Wikipedia

Gran Premio do Reino Unido de 2016

O Gran Premio do Reino Unido de 2016 (coñecido oficialmente como o 2016 Formula 1 British Grand Prix) foi unha carreira de Fórmula 1 que se celebrou o 10 de xullo de 2016, no Circuíto de Silverstone, Northamptonshire e Buckinghamshire, Inglaterra, Reino Unido. A carreira foi a décima rolda da tempada 2016 de Fórmula 1, a septuaxésima primeira (71ª) edición do Gran Premio do Reino Unido, e a quincuaxésimo segunda (52ª) vez que a carreira disputouse no Circuíto de Silverstone.

Gran Premio de Reino Unido de 2016
Detalles da carreira
Carreira 10 de 21 no Campionato Mundial de Fórmula 1 de 2016.
Trazado do circuíto de Silverstone.
Trazado do circuíto de Silverstone.
Data 10 de xullo de 2016
Localización Circuíto de Silverstone, Northamptonshire e Buckinghamshire, Reino Unido
Percorrido Percorrido permanente de carreira
5´891 km
Distancia 52 voltas, 306´747 km
Pole position
Piloto Lewis Hamilton Mercedes
Tempo 1:29.287
Volta rápida
Piloto Nico Rosberg Mercedes
Tempo 1:35.548 na volta 44
Podio
Primeiro Lewis Hamilton Mercedes
Segundo Países Baixos Max Verstappen Red Bull - Tag Hauer
Terceiro Alemaña Nico Rosberg Mercedes

O piloto de Mercedes Nico Rosberg entra na rolda cunha vantaxe de once puntos sobre o seu compañeiro de equipo Lewis Hamilton no campionato de pilotos. Mercedes ten unha vantaxe de cento tres puntos sobre Ferrari no Campionato de Construtores.

Informe editar

Antecedentes editar

Pneumáticos editar

Pirelli fornecera aos equipos cos pneumáticos de composto duros, medios e brandos, os tres compostos máis duros dispoñibles, para a carreira..[1]

Xestión dos pilotos de Mercedes editar

A raíz da colisión entre Lewis Hamilton e Nico Rosberg na última volta do Gran Premio de Austria, Mercedes introduciu unha nova política de xestión dos pilotos, ditando os termos en que Hamilton e Rosberg poderán competir entre si e as sancións no caso de altercados na pista.[2][3]

Proba posterior á carreira editar

O circuíto será o anfitrión da segunda proba a metade de tempada do ano logo da carreira. Santino Ferrucci e Nikita Mazepin farán as súas primeiras aparicións con Haas e Force India, respetivamente, mentres que Pierre Gasly pilotara para Red Bull Racing.[4][5] Sauber, unha vez máis non participara na segunda proba, xa perdeu a primeira proba en España. A razón detrás desta decisión foi resumida como o de "ter en conta a rendibilidade,"[6] xa que o equipo non tiña ningúns compoñentes novos que probar.[7]

Práctica libre editar

Polo regulamento da tempada 2016, disputáronse dúas sesións de adestramentos de 90 minutos o venres e outra sesión de 60 minutos antes da cualificación do sábado.[8] Lewis Hamilton foi o máis rápido na primeira sesión de adestramentos na mañá do venres, marcando un tempo de 1:31.654, menos dunha décima de segundo por diante do seu compañeiro de equipo Nico Rosberg. Logo de axustar os seus tempos rápidos, os pilotos de Mercedes chegaron a completar quendas longas a rendemento en carreira de proba cos compostos de pneumáticos máis duros. Nico Hülkenberg e Sebastian Vettel en terceiro e cuarto foron os únicos pilotos que establecen un tempo de menos dun segundo dos Mercedes. Charles Leclerc tivo o seu primeiro contacto na práctica co Haas, asumindo o control do coche de Esteban Gutiérrez. foi unha décima de segundo máis rápido que o outro piloto de probas, Esteban Ocon, quen se fixo cargo do Renault RS16 de Kevin Magnussen.[9] Vettel fixo unha proba cunha versión actualizada do sistema "halo" de Ferrari deseñado para mellorar a protección da cabeza do piloto dentro da cabina.[10] Describiu o dispositivo como "non é xenial", lamentando que "quita un pouco de visibilidade".[11]

Hamilton foi o máis rápido na segunda sesión de adestramentos o venres pola tarde, mentres que Rosberg non puido participar debido a unha fuga de auga no seu coche. O tempo de Hamilton de 1:31.660 foi máis de tres décimas de segundo máis rápido que o do segundo clasificado Daniel Ricciardo. O seu compañeiro en Red Bull o piloto Max Verstappen foi terceiro, por diante de Vettel, todo dentro dun segundo do mellor tempo. Ferrari dividiu a súa estratexia na práctica, con Kimi Räikkönen montando o pneumático de composto duro no inicio da sesión, mentres que Vettel utilizou o composto medio máis brando, antes de que ambos cambiaron aos pneumáticos brandos. Na súa carreira de casa, McLaren tivo unha sesión mixta. Mentres Fernando Alonso fixo un bo sexto posto, o seu compañeiro de equipo Jenson Button tivo que entrar ao taller dúas veces, para finalmente establecer o noveno mellor tempo. Daniil Kvyat foi 13º, pero danou o seu alerón dianteiro cando se foi encima dun bordo na curva do Club.[12]

Lewis Hamilton fixo táboa rasa dos tempos máis rápidos na práctica da mañá do sábado, marcando un tempo de 1:30.904, de novo a menos dunha décima de segundo por diante de Rosberg. A sesión iniciouse en condicións de mollado logo dunha chaparrada trinta minutos antes do inicio da sesión. Que se interrompeu a 22 minutos para o final, logo de que Marcus Ericsson estrelarase fortemente na saída da curva Stowe. Cos coches fóra da pista, iniciáronse os traballos de reparación nas barreiras, quedando só cinco minutos de carreira cando se reiniciou a práctica. A continuación os pilotos, estableceron os seus tempos máis rápidos da sesión. Unha vez máis, foron os pilotos de Red Bull os máis próximos aos Mercedes, con Ricciardo por diante de Verstappen en terceiro lugar, a medio segundo do tempo de Hamilton.[13] Ericsson foi enviado ao hospital para facer probas logo do seu accidente[14] e recibiu unha penalización de cinco posición por cambiar a súa caixa de cambios. Vettel recibiu a mesma penalización logo de cambiar a súa caixa de cambios.[15]

Carreira editar

Debido á choiva, pouco antes do inicio da carreira, a carreira comezou detrás do coche de seguridade, con todos os coches montando pneumáticos de choiva. Volveu a entrar na rúa de boxes ao final da volta cinco e a carreira iniciouse correctamente. Mentres que os catro primeiros pilotos quedaron na pista, varios optaron por facer unha parada en boxes para poñer os pneumáticos intermedios. Só unha volta máis tarde, Pascal Wehrlein converteuse na primeira vítima da pista aínda mollada, saíuse da pista e quedou chantado na grava, o que provocou un breve período co coche de seguridade virtual. Durante este tempo, Hamilton e Rosberg cambiaron pneumáticos. O gran beneficiario das primeiras voltas foi Sergio Pérez, que traballara o seu camiño desde a décima posición da grella ata a cuarta, por diante de Ricciardo. Mentres tanto na parte dianteira, Hamilton establecera unha vantaxe de cinco segundos sobre Rosberg, que pronto foi atacado por Verstappen, que estaba funcionando ben cos pneumáticos intermedios. Bottas chegou a facer un trompo na volta 11, perdendo posicións e deixando caerse de novo á 13ª posición. Na volta 16, Sebastian Vettel foi o primeiro piloto en facer o cambio a pneumáticos lisos, mentres que Verstappen moveuse por diante de Rosberg na segunda posición.[16]

A volta 18 viu a máis pilotos cambiando a pneumáticos lisos, incluíndo Räikkönen e Palmer, pero este último soltouse do seu pitbox antes de que un dos pneumáticos fora colocado adecuadamente, o que lle custou tempo e unha penalización dun stop-and-go de dez segundos. Os dous pilotos de Mercedes e Verstappen fixeron a súa respectiva segunda parada en boxes na volta 20, co fin de seguir facendo o mesmo. Na volta 21, Ricciardo moveuse por diante de Pérez na cuarta posición. Un erro de Räikkönen dúas voltas máis tarde fíxolle perder o sexto lugar con Sainz. Fernando Alonso trompeou na volta 25, pero puido continuar, a diferenza de Río Hary, que se retirou tras un trompo unha volta máis tarde. Hamilton conservaba o liderado, pero non sen problemas, xa que así fixo unha pequena excursión fóra da pista, o que imitou Verstappen detrás del. Como resultado, os tres primeiros quedaron máis cerca. Vettel seguía en marcha no extremo posterior das posicións puntuables, superando a Kvyat no noveno lugar na volta 29.

Nico Rosberg comezou a pechar a Verstappen polo segundo lugar, intentando adiantalo a partir da volta 33 para logralo na volta 38. Mentres tanto, Vettel foi sancionado por forzar a Felipe Massa a saírse da pista cando o adiantou no oitavo lugar, foi penalizado con cinco segundos. Na volta 40, Jolyon Palmer retirouse na rúa de boxes. Mentres Rosberg inicialmente acercábase a Hamilton, pero este último comezou a mellorar os seus tempos de volta cara ao final da carreira. Raikkonen recuperou a quinta posición a expensas de Pérez, Rosberg reportou problemas coa súa caixa de cambios na radio do equipo.[16] O seu equipo díxolle que evitara o uso da sétima marcha,[17] logo do cal foi capaz de consolidar a súa pequena vantaxe sobre Verstappen, que se acercara debido ao seu problema. Hamilton non resultou afectado por isto e cruzou a liña de meta para tomar a vitoria, 6´9 segundos por diante de Rosberg. Foi o primeiro piloto en gañar o Gran Premio do Reino Unido tres veces seguidas.[18] Foi a vitoria 47 da súa carreira.[19]

Clasificación editar

Cualificación editar

Pos. Nº Piloto Construtor Q1 Q2 Q3 Grella
1 44   Lewis Hamilton Mercedes 1:30.739 1:29.243 1:29.287 1
2 6   Nico Rosberg Mercedes 1:30.724 1:29.970 1:29.606 2
3 33   Max Verstappen Red Bull-TAG Heuer 1:31.305 1:30.697 1:30.313 3
4 3   Daniel Ricciardo Red Bull-TAG Heuer 1:31.684 1:31.319 1:30.618 4
5 7   Kimi Räikkönen Ferrari 1:31.326 1:31.385 1:30.881 5
6 5   Sebastian Vettel Ferrari 1:31.606 1:30.711 1:31.490 11[20]
7 77   Valtteri Bottas Williams-Mercedes 1:31.913 1:31.478 1:31.557 6
8 55   Carlos Sainz Toro Rosso-Ferrari 1:32.115 1:31.708 1:31.989 7
9 27   Nico Hülkenberg Force India-Mercedes 1:32.349 1:31.770 1:32.172 8
10 14   Fernando Alonso McLaren-Honda 1:32.281 1:31.740 1:32.343 9
11 11   Sergio Pérez Force India-Mercedes 1:32.336 1:31.875 10
12 19   Felipe Massa Williams-Mercedes 1:32.146 1:32.002 12
13 8   Romain Grosjean Haas-Ferrari 1:32.283 1:32.050 13
14 21   Esteban Gutiérrez Haas-Ferrari 1:32.237 1:32.241 14
15 26   Daniil Kvyat Toro Rosso-Ferrari 1:32.553 1:32.306 15
16 20   Kevin Magnussen Renault 1.32.729 1:37.060 16
17 22   Jenson Button McLaren-Honda 1:32.788 17
18 30   Jolyon Palmer Renault 1:32.905 18
19 88   Rio Haryanto Manor-Mercedes 1:33.098 19
20 94   Pascal Wehrlein Manor-Mercedes 1:33.191 20
21 12   Felipe Nasr Sauber-Ferrari 1:33.544 21
107% tempo: 1:37.074
— 9   Marcus Ericsson Sauber-Ferrari Sen tempo 22[21]
Fonte:[22]

Carreira editar

Pos. Nº Piloto Construtor voltas Tempo/Retirada Grella Puntos
1 44   Lewis Hamilton Mercedes 56 1:34:55.831 1 25
2 33   Max Verstappen Red Bull Racing-TAG Heuer 56 +8.250 3 18
3 6   Nico Rosberg Mercedes 56 +16.911[23] 2 15
4 3   Daniel Ricciardo Red Bull Racing-TAG Heuer 56 +26.211 4 12
5 7   Kimi Räikkönen Ferrari 56 +1:09.743 5 10
6 11   Sergio Pérez Force India-Mercedes 56 +1:16.941 10 8
7 27   Nico Hülkenberg Force India-Mercedes 55 +1:17.712 8 6
8 55   Carlos Sainz Toro Rosso-Ferrari 56 +1.25.858 7 4
9 5   Sebastian Vettel Ferrari 56 +1:31.654 11 2
10 26   Daniil Kvyat Toro Rosso-Ferrari 56 +1:32.600 15 1
11 17   Felipe Massa Williams-Mercedes 51 +1 volta 12
12 22   Jenson Button McLaren-Honda 51 +1 volta 17
13 14   Fernando Alonso McLaren-Honda 51 +1 volta 9
14 77   Valtteri Bottas Williams-Mercedes 51 +1 volta 6
15 12   Felipe Nasr Sauber-Ferrari 51 +1 volta 21
16 21   Esteban Gutiérrez Haas-Ferrari 51 +1 volta 14
17 20   Kevin Magnussen Renault 49 Caixa de cambios 16
Ret 30   Jolyon Palmer Renault 37 Caixa de cambios 18
Ret 88   Rio Haryanto MRT-Mercedes 24 Trompo 19
Ret 8   Romain Grosjean Haas-Ferrari 17 13
Ret 9   Marcus Ericsson Sauber-Ferrari 11 Unidade de potencia 22
Ret 94   Pascal Wehrlein MRT-Mercedes 6 Trompo 20
Fonte:[24]

Posicións logo da carreira editar

  • Nota: Só están incluídos os cinco primeiros postos en ambos os grupos de clasificación.

Notas editar

  1. ↑ "Pirelli announces compound choices and mandatory sets for the 2016 British Grand Prix". Pirelli. 5 de maio de 2016. Arquivado dende o orixinal o 09 de xullo de 2016. Consultado o 9 de xullo de 2016. 
  2. ↑ Benson, Andrew (3 de xullo 2016). "Lewis Hamilton v Nico Rosberg: Team orders an option - Wolff". BBC. Consultado o 9 de xullo de 2016. 
  3. ↑ Johnson, Daniel (4 de xullo de 2016). "Lewis Hamilton and Nico Rosberg face suspension threat from angry Mercedes to prevent more collisions". The Telegraph. Arquivado dende o orixinal o 09 de xullo de 2016. Consultado o 9 de xullo de 2016. 
  4. ↑ "Gasly and Ferrucci land Silverstone F1 test drives". speedcafe.com. Speedcafe. Consultado o 6 de xullo de 2016. 
  5. ↑ "Force India confirms Mazepin Silverstone test". speedcafe.com. Speedcafe. Consultado o 6 de xullo de 2016. 
  6. ↑ @. "Silverstone: As we introduce the #C35 aero package at a later stage, testing in Silverstone is cancelled considering cost effectiveness #F1" (Chío) – vía Twitter. 
  7. ↑ Baldwin, Alan (6 de xullo de 2016). "Sauber to miss Silverstone F1 test". Reuters. Arquivado dende o orixinal o 09 de xullo de 2016. Consultado o 9 de xullo de 2016. 
  8. ↑ "Practice and qualifying". formula1.com. Formula One World Championship Limited. Arquivado dende o orixinal o 01 de maio de 2016. Consultado o 1 de maio de 2016. 
  9. ↑ Parkes, Ian (8 de xullo de 2016). "British GP: Hamilton pips Mercedes F1 team-mate Rosberg in FP1". autosport.com. Arquivado dende o orixinal o 09 de xullo de 2016. Consultado o 9 de xullo de 2016. 
  10. ↑ Collantine, Keith (8 de xullo de 2016). "Hamilton edges Rosberg while Vettel runs new Halo". F1Fanatic. Arquivado dende o orixinal o 09/07/2016. Consultado o 9 de xullo de 2016. 
  11. ↑ Edmondson, Laurence (9 de xullo de 2016). "Sebastian Vettel: Halo has 'quite a bit of impact on visibility'". ESPN. Arquivado dende o orixinal o 09 de xullo de 2016. Consultado o 9 de xullo de 2016. 
  12. ↑ Barretto, Lawrence (8 de xullo de 2016). "British GP: Hamilton fastest as Rosberg's Mercedes sidelined". autosport.com. Arquivado dende o orixinal o 09 de xullo de 2016. Consultado o 9 de xullo de 2016. 
  13. ↑ Parkes, Ian (9 de xullo de 2016). "British Grand Prix: Lewis Hamilton tops disrupted final F1 practice". autosport.com. Arquivado dende o orixinal o 09 de xullo de 2016. Consultado o 9 de xullo de 2016. 
  14. ↑ Noble, Jonathan (9 de xullo de 2016). "Ericsson taken to hospital after FP3 crash". motorsport.com. Arquivado dende o orixinal o 09 de xullo de 2016. Consultado o 9 de xullo de 2016. 
  15. ↑ Cooper, Adam (9 de xullo de 2016). "Gearbox grid penalties for Vettel and Ericsson". motorsport.com. Arquivado dende o orixinal o 09 de xullo de 2016. Consultado o 9 de xullo de 2016. 
  16. ↑ 16,0 16,1 Meagher, Gerard (10 de xullo de 2016). "F1: Lewis Hamilton wins British Grand Prix – as it happened". The Guardian. Arquivado dende o orixinal o 10 de xullo de 2016. Consultado o 10 xullo 2016. 
  17. ↑ Bradley, Charles (10 de xullo de 2016). "Radio messages in full: Rosberg and engineer on his gearbox issue". motorsport.com. Arquivado dende o orixinal o 10 de xullo de 2016. Consultado o 10 de xullo de 2016. 
  18. ↑ Weaver, Paul (10 de xullo de 2016). "Lewis Hamilton cruises to historic F1 British Grand Prix hat-trick". The Guardian (Silverstone). Arquivado dende o orixinal o 10 de xullo de 2016. Consultado o 10 de xullo de 2016. 
  19. ↑ Baldwin, Alan (10 de xullo de 2016). "Hamilton wins British Grand Prix from pole". Reuters. Arquivado dende o orixinal o 10 de xullo de 2016. Consultado o 10 de xullo de 2016. 
  20. ↑ Sebastian Vettel recibiu unha sanción de 5 posicións por un cambio da caixa de cambios non programado.
  21. ↑ Marcus Ericsson non participou na cualificación logo dun forte accidente durante a práctica 3
  22. ↑ "2016 Formula 1 British Grand Prix – Qualifying". Formula1.com. Formula One World Championship Limited. 9 de xullo de 2016. Consultado o 9 de xullo de 2016. 
  23. ↑ Nico Rosberg recibiu unha penalización de 10 segundos por unha transmisión de radio ilicita.
  24. ↑ "2016 British Grand Prix Race – Official Classification". FIA.com (Fédération Internationale de l'Automobile). 10 de xullo de 2016. Arquivado dende o orixinal o 17 de abril de 2016. 

Véxase tamén editar

Ligazóns externas editar


Carreira anterior:
Gran Premio de Austria de 2016 		Campionato Mundial de Fórmula 1 da FIA
Temporada 2016 		Carreira seguinte:
Gran Premio de Hungría de 2016
Carreira anterior:
Gran Premio do Reino Unido de 2015 		Gran Premio do Reino Unido Carreira seguinte:
Gran Premio do Reino Unido de 2017
Traído desde «https://gl.wikipedia.org/w/index.php?title=Gran_Premio_do_Reino_Unido_de_2016&oldid=6615982»