Gran Premio de Bélxica de 1985

O Gran Premio de Bélxica de Fórmula 1 de 1985 disputouse en Spa o 15 de setembro de 1985. Foi a décimo terceira carreira da tempada de Fórmula Un de 1985, e o 43º Gran Premio de Bélxica, o 31º, que se celebrou en Spa e o segundo desde que o circuíto fora reconstruído e reaberto coa metade da súa lonxitude orixinal en 1979. A carreira disputouse sobre 43 voltas ao circuíto de sete quilómetros nunha distancia de carreira de 301 quilómetros.

Gran Premio de Bélxica de 1985

Detalles da carreira
Carreira 13 de 16 no Campionato Mundial de Fórmula 1 de 1985.
Trazado do circuíto de Spa-Francorchamps.
Data	15 de setembro 1985
Nome oficial	Gran Premio de Bélxica
Localización	Spa-Francorchamps, Spa, Bélxica
Percorrido	Percorrido permanente de carreira 7´004 km
Distancia	43 voltas, 301´172 km
Clima	Mollado/seco, secouse nas últimas voltas
Pole position
Piloto	Alain Prost	McLaren-TAG
Tempo	1:55.306
Volta rápida
Piloto	Alain Prost	McLaren-TAG
Tempo	2:01.730 na volta 38
Podio
Primeiro	Ayrton Senna	Lotus-Renault
Segundo	Nigel Mansell	Williams-Honda
Terceiro	Alain Prost	McLaren-TAG

A carreira foi gañada polo piloto brasileiro Ayrton Senna pilotando un Lotus 97T. Foi a segunda vitoria no Campionato Mundial de Senna e a primeira das cinco que ía gañar en Spa-Francorchamps. Senna gañou por 28 segundos sobre o piloto británico Nigel Mansell que pilotaba un Williams FW10. Terceiro foi o líder do Campionato Mundial, o francés Alain Prost pilotando un McLaren MP4/2B. A vitoria levou a Senna ao terceiro posto na clasificación de pilotos e o terceiro lugar permitiu a Prost ampliar a súa vantaxe sobre o piloto de Ferrari Michele Alboreto a 16 puntos.

Resumo da carreira

Esta carreira orixinalmente disputaríase o 2 de xuño, pero foi re-programada ao 15 de setembro despois de que a superficie recentemente asfaltada rompera (as obras de reconstrución completáronse o xoves antes da carreira) ao pasar os coches, creando unha situación perigosa para os pilotos, que por unha abafadora maioría (24 votos a favor e 2 en contra) esixiron a cancelación da proba por razóns de seguridade logo da celebración dos adestramentos libres do sábado pola mañá. Debido á reprogramación da carreira o novo equipo de Fórmula Un Haas Lola e o seu piloto, o Campión Mundial de 1980 Alan Jones, que fixera a súa primeira carreira na rolda anterior en Italia non se lles permitiu participar, xa que non estaban na lista de participación orixinal. Durante a preparación para a carreira o presidente da FISA Jean-Marie Balestre anunciou que o controvertido Gran Premio de Suráfrica levaríase a cabo malia a presión de cancelar o evento como parte dos embargos contra o apartheid.

Niki Lauda non entrou na grella debido a unha lesión. Ao final da sesión de práctica do venres antes da propia cualificación, o acelerador do seu McLaren MP4/2B quedou trabado mentres el volvía de novo aos pits. O coche saíuse da pista na parte máis nova da pista e o tres veces campión do mundo golpeou unha barreira de protección e no impacto do volante virou mancando a súa boneca ao facelo. Os raios X non revelaron rotura, pero Lauda non estaba en condicións de competir polo que regresou a súa casa en Austria para continuar o recoñecemento e o tratamento do seu fisioterapeuta Willi Dungl. Inicialmente McLaren esperaba poñer a John Watson no coche de Lauda pero isto requiriría a aprobación de todos os demais equipos. Tendo presente o Campionato de Construtores, Ferrari negouse a aceptar, deixando a Alain Prost como único piloto de McLaren en Bélxica. RAM tamén presentou un coche, traendo só o RAM 03 de Philippe Alliot e o campión da tempada 1.985 de fórmula 3000 Cristián Danner fixo o seu debut no campionato mundial con Zakspeed.

Prost logrou a pole position, cunha media de 218´756 km/h diante de Senna con Nelson Piquet terceiro no seu Brabham BT54, Alboreto foi cuarto no seu Ferrari 156/85. A choiva caía antes da carreira deixando a grella de saída con pneumáticos de mollado por primeira vez desde que Senna gañou en Portugal. Senna púxose primeiro ao saír por diante de Piquet pero o Brabham trompeou na primeira curva. Senna lideraba diante de Prost, Mansell e os dous Ferrari de Alboreto e Stefan Johansson. Os Ferrari pronto quedaron fora, co embrague e o motor rotos respectivamente. Prost quedou entre os dous Williams FW10s cando entrou en boxes a poñer pneumáticos de seco. A última hora da carreira a choiva comezou a caer de novo e Senna ampliou a súa vantaxe. Keke Rosberg caeu ao cuarto posto logo dunha breve parada en boxes cun problema de freos e terminou nese posto. Quinto era Thierry Boutsen ata que o seu Arrows A8 rompeu a súa caixa de cambios. Piquet quedou quinto detrás de Derek Warwick nun Renault RE60B. Só doce coches terminaron a carreira, incluíndo por primeira vez un Minardi, o de Pierluigi Martini que terminou duodécimo no seu Minardi M185. Outros dous coches máis, Boutsen e o estrelado Ligier JS25 de Jacques Laffite clasificáronse tamén como finalistas. Huub Rothengatter co Osella FA1G non fixo as voltas suficientes para clasificarse.

Aínda que os comisarios dirixiron os coches directamente a boxes logo do final, Ayrton Senna esquivounos e fixo a volta de honra.

Clasificación

Cualificación

Pos	Nº	Piloto	Construtor	Q1	Q2	Diferenza
1	2	Alain Prost	McLaren-TAG	1:56.563	1:55.306	—
2	12	Ayrton Senna	Lotus-Renault	2:00.710	1:55.403	+0.097
3	7	Nelson Piquet	Brabham-BMW	1:56.643	1:55.648	+0.342
4	27	Michele Alboreto	Ferrari	1:56.999	1:56.021	+0.715
5	28	Stefan Johansson	Ferrari	1:56.585	1:56.746	+1.279
6	18	Thierry Boutsen	Arrows-BMW	1:59.046	1:56.697	+1.391
7	5	Nigel Mansell	Williams-Honda	1:56.727	1:56.996	+1.421
8	17	Gerhard Berger	Arrows-BMW	1:56.770		+1.464
9	11	Elio de Angelis	Lotus-Renault	1:58.852	1:57.322	+2.016
10	6	Keke Rosberg	Williams-Honda	1:57.582	1:57.465	+2.159
11	19	Teo Fabi	Toleman-Hart	1:57.588	1:57.857	+2.282
12	8	Marc Surer	Brabham-BMW	2:00.154	1:57.729	+2.423
13	15	Patrick Tambay	Renault	1:58.105	1:59.335	+2.799
14	16	Derek Warwick	Renault	1:59.761	1:58.407	+3.101
15	22	Riccardo Patrese	Alfa Romeo	1:59.703	1:58.414	+3.108
16	20	Piercarlo Ghinzani	Toleman-Hart	1:58.820	1:58.706	+3.400
17	26	Jacques Laffite	Ligier-Renault	2:01.745	1:58.933	+3.627
18	25	Philippe Streiff	Ligier-Renault	2:00.599	1:59.245	+3.939
19	23	Eddie Cheever	Alfa Romeo	2:00.861	1:59.370	+4.064
20	9	Philippe Alliot	RAM-Hart	1:59.626	1:59.755	+4.320
21	3	Martin Brundle	Tyrrell-Renault	2:00.950	2:01.364	+5.644
22	30	Christian Danner	Zakspeed	2:05.059	2:07.046	+9.753
23	24	Huub Rothengatter	Osella-Alfa Romeo	2:06.083	2:05.776	+10.470
24	29	Pierluigi Martini	Minardi-Motori Moderni	2:06.007	2:06.606	+10.701

Carreira

Pos	Nº	Piloto	Construtor	Voltas	Tempo/Retirada	Grella	Puntos
1	12	Ayrton Senna	Lotus-Renault	43	1:34:19.893	2	9
2	5	Nigel Mansell	Williams-Honda	43	+ 28.422	7	6
3	2	Alain Prost	McLaren-TAG	43	+ 55.109	1	4
4	6	Keke Rosberg	Williams-Honda	43	+ 1:15.290	10	3
5	7	Nelson Piquet	Brabham-BMW	42	+ 1 volta	3	2
6	16	Derek Warwick	Renault	42	+ 1 volta	14	1
7	17	Gerhard Berger	Arrows-BMW	42	+ 1 volta	8
8	8	Marc Surer	Brabham-BMW	42	+ 1 volta	12
9	25	Philippe Streiff	Ligier-Renault	42	+ 1 volta	18
10	18	Thierry Boutsen	Arrows-BMW	40	+ 3 voltas	6
11	26	Jacques Laffite	Ligier-Renault	38	Accidente	17
12	29	Pierluigi Martini	Minardi-Motori Moderni	38	+ 5 voltas	24
13	3	Martin Brundle	Tyrrell-Renault	38	+ 5 voltas	21
NC	24	Huub Rothengatter	Osella-Alfa Romeo	37	Non clasificado	23
Ret	22	Riccardo Patrese	Alfa Romeo	31	Motor	15
Ret	23	Eddie Cheever	Alfa Romeo	26	Caixa de cambios	19
Ret	15	Patrick Tambay	Renault	24	Caixa de cambios	13
Ret	19	Teo Fabi	Toleman-Hart	23	Acelerador	11
Ret	11	Elio de Angelis	Lotus-Renault	17	Turbo	9
Ret	30	Christian Danner	Zakspeed	16	Caixa de cambios	22
Ret	9	Philippe Alliot	RAM-Hart	10	Accidente	20
Ret	28	Stefan Johansson	Ferrari	7	Trompo	5
Ret	20	Piercarlo Ghinzani	Toleman-Hart	7	Accidente	16
Ret	27	Michele Alboreto	Ferrari	3	Embrague	4
NTS	1	Niki Lauda	McLaren-TAG		Lesionado

Posicións logo da carreira

Clasificación no campionato de piloto

Pos	Piloto	Puntos
1	Alain Prost	69
2	Michele Alboreto	53
3	Ayrton Senna	32
4	Elio de Angelis	31
5	Keke Rosberg	21

Clasificación do campionato de construtores

Pos	Construtor	Puntos
1	McLaren-TAG	83
2	Ferrari	77
3	Lotus-Renault	63
4	Williams-Honda	34
5	Brabham-BMW	26

• Nota: Só están incluídos os cinco primeiros postos en ambos os grupos de clasificación.

Véxase tamén

Ligazóns externas

A menos que se indique o contrario, todos os resultados da carreira tómanse de "The Official Formula 1 website". Consultado o 2007-06-17. 

Carreira anterior: Gran Premio de Italia de 1985	Campionato Mundial de Fórmula 1 da FIA Temporada 1985	Carreira seguinte: Gran Premio de Europa de 1985
Carreira anterior: Gran Premio de Bélxica de 1984	Gran Premio de Bélxica	Carreira seguinte: Gran Premio de Bélxica de 1986