Henri Hiro
Henri Hiro, nado en Moorea o 1 de xaneiro de 1944 e finado en Huahine o 1 de marzo de 1990, foi un poeta, dramaturgo e director de cinema da Polinesia Francesa.
| Biografía | |
|---|---|
| Nacemento | 1944  Moorea, Francia |
| Morte | 10 de marzo de 1990 (45/46 anos) Illa Huahine, Francia |
| Datos persoais | |
| Residencia | Illa Huahine (1985–) Tahití (1972–1985) Francia (1967–1972) Punaauia (–1967) |
| País de nacionalidade | Francia |
| Actividade | |
| Campo de traballo | Cultura polinésia (pt)  |
| Ocupación | director de cinema |
| Lingua | Lingua francesa e Lingua tahitiana |
Traxectoria editar
Hiro estudou teoloxía en Montpellier e volveu para Tahití en 1972, pero non se ordenou sacerdote.[1]. Segundo a súa visión procedía dunha sociedade colonizada e arelaba volver aos valores tradicionais polinesios,[2] e traballou para promover a lingua tahitiana, así como a cultura e identidade propia.[3]
Hiro tamén se implicou na defensa do medio ambiente, foi un dos impulsores da asociación Ia ora te natura, e na resistencia contra o poder francés, e así en 1975 foi un dos membros fundadores do partido Ia Mana te Nunaa, defensor dun socialismo autoxestionario e con Jacqui Drollet como líder.
En 1979 realizou, xunto con Jean L'Hôte, o seu primeiro filme, Le Château, que trata da perda da identidade entre os mozos en Tahití. En Marae, de 1983, recreou unha cerimonia tradicional de entronización real e Te ora, que Hiro realizou con Bruno Tetaria en 1988, é un canto á natureza polinesia, presentando quince especies de árbores aos nenos.[1] Publicou ademais dúas coleccións de poesías en tahitiano e montou espectáculos teatrais nos que integrou cantos polifónicos, danzas ou recitacións tradicionais[4].
Publicacións editar
- Pehepehe i taù nūnaa, Tupuna, 1985
- Taaroa, OTAC, Tahiti, 1984.
Filmes editar
- Le Château (1979)
- Marae (1983),
- Te ora (1988), serie de televisión escrita por Henri Hiro e realizada por Bruno Tetaria ; 15 filmes para nenos consagrados a diferentes árbores da Polinesia.
Notas editar
- ↑ 1,0 1,1 «Henri Hiro, le poète» Arquivado 22 de outubro de 2012 en Wayback Machine., Tahiti Heritage.
- ↑ «Hommage à Henri Hiro, le poète engagé des années soixante-dix», arkivert fra Tahiti Presse, 3. mars 2010.
- ↑ «Henri Hiro, poète polynésien», Jalons pour l'histoire du temps présent.
- ↑ Bruno Saura (2013) Tahiti ma'ohi: Culture, identité, religion et nationalisme en Polynésie française Au vent des îles.