Gustavo Cabral

Gustavo Daniel Cabral, nado en Isidro Casanova, La Matanza, o 14 de outubro de 1985, é un futbolista arxentino. Xoga na demarcación de defensa central. Actualmente xoga no Club de Fútbol Pachuca.

Gustavo Cabral
Información persoal
Nome	Gustavo Daniel Cabral
Nacemento	14 de outubro de 1985 (38 anos)
Lugar de nacemento	Isidro Casanova
Altura	1.83 m
Posición	Defensa
Información de club
Club actual	Pachuca
Carreira sénior
Anos	Equipos	Aprs	(Gls)
2003–2007	Racing Club	112	(3)
2008–2010	River Plate	55	(3)
2010–2011	Estudiantes Tecos	30	(1)
2011–2013	Arsenal Sarandí	0	(0)
2011–2012	→ Levante UD (cedido)	16	(1)
2012–2013	→ Celta (cedido)	9	(0)
2013–2019	Celta de Vigo	164	(5)
2019–	Pachuca	0	(0)
Na rede
Partidos e goles só en liga doméstica. Club: actualizado a 19 de maio de 2019. [ editar datos en Wikidata ]

Traxectoria

Debutou co Racing Club o 12 de decembro de 2003, e ao cabo de pouco tempo afianzouse no primeiro equipo, chegando a xogar máis de 100 encontros.

En xaneiro de 2008 ficha por River Plate, onde se proclamou campión do Torneo Clausura ese mesmo ano e co que disputou encontros da Copa Libertadores e a Copa Suramericana

En 2010 fíxose cos seus servizos o Arsenal Sarandí a custo cero, porén non chegou a debutar co equipo xa que se sucederon varias cesións, primeiro ao Club Deportivo Estudiantes Tecos e despois á Primeira División Española ao Levante UD na tempada 2011/12 e ao Celta de Vigo en 2012 por dúas tempadas.

Coa selección arxentina

En 2005 formou parte da Selección de fútbol da Arxentina Sub-20 que gañou o Mundial de Fútbol Xuvenil e foi convocado coa Absoluta para un amigábel contra Chile aínda que non chegou a debutar.