George Eastman
Atención: Este artigo ou sección semella conter investigacións orixinais. |
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde setembro de 2018.) |
George Eastman, nado o 12 de xullo de 1854 en Waterville (Nova York) e finado o 14 de marzo de 1932, foi o fundador da Eastman Kodak Company e inventor do rolo de película, que substituíu a placa de cristal, co cal conseguiu poñer a fotografía a disposición das masas. O rolo de película sería tamén algo básico para a invención do cinema, xa que o seu uso atopábase nas creacións dos pioneiros do cine como Thomas Edison, os Irmáns Lumière e Georges Méliès.
  | |
| Biografía | |
|---|---|
| Nacemento | 12 de xullo de 1854 Waterville, Estados Unidos de América (en)  |
| Morte | 14 de marzo de 1932 (77 anos) Rochester, Estados Unidos de América |
| Causa da morte | Suicidio (Ferida por arma de fogo ) |
| Lugar de sepultura | Eastman Business Park (en) 43°11′52″N 77°37′43″O / 43.197806, -77.628589 |
| Datos persoais | |
| País de nacionalidade | Estados Unidos de América |
| Actividade | |
| Ocupación | emprendedor , filántropo , fotógrafo , inventor , mecenas |
| Período de actividade | 1881 - 1932 |
| Lingua | Lingua inglesa |
| Obra | |
| Arquivos en | |
| Familia | |
| Cónxuxe | sen valor |
| Pais | George Eastman (en) e Maria Kilbourn (en) |
Premios | |
Sinatura  | |
  | |
Traxectoria editar
O 4 de setembro de 1888 Eastman rexistrou a marca Kodak e recibiu unha patente para a súa cámara que usaba o rolo de película. Ese mesmo ano lanza ao mercado a cámara Kodak 100 Vista, que utilizaba carretes de 100 fotos circulares e para cuxa campaña de promoción acuñou a frase «Vostede aperta o botón, nós facemos o resto». O máis importante é que a partir deste momento xa non se requirían grandes coñecementos en fotografía ou na utilización de produtos químicos.
Esta cámara vendíase xa cargada e lista para realizar as fotos. Unha vez usada, devolvíase á casa que extraía o carrete, revelaba as fotos e devolvíaas xunto á cámara xa cargada. Os prezos eran moi económicos, uns 25$ a cámara cargada e o carrete cargado e revelado só custaba 10$. Isto supuxo que o uso da fotografía púidose estender a toda a poboación, é xa que logo o momento da popularización da fotografía.
Xa no ano 1889 Eastman cambia o carrete de papel por un de celuloide e uns anos máis tarde elimina a incomodidade de ter que devolver a cámara enteira, ao comezar a comercialización dun carrete protexido que permite a súa colocación e extracción á luz do día.
É nestes anos cando xorde a fotografía de afeccionado tal e como a coñecemos na actualidade.
Eastman, de carácter complexo, fíxose multimillonario grazas ás súas innovacións, investindo grandes sumas de diñeiro en diferentes obras benéficas. Con todo, a súa inestabilidade psíquica levoulle ao seu suicidio. Deixou unha nota na que poñía:
Os meus amigos e mais o meu traballo están feitos, por que esperar?