Harry Potter e o misterio do príncipe (filme)
Harry Potter e o misterio do príncipe (en inglés: Harry Potter and the Half-Blood Prince) é un filme de fantasía e drama[4] dirixido por David Yates e baseado na novela homónima escrita por J. K. Rowling. É o sexto filme da serie de filmes de Harry Potter. Foi escrito por Steve Kloves e producido por David Heyman e David Barron.[5] A historia céntrase no sexto ano de Harry Potter na Escola Hogwarts de Maxia e Feiticería, durante o que se obsesiona cun misterioso libro de texto, se namora e intenta conseguir un recordo que ten a clave para derrotar a Lord Voldemort. A película está protagonizada por Daniel Radcliffe como Harry Potter, con Rupert Grint e Emma Watson como os mellores amigos de Harry, Ron Weasley e Hermione Granger. O resto do elenco inclúe a Michael Gambon, Jim Broadbent, Alan Rickman, Tom Felton e Helena Bonham Carter.
| Harry Potter e o misterio do príncipe | |
|---|---|
| Ficha técnica | |
| Título orixinal | Harry Potter and the Half-Blood Prince |
| Director | David Yates |
| Produtor | David Heyman David Barron |
| Guión | Steve Kloves |
| Baseado en | Harry Potter e o misterio do príncipe de J. K. Rowling |
| Intérpretes | Daniel Radcliffe Rupert Grint Emma Watson Michael Gambon Jim Broadbent Alan Rickman Helena Bonham Carter Tom Felton |
| Música | Nicholas Hooper John Williams |
| Fotografía | Bruno Delbonnel |
| Montaxe | Mark Day |
| Estudio | Heyday Films |
| Distribuidora | Warner Bros. |
| Estrea | 15 de xullo de 2009[1] 25 de decembro de 2013 (TVG) |
| Duración | 153 minutos[2] |
| Orixe | .svg){kind=small} Reino Unido Estados Unidos |
| Xénero | Fantasía Drama |
| Orzamento | $250 000 000[3] |
| Recadación | $934 400 000 |
| Filme anterior | Harry Potter e a Orde do Fénix |
| Filme seguinte | Harry Potter e as reliquias da morte (1ª parte) |
| Na rede | |
| http://harrypotter.warnerbros.com/harrypotterandthehalf-bloodprince/ | |
           | |
O filme tivo a súa estrea no Reino Unido e os Estados Unidos o 15 de xullo de 2009. A recadación nas salas internacionais ascende a 933,9 millóns de dólares estadounidenses.[6] Recibiu unha candidatura aos Premios Oscar pola Oscar á mellor fotografía,[7] que finalmente gañou Avatar, e outra aos premios BAFTA aos mellores efectos especiais e ao mellor deseño de produción, ambos tamén gañados por Avatar.[8] O misterio do príncipe é un dos filmes da saga mellor valorados pola crítica.
Estreouse na TVG, en galego, o 25 de decembro do 2013.
Sinopse editar
- Véxase tamén: Harry Potter e o misterio do príncipe.
No sexto ano de Harry en Hogwarts, Lord Voldemort e os Devoradores da Morte aumentan o terror que provocan na poboación máxica e muggle. Albus Dumbledore persuade un vello amigo Horace Slughorn para que regrese a Hogwarts como profesor; non obstante, Dumbledore ten unha razón importante para que Slughorn cubra a vacante. Durante unha clase de Apócemas, Harry toma posesión dun libro de texto pertencente ao "Príncipe Mestizo" e cheo de anotacións ás marxes. Entrementres, Dumbledore e Harry manteñen reunións secretas co obxectivo de descubrir como destruír a Voldemort definitivamente.
Elenco editar
- Daniel Radcliffe como Harry Potter, protagonista do filme.
- Rupert Grint como Ron Weasley, mellor amigo de Harry.
- Emma Watson como Hermione Granger, mellor amiga de Harry.
- Helena Bonham Carter como Bellatrix Lestrange, unha das Devoradoras da Morte máis leais a Lord Voldemort.
- Jim Broadbent como Horace Slughorn, o novo profesor de Apócemas de Hogwarts.
- Robbie Coltrane como Rubeus Hagrid, o gardabosques e profesor de Coidado de Criaturas Máxicas en Hogwarts.
- Warwick Davis como Filius Flitwick, o profesor de Esconxuros en Hogwarts e xefe da Casa Ravenclaw.
- Tom Felton como Draco Malfoy, inimigo de Harry e encargado de realizar unha misión secreta para Voldemort.
- Michael Gambon como Albus Dumbledore, o director de Hogwarts.
- Alan Rickman como Severus Snape, o antigo profesor de Apócemas e actual profesor de Defensa contra a Maxia Negra.
- Maggie Smith como Minerva McGonagall, a profesora de Transfiguración e membro da Orde do Fénix.
- Timothy Spall como Peter Pettigrew, o Devorador da Morte que traizoou os pais de Harry. Spall non ten liñas de texto durante o filme.
- David Thewlis como Remus Lupin, antigo profesor de Defensa contra a Maxia Negra e membro da Orde do Fénix.
- Julie Walters como Molly Weasley, a matriarca dos Weasley e figura maternal para Harry.
- Devon Murray como Seamus Finnigan, amigo de Harry.
- Matthew Lewis como Neville Longbottom, amigo de Harry.
Banda sonora editar
| Harry Potter e o misterio do príncipe | ||||
|---|---|---|---|---|
| Banda sonora de Nicholas Hooper | ||||
| 14 de xullo de 2009 | ||||
| Estudio de gravación | Abbey Road Studios | |||
| Duración | 62:40 | |||
| Xénero | Banda sonora | |||
| Selo discográfico | New Line Records | |||
| Cronoloxía | ||||
| ||||
A banda sonora de Harry Potter e o misterio do príncipe lanzouse ao mercado o 14 de xullo de 2009. As pezas musicais foron compostas por Nicholas Hooper e dirixidas por Hooper e Alastair King. É a segunda banda sonora dun filme da saga Harry Potter feita por Hooper, que xa se encargara do filme anterior, Harry Potter e a Orde do Fénix. A banda sonora recibiu unha candidatura aos Premios Grammy na categoría de mellor álbum de banda sonora para unha película.
"Dumbledore's Farewell" emprégase de novo en Harry Potter e as reliquias da morte (2ª parte) durante as escena na que Harry ve os recordos de Snape no pensadoiro.
- Lista de pistas
- "Opening" - 2:53
- "In Noctem" - 2:00
- "The Story Begins" - 2:05
- "Ginny" - 1:30
- "Snape & the Unbreakable Vow" - 2:50
- "Wizard Wheezes" - 1:42
- "Dumbledore's Speech" - 1:31
- "Living Death" - 1:55
- "Into the Pensieve" - 1:45
- "The Book" - 1:44
- "Ron's Victory" - 1:44
- "Harry & Hermione" - 2:52
- "School!" - 1:05
- "Malfoy's Mission" - 2:53
- "The Slug Party" - 2:11
- "Into the Rushes" - 2:33
- "Farewell Aragog" - 2:08
- "Dumbledore's Foreboding" - 1:18
- "Of Love & War" - 1:17
- "When Ginny Kissed Harry" - 2:38
- "Slughorn's Confession" - 3:33
- "Journey to the Cave" - 3:08
- "The Drink of Despair" - 2:44
- "Inferi in the Firestorm" - 1:53
- "The Killing of Dumbledore" - 3:34
- "Dumbledore's Farewell" - 2:22
- "The Friends" - 2:00
- "The Weasley Stomp" - 2:51
Notas editar
- ↑ "Official Release Dates". Consultado o 7 de novembro de 2010.
- ↑ Dargis, Manohla (15 de xullo de 2009). "Movie Review-Harry Potter and the Half-Blood Prince". The New York Times. Consultado o 15 de xullo de 2009.
- ↑ "Half-Blood Prince Production Budget". Los Angeles Times. 22 de xuño de 2009. Consultado o 23 de xuño de 2009.
- ↑ "Warner Bros. Shop: Harry Potter and the Half-Blood Prince. Genre: fantasy-drama". Arquivado dende o orixinal o 30 de xuño de 2013. Consultado o 30 de xuño de 2013.
- ↑ "Daniel Radcliffe, Rupert Grint and Emma Watson to Reprise Roles in the Final Two Installments of Warner Bros. Pictures' Harry Potter Film Franchise". Warner Bros. 23 de marzo de 2007. Arquivado dende o orixinal o 02 de abril de 2007. Consultado o 23 de marzo de 2007.
- ↑ "Harry Potter and the Half-Blood Prince (2009)". Box Office Mojo. Consultado o 5 de maio de 2010.
- ↑ "Nominees & Winners for the 82nd Academy Awards". Academia das Artes e das Ciencias Cinematográficas. AMPAS. Consultado o 26 de abril de 2010.
- ↑ "Film Awards Winners: 2010". British Academy of Film and Television Arts. 21 de xaneiro de 2010. Arquivado dende o orixinal o 28 de febreiro de 2010. Consultado o 4 de maio de 2010.