Harald V de Noruega

Harald V, nado en Skaugum (Asker) o 21 de febreiro de 1937, é un nobre europeo, rei de Noruega dende o 17 de xaneiro de 1991. É fillo de Olav V e de Marta de Suecia, é o primeiro rei de Noruega nado no país dende o rei Olav IV, que nacera en 1370.

Harald V de Noruega
Rei de Noruega
O rei Harald de Noruega, en 2013.
Reinado	1991 - actualidade
Nacemento	21 de febreiro de 1937 Skaugum (Noruega)
Herdeiro	Haakon Magnus
Consorte	Sonia de Noruega
Casa real	Casa de Schleswig-Holstein-Sonderburg-Glücksburg
Proxenitores	Olaf V de Noruega Marta de Suecia
Na rede

Traxectoria

Harald é fillo de Olaf e a princesa Marta de Suecia, neta do rei Óscar II de Suecia. Naceu en Skaugum, en Asker preto de Oslo.

Harald é o primeiro príncipe herdeiro nado en Noruega desde Olaf IV en 1370. Como descendente de Maud, filla de Eduardo VII do Reino Unido, tamén está na liña de sucesión ao trono británico.

Ten dúas irmás, as princesas Ragnhild (1930-2012) e Astrid (1932).

Durante a invasión alemá de 1940, a familia real tivo que ir ao exilio. Mentres que o seu avó o rei Haakon VII e o seu pai se trasladaron a Londres xunto ao goberno no exilio, el, xunto coa súa nai e irmás, viviu en Washington, D.C.. A familia real regresou do exilio ao finalizar a segunda guerra mundial en 1945.

Foi o xefe da Igrexa de Noruega, como todos os reis noruegueses, ata o ano 2012, en que a Igrexa local rompeu o vínculo coa monarquía.

Na súa honra foi nomeada a Costa do Príncipe Harald na Antártida.

Matrimonio

Casou en 1968 con Sonja Haraldsen, unha plebea, provocando gran controversia a nivel popular. Froito deste matrimonio son:

• Marta Luisa de Noruega, nada o 22 de setembro de 1971 en Oslo.
• Haakon Magnus de Noruega, príncipe herdeiro, nado o 20 de xullo de 1973 en Oslo.

Distincións honoríficas

• É Soberano Gran Maestre da Real e Noruega Orde de San Olav e da Real e Noruega Orde ao Mérito.
• O Rei de España concedeulle o colar da Orde do Vélaro de Ouro o 30 de xuño de 2006.
• O presidente portugués Aníbal Cavaco Silva concedeulle o colar da Orde de Santiago da Espada en maio de 2008.

Predecesor: Olaf V

Rei de Noruega 1991 - actualidade

Sucesor: —

Véxase tamén

Ligazóns externas

• Páxina Oficial da Casa Real de Noruega