Graça Fonseca

política portuguesa

Graça Maria da Fonseca Caetano Gonçalves, nada en Lisboa o 13 de agosto de 1971, é unha socióloga e política portuguesa, deputada electa á Asemblea da República na XIII Lexislatura e Ministra da Cultura no XXI Goberno Constitucional.[1][2]

Graça Fonseca
Nacemento13 de agosto de 1971
Lugar de nacementoLisboa
NacionalidadePortugal
Alma máterUniversidade de Lisboa, Universidade de Coímbra e ISCTE - Instituto Universitário de Lisboa
Ocupaciónpolítica e socióloga
Na rede
Twitter: gracafonseca Editar o valor em Wikidata
editar datos en Wikidata ]

Traxectoria editar

Graça Fonseca licenciouse en Dereito pola Facultade de Dereito da Universidade de Lisboa, concluíndo o máster en Socioloxía pola Facultade de Economía da Universidade de Coímbra, e o doutoramento en Socioloxía polo Instituto Universitario de Lisboa.[2]

A nivel profesional foi investigadora do Centro de Estudos Sociais da Facultade de Economía da Universidade de Coímbra entre 1996 e 2000; directora adxunta do Despacho de Política Lexislativa e Planificación do Ministerio da Xustiza de 2000 a 2002. Posteriormente, desempeñou funcións de Xefe de Despacho do Ministro de Estado e da Administración Interna e do Secretario de Estado da Xustiza no XVII Goberno Constitucional.[2]

Militante do Partido Socialista, entre 2009 e 2015 foi concelleira no Concello de Lisboa, sendo Presidente António Costa.[2]

Vida persoal editar

O 22 de agosto de 2017 Fonseca afirmou pública e politicamente a súa homosexualidade, en entrevista ao Diário de Noticias.[3] Foi a primeira vez en Portugal que un político en funcións asumiu a súa homosexualidade.[4] Por iso, recibiu o Premio Arco-iris de 2017 da ILGA Portugal.

Notas editar

  1. "Graça Fonseca". Parlamento de Portugal. 
  2. 2,0 2,1 2,2 2,3 "Graça Fonseca". Governo de Portugal. 
  3. Fernanda Câncio (22 de agosto de 2017). "Graça Fonseca - "Se calhar no PSD já ninguém liga muito a Passos Coelho"". Diário de Noticias (en portugués). 
  4. "Graça Fonseca, a primeira política portuguesa que assume a homossexualidade". ptjornal.com (en portugués). 22 de agosto de 2017.