Heinrich Bach

Heinrich Bach, nado o 16 de setembro de 1615 en Wechmar (actualmente en Turinxia, Alemaña; daquela pertencente ao Sacro Imperio Romano Xermánico) e finado o 10 de xullo de 1692 en Arnstadt, foi un compositor e organista alemán, membro da familia Bach.

Heinrich Bach
Nacemento	16 de setembro de 1615
	Wechmar Sacro Imperio Romano Xermánico
Falecemento	10 de xullo de 1692
	Arnstadt Sacro Imperio Romano Xermánico
Instrumento(s)	Órgano
Pai	Johannes Bach
Nai	Anna Schmied
Parella/s	Eva Hoffmann
Fillos	Johann Michael Bach, Johann Christoph Bach e Johann Günther Bach
Irmáns	Christoph Bach e Johann Bach
Na rede
[ editar datos en Wikidata ]

Traxectoria

Heinrich Bach naceu en Wechmar, sendo considerado o pai da chamada Liña de Arnstädt da familia Bach. Despois da morte prematura de seu pai, o seu irmán máis vello Johannes Bach continuou a súa educación musical e ensinoulle a tocar o órgano. Trasladáronse a Suhl e Schweinfurt. Entre 1635 e 1641, foi Ratsmusikant no Ratsmusikanten-Compagnie de Erfurt dirixido por Johannes. Dende 1641 converteuse en organista da Igrexa de Santa María e da Oberkirche de Arnstadt, posto que ocupou ata a súa morte. En 1642 casou con Eva Hoffmann, a filla máis nova de Suhl Stadtpfeiffer Hoffmann. Heinrich Bach morreu en Arnstadt en 1692.

Tres dos seus fillos, Johann Christoph Bach, Johann Michael Bach e Johann Günther Bach, foron músicos.

Obra

Só unhas poucas das súas obras se conservaron:

• Cantata Ich danke dir, Gott
• Ach, dass ich Wassers gnug hätte
• Kyrie
• Zwei Sonaten à 5
• Da Christus an dem Kreuze stund
• Erbarm dich mein, o Herre Gott

Véxase tamén

Bibliografía

• Diccionario Enciclopédico de la Música "Música Maestro", Editorial Rombo, 1996, ISBN 84-8257-032-3
• Musicalia, Enciclopedia y Guía de la Música Clásica, Editorial Salvat, 1986, ISBN 84-7137-872-8
• Larousse de la musique, Librairie Larousse, 1957

Ligazóns externas

• Partituras gratuítas de Heinrich Bach Arquivado 04 de marzo de 2016 en Wayback Machine. en Choral Public Domain Library (ChoralWiki)