Guardians of the Galaxy (filme)
Guardians of the Galaxy é un filme estadounidense de superheroes baseado no equipo de Marvel Comics Guardians of the Galaxy, producido por Marvel Studios e distribuído por Walt Disney Studios Motion Pictures. É o décimo entrega de Marvel Cinematic Universe. O filme está dirixido por James Gunn, que escribiu o guión con Nicole Perlman, e conta entre o seu elenco con Chris Pratt, Zoe Saldana, Dave Bautista, Vin Diesel, Bradley Cooper, Lee Pace, Michael Rooker, Karen Gillan, Djimon Hounsou, John C. Reilly, Glenn Close e Benicio del Toro. En Guardians of the Galaxy, Peter Quill forma unha estraña alianza cun grupo inadaptados extraterrestres despois de roubar un cobizado orbe.
| Guardians of the Galaxy | |
|---|---|
 Logo do filme. | |
| Ficha técnica | |
| Título orixinal | Guardians of the Galaxy |
| Director | James Gunn |
| Produtor | Kevin Feige |
| Guión | James Gunn Nicole Perlman |
| Baseado en | Guardians of the Galaxy de Dan Abnett Andy Lanning |
| Intérpretes | Chris Pratt Zoe Saldana Dave Bautista Vin Diesel Bradley Cooper Lee Pace Michael Rooker Karen Gillan Djimon Hounsou John C. Reilly Glenn Close Benicio del Toro |
| Música | Tyler Bates |
| Fotografía | Ben Davis |
| Montaxe | Craig Wood Fred Raskin Hughes Winborne |
| Estudio | Marvel Studios |
| Distribuidora | Walt Disney Studios Motion Pictures |
| Estrea | Dolby Theatre: 21 de xullo de 2014 1 de agosto de 2014 |
| Duración | 122 minutos |
| Orixe |  Estados Unidos |
| Xénero | Ciencia ficción, fantasía |
| Orzamento | $170 000 000[1] |
| Recadación | $732 800 000 |
| Filme seguinte | Guardians of the Galaxy Vol. 2 |
| Na rede | |
| https://www.marvel.com/movies/guardians-of-the-galaxy | |
           | |
O guionista Nicole Perlman comezou a traballar na historia no 2009. O produtor Kevin Feige mencionou publicamente Guardians of the Galaxy como filme potencial no ano 2010, e Marvel Studios anunciou que o filme estaba en fase de desenvolvemento activo en xullo de 2012. Gunn foi contratado para escribir e dirixir o filme o mes de setembro dese ano. En febreiro de 2013, Pratt foi seleccionado para interpretar a Peter Quill / Star-Lord, e os actores de elenco foron escollidos nos meses seguintes. A rodaxe comezou en xullo de 2013 en Shepperton Studios, Inglaterra, e continuou en Londres ata outubro de 2013. Os traballos de posprodución remataron o 7 de xullo de 2014.
Guardians of the Galaxy estreouse en Hollywood o 21 de xullo de 2014. Foi lanzada nos cines o 1 de agosto de 2014 nos Estados Unidos, en versión 3D e IMAX 3D. O filme converteuse nun éxito da crítica e de recadación, gañando $732 millóns en todo o mundo. As mellores valoracións gabaron o seu humor, a banda sonora, a dirección de Gunn e a interpretación do elenco. Anunciouse que a súa secuela será estreada no 2017.
Sinopse editar
O temerario aventureiro Peter Quill é o obxectivo dun implacable cazarrecompensas despois de roubar unha misteriosa esfera cobizada por Ronan, un poderoso malvado cuxa ambición ameaza todo o universo. Para fuxir do incansable Ronan, Quill vese obrigado a pactar unha enguedellada tregua con catro disparatados inadaptados: Rocket, un mapache armado cun rifle, Groot, un humanoide con forma de árbore, a letal Gamora e o vingativo Drax o destrutor. Pero cando Quill descobre o verdadeiro poder da esfera, deberá facer todo o posible para derrotar ós seus extravagantes rivais nun intento desesperado de salvar o destino da galaxia.
Personaxes editar
- Chris Pratt como Peter Quill / Star-Lord
- Zoe Saldana como Gamora
- Dave Bautista como Drax the Destroyer
- Vin Diesel como Groot
- Bradley Cooper como Rocket
- Lee Pace como Ronan the Accuser
- Michael Rooker como Yondu Udonta
- Karen Gillan como Nebula
- Djimon Hounsou como Korath
- John C. Reilly como Corpsman Rhomann Dey
- Glenn Close como Nova Prime Irani Rael
- Benicio del Toro como Taneleer Tivan / The Collector
Notas editar
Véxase tamén editar
Ligazóns externas editar
- Guardians of the Galaxy na IMDb (en inglés).
- Ficha en RottenTomatoes (en inglés)
- Ficha en BoxOfficeMojo (en inglés)
- Ficha en Metacritic (en inglés)