Gargamala, Mondariz
Santa María de Gargamala é unha parroquia que se localiza no concello de Mondariz. Segundo o padrón municipal de 2013 tiña 337 habitantes (180 mulleres e 157 homes), distribuídos en 6 entidades de poboación, o que supón unha diminución en relación ao ano 1999 cando tiña 530 habitantes.
| Gargamala | |
|---|---|
 Foxo do lobo de Gargamala. | |
| Concello | Mondariz[1] |
| Provincia | Pontevedra |
| Coordenadas | 42°15′35″N 8°26′36″O / 42.2597985791, -8.44336574789Coordenadas: 42°15′35″N 8°26′36″O / 42.2597985791, -8.44336574789 |
| Poboación | 337 hab. (2013) |
| Entidades de poboación | 6[1] |
| [ editar datos en Wikidata ] | |
Patrimonio editar
En Gargamala hai diversos petróglifos, recoñecidos como Ben de Interese Cultural, mais dous deles, os de Escornabois e Campo Redondo, foron danados en outubro de 2018 polo lume forestal[2]. Hai dous poboados fortificados: O Castro Chouso e o Coto da Cidade ou Coto do Cerquido, así como un foxo de lobo e muíños[3]
A igrexa parroquial, situada no lugar do Barro, é barroca, construída en 1752.[4] No testeiro da capela maior, de forma ameada, ten un escudo coas armas dos Condes de Salvaterra. No interior ten pinturas murais.
Na parroquia hai unha escultura en homenaxe a Celso Emilio Ferreiro, que na súa obra Longa noite de pedra incluíu o "Romance incompleto", que comeza cos versos "Fuco Pérez sin segundo, / veciño de Gargamala". A escultura, instalada en agosto de 2017, foi feita polo alumnado da Escola de Cantaría da Deputación de Pontevedra[5].
Galería de imaxes editar
-
Petróglifos de Gargamala. -
Petróglifos de Gargamala. -
Petróglifos de Gargamala. -
Igrexa parroquial.
Lugares e parroquias editar
Lugares de Gargamala editar
| Lugares da parroquia de Gargamala no concello de Mondariz (Pontevedra) | |
|---|---|
Parroquias de Mondariz editar
Notas editar
- ↑ 1,0 1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
- ↑ Mónica Torres (28 de decembro de 2018). "El fuego de Gargamala también dañó dos de sus joyas de arte rupestre". La Voz de Galicia.
- ↑ Eladio Torres (5 de setembro de 2013). [www.xoanarcodavella.com/2013/09/muinos-de-gargamala-mondariz.html "Muíños de Gargamala. Mondariz"]
|url=incorrecto (Axuda). Arco da Vella. - ↑ "Igrexa parroquial de Santa María de Gargamala". Turismo de Galicia.
- ↑ "O poema "Romance incompleto" posto en pedra na parroquia de Gargamala". Fundación Celso Emilio Ferreiro. 16 de agosto de 2007.