundial.
A zona do aeroporto ao leste de Honiara foi o lugar dunha batalla entre os Estados Unidos e os xaponeses durante a Campaña de Guadalcanal na segunda guerra mundial, a Batalla de Henderson Field de 1942, da que América saíu vitoriosa. Despois de que Honiara se convertese no novo centro administrativo do Protectorado Británico das Illas Salomón en 1952 coa adición de moitos edificios administrativos, a cidade comezou a desenvolverse e crecer en poboación. Desde finais da década de 1990, Honiara sufriu unha historia turbulenta de violencia étnica e disturbios políticos e está marcada polos disturbios. Un intento de golpe de estado en xuño de 2000 deu lugar a violentas rebelións e loitas entre os malaitanos étnicos da Forza Aguia Malaita (MEF) e os nativos de Guadalcanal do Movemento de Liberdade Isatabu (IFM).
Aínda que se chegou a un acordo de paz en outubro de 2000, a violencia reproduciuse nas rúas da cidade en marzo de 2002 cando dous diplomáticos de Nova Zelandia e varios outros foron asasinados. En xullo de 2003, as condicións empeoraron tanto en Honiara que a Misión de Asistencia Rexional ás Illas Salomón (RAMSI), formada por varias nacións do Pacífico baixo liderado australiano, foi invitada a entrar no país polo Goberno de Salomón para restaurar a orde. En 2006, estalaron disturbios trala elección de Snyder Rini como primeiro ministro, destruíndo unha parte do Barrio Chinés e deixando sen teito a máis de 1.000 residentes chineses. Os disturbios devastaron a cidade e o turismo na cidade e as illas víronse gravemente afectadas.
Honiara contén a maioría dos principais edificios e institucións gobernamentais das Illas Salomón. O Parlamento Nacional das Illas Salomón, a Facultade de Educación Superior das Illas Salomón Honiara, a Escola Internacional de Honiara e a Universidade das Illas Salomón do Pacífico Sur atópanse en Honiara así como a Museo Nacional e Mercado de Honiara. Politicamente Honiara divídese en tres circunscricións parlamentarias, elixindo a tres dos 50 membros do Parlamento Nacional. Estas circunscricións, Honiara Oriental, Honiara Central e Honiara Occidental, son tres das únicas seis circunscricións do país que teñen un electorado de máis de 10.000 persoas.
Honiara é predominantemente cristiá e é servida pola sede da Igrexa da Provincia de Melanesia (Anglicano), a Arquidiocese Católica Romana de Honiara, a Igrexa Evanxélica do Mar do Sur , a Igrexa Unida, a Igrexa Adventista do Sétimo Día e outras igrexas cristiás.
Poboación editar
Modelo:Sección sen referencia Segundo o censo de 2021, a poboación de Honiara era de 92.344 habitantes.[1] Isto fai de Honiara a cidade máis poboada das Illas Salomón. Tamén é o núcleo de poboación de máis rápido crecemento das Illas Salomón.[2] A poboación é bastante nova, aproximadamente o 50% dos residentes de Honiara teñen menos de 30 anos.[3]
Historia editar
O nome Honiara deriva de nagho ni ara que se traduce aproximadamente como "lugar do vento do leste" ou "de cara ao vento do sueste" nunha das linguas de Guadalcanal.[4] A cidade non foi amplamente documentada e hai pouco material detallado sobre ela.[5]
Honiara non existía antes da segunda guerra mundial. Foi desenvolvida durante esta guerra ao redor do cuartel xeral do exército dos Estados Unidos en Guadalcanal.[6] En 1952 substituíu oficialmente a Tulagi como capital nacional.
Nos anos 1960, o goberno, en asociación co sector privado, pusó en marcha un extenso programa de desenvolvemento da nova capital. O 15 de novembro de 1966 estableceuse a Diocese de Honiara, que o 22 de decembro de 1978 foi elevada ao rango de Arquidiocese.[7]
Tras violentos disturbios no ano 2000, a protección da poboación foi realizada por tropas australianas, pois as Illas Salomón carecen de exército. Con todo, a tregua lograda polos australianos no 2000 fracasou no 2003, e as tropas estranxeiras regresaron a Honiara por solicitude do Parlamento das Illas Salomón. En 2006 estalaron novos disturbios tras a elección de Snyder Rini como Primeiro Ministro, que se saldaron coa destrución de gran parte do barrio chinés e o desprazamento de máis de 1000 residentes chineses.[8] Tres membros do Parlamento Nacional foron detidos durante ou como consecuencia das revoltas.[9]
Xeografía editar
Hoinara está situada na costa norte da illa Guadalcanal. O clima é tropical, con temperaturas medias diúrnas medias de 28 °C durante todo o ano.
É o principal centro urbano das Illas Salomón, concentrando máis da metade dos postos de traballo formais. Ademais, o consumo per cápita dun habitante da capital triplica ao dos habitantes rurais.
Ao compararse con salomenses rurais, os habitantes da capital teñen o dobre de probabilidades de recibir unha educación secundaria, e tres veces máis probabilidades de contar cunha conta bancaria e con servizos sanitarios na súa residencia. A porcentaxe de habitantes de Honiara con servizo eléctrico supera oito veces á da dos habitantes do campo. Por estas razóns, non é raro que se dea unha considerable migración de salomoneses a Honiara.
Posúe o Aeroporto Internacional Honiara.
Divisións administrativas editar
A Rexión da Capital Nacional de Honiara está subdividida nos seguintes barrios, enumerados de oeste a leste:
|
.png) 1 Distritos electorais: |
Notas editar
- Referencias
- ↑ Solomon Islands National Statistics Office. Projected population by province 2010-2025. https://www.statistics.gov.sb/statistics/social-statistics/population Arquivado 30 de xuño de 2022 en Wayback Machine.
- ↑ "Honiara city population growth a concern".
- ↑ "Population - Solomon Islands National Statistics Office". Arquivado dende o orixinal o 30 de xuño de 2022. Consultado o 06 de agosto de 2022.
- ↑ Room 2006, p. 168.
- ↑ Kupiainen 2000, pp. 128–134.
- ↑ Encyclopædia Britannica (ed.). "Honiara" (en inglés). Consultado o 24 de setembro de 2011.
- ↑ CatholicNET in the world (ed.). "A brief history of the Archdiocese of Honiara" (en inglés). Arquivado dende o orixinal o 01 de marzo de 2007. Consultado o 24 de setembro de 2011.
- ↑ Penny Spiller (21 de abril de 2006). BBC News, ed. "Riots highlight Chinese tensions" (en inglés). Consultado o 24 de setembro de 2011.
- ↑ The Sydney Morning Herald, ed. (24 de abril de 2006). "Third Solomons MP arrested over riot" (en inglés). Consultado o 24 de setembro de 2011.
- ↑ Ocha Services: Solomon Islands - Subnational Administrative Boundaries
Véxase tamén editar
Wikimedia Commons ten máis contidos multimedia na categoría: Honiara  |
Ligazóns externas editar
- Video of Honiara in 1975
- Video of Honiara in 1974
- Video of Sir Donald Luddington swearing in Solomon Mamaloni in the 1970s (starts at 7.08 mins in)
Notas editar
Véxase tamén editar
| Wikimedia Commons ten máis contidos multimedia na categoría: Honiara |