GMFA
GMFA (orixinalmente Gay Men Fighting AIDS, en galego "Homes Gais Loitando contra a SIDA") é un proxecto británico de promoción da saúde que fai campañas para mellorar a saúde dos homes gais. As súas principais intervencións abordan cuestións como o VIH, a SIDA e outras áreas de saúde sexual. GMFA forma parte de LGBT HERO, a organización para a igualdade da saúde e os dereitos das persoas LGBTQ +.
Historia editar
GMFA foi fundada en 1992 por un grupo de homes gaIs que consideraban que non había suficiente traballo de prevención do VIH especialmente dirixido ós homes gais.
Orixinalmente chamado "Gay Men Fighting AIDS", o traballo inicial de GMFA foi facer campaña para ter traballos máis específicos de prevención do VIH dirixidos ós homes gais e para concienciar sobre o VIH entre os homes gais.
En 2011, a organización cambiou o seu nome a Health Equality and Rights Organisation, en galego "Organización para a Igualdade e os Dereitos da Saúde", coñecida publicamente como LGBT HERO. GMFA permaneceu como unha marca principal dentro da organización encargada de traballar para acabar co VIH, parar o estigma do VIH e afrontar outras desigualdades sociais e de saúde que afectan homes gais e bisexuais.
O GMFA utiliza un modelo de mobilización da comunidade e educación entre pares, e os homes gais xogan un papel central no deseño e entrega de intervencións. En 2001, GMFA fusionouse co grupo de homes gais negros Big Up e, en 2002, GMFA ampliou a súa misión para incluír tódolos problemas de saúde que afectan desproporcionadamente ós homes gais por encima doutras poboacións. Como resultado, a organización cambiou a súa declaración de misión en 2002 e "Gay Men Fighting AIDS" converteuse en GMFA - the gay men's health charity, en galego "GMFA: a ong para a saúde dos homes gais". En 2017, a medida que a LGBT HERO cambiou GMFA - the gay men's health charity a GMFA - the gay men's health project, en galego "GMFA - proxecto de saúde dos homes gais", a organización pasou a ser unha organización LGBT.
Misión editar
"Mellorar a saúde dos homes gais aumentando o control que teñen sobre as súas propias vidas".
Principios e valores editar
GMFA ten 8 principios sobre os que se basea e afirma ser medido:
1. As intervencións deben estar baseadas en evidencias. 2. As intervencións de prevención do VIH deben contribuír ós obxectivos previstos no marco de planificación da promoción da saúde do VIH recomendado polo Departamento de Saúde. 3. Un proxecto non debe promover a saúde dunha persoa sobre outra. 4. A promoción da saúde debe apoderar ás persoas en lugar de reducir as súas opcións. 5. As intervencións deberían ter o maior valor para os homes gais dentro dos recursos dispoñibles. 6. Os servizos deben ser proporcionados nunha base equitativa e non igual. As subpoblacións de homes gais teñen diferentes niveis de necesidade e por iso o noso traballo debería tentar reducir as desigualdades en saúde entre os homes gais. 7. Todas as persoas, independentemente do seu estado de VIH, teñen dereito a unha vida sexual satisfactoria. 8. Todas as persoas, independentemente do seu comportamento sexual, identidade sexual ou estado de VIH, teñen dereito ós mesmos dereitos e respectos que todas as demais persoas.
Liderado voluntario editar
GMFA é un proxecto dirixido por voluntarios. Os voluntarios dirixen o proxecto tanto ó ser elixidos membros do Consello de Administración como contribuíndo a proxectos como membros dos grupos que os desenvolven.
Os voluntarios son recrutados principalmente mediante a promoción en todas as intervencións do GMFA e son sometidos a un proceso de aprendizaxe. A organización recibe voluntarios de todas as seccións da comunidade, aínda que a maioría dos voluntarios son homes gais. A base de voluntarios está formada por persoas VIH-negativas e seropositivas.
Financiamento e asociacións editar
O traballo de GMFA está financiado principalmente a través de subvencións e fundacións, aínda que depende do apoio da comunidade para continuar o seu traballo.
Intervencións editar
As intervencións de GMFA para os homosexuais incluíron campañas publicitarias, folletos e tarxetas postais; FS, a súa revista de saúde, distribuída a nivel nacional en lugares gai e clínicas xenitourinarias; e cursos a nivel nacional e de Londres sobre educación sexual, habilidades para a vida e abandono do tabaquismo. Ademais, GMFA crea accións de saúde sexual dirixidas para homes gais negros e homes gais seropositivos.
As intervencións de GMFA incluíron:
- The Arse Class,[1] un curso de traballo en grupo, que ensina ós homes gais a manter sexo divertido, máis seguro e agradable. O primeiro curso realizouse en cidades de todo o Reino Unido en 2007.
- A súa campaña publicitaria de Responsabilidade en 2005, animou ós homes a asumir a responsabilidade de ter sexo máis seguro.
- FS magazine, (Fit and Sexy) revista que está dispoñible gratuitamente en lugares gai, como descarga e en clínicas xenitourinarias en todo o Reino Unido.
- In The Family, unha celebración en dous volumes dos logros de homes e mulleres que axudaron a construír a comunidade gai negra en Londres.
En novembro de 2010, a campaña Count me in para deter a propagación do VIH foi lanzada como a campaña dese ano para o Día Mundial da Loita contra a SIDA de UNAIDS.[2] A campaña foi aprobada pola ministra Lib-Con para a Igualdade Lynne Featherstone, a través dun vídeo Home Office[3] e unha transcrición e declaración relacionada.[4]
GMFA fai uso de varias redes sociais, incluíndo Twitter (twitter/GMFA_UK),[5] Facebook coa súa propia páxina GMFA[6] e páxinas de Big-Up,[7] e un blog chamado Outspoken On Health sobre temas actuais relacionados coa saúde dos homes gais.[8]
Simpatizantes famosos editar
En 2009, Joanna Lumley doou para a poxa anual realizada na Royal Vauxhall Tavern, que seguiu o moi popular día dos deportes.[9] En 2010, Kylie Minogue doou un CD asinado de "All the Lovers" e Ben Cohen, unha camiseta asinada e unha camiseta enmarcada para a poxa.[10] Ben tamén emitiu unha declaración de apoio e apareceu na revista FS o mesmo ano.
Notas editar
- ↑ "GaydarRadio | The #1 Gay Dance & Pop Music Radio Station". Rainbownetwork.com. Consultado o 2012-02-10.
- ↑ James Sanders (2010-11-12). "Community pledge to support GMFA campaign - PinkPaper.com". News.pinkpaper.com. Arquivado dende o orixinal o 16 de xullo de 2011. Consultado o 2012-02-10.
- ↑ ukhomeoffice (2010-12-01). "World Aids Day 2010". YouTube. Consultado o 2012-02-10.
- ↑ "World Aids Day 2010". Home Office. Arquivado dende o orixinal o 02 de abril de 2012. Consultado o 2012-02-10.
- ↑ "Twitter". Twitter. Consultado o 2012-02-10.
- ↑ "GMFA UK - Non-profitorganisatie - Londen". Facebook. Consultado o 2012-02-10.
- ↑ "Aanmelden". Facebook. Consultado o 2012-02-10.
- ↑ "Count Me In". Outspokenonhealth.com. Arquivado dende o orixinal o 05 de xullo de 2019. Consultado o 2012-02-10.
- ↑ Aremi, Caspar (2010-08-31). "Gay Sports Day | So So Gay magazine". Sosogay.org. Arquivado dende o orixinal o 13 de marzo de 2012. Consultado o 2012-02-10.
- ↑ "GMFA: Press Release - Kylie Joins Ben Cohen in Supporting GMFA/RVT Sports Day" (PDF). Gmfa.org.uk. Arquivado dende o orixinal (PDF) o 28 de novembro de 2012. Consultado o 2012-11-14.