Francisco de Trillo y Figueroa
Francisco de Trillo y Figueroa, nado en Cervás (Ares) en 1618 e finado en Granada en 1680 foi un poeta culteranista e historiador galego en lingua castelá.
| Biografía | |
|---|---|
| Nacemento | 1618  Cervás |
| Morte | 1680 (61/62 anos) Granada |
| Datos persoais | |
| País de nacionalidade | España |
| Actividade | |
| Ocupación | escritor , historiador |
| Xénero artístico | Poesía |
| Lingua | Lingua castelá |
 | |
Traxectoria editar
Trillo naceu en 1618 no castelo de San Martiño, en Ares. En 1632 a súa familia trasladouse a Granada, onde frecuentou ambientes literarios e estableceu amizade co poeta Pedro Soto de Rojas, do que prologou o libro Jardín cerrado. Seguiu a carreira das armas e foi soldado en Italia e posiblemente en Flandres, mais abandonou esta vida e volveu a Granada para dedicarse ás letras. Foi influído por Luis de Góngora e a estética do Culteranismo e consagrouse a traballos eruditos. Faleceu en Granada en 1680.
Obras editar
Escribiu unha epopea culta, Neapolisea: poema heroyco y panegirico al Gran Capitan Gonzalo Fernández de Cordoua (Granada: por Baltasar de Bolívar e Francisco Sánchez, 1651), sobre a figura e fazañas de Gonzalo Fernández de Córdoba, o "Gran Capitán". O seu estilo culterano desgustou o crítico Marcelino Menéndez Pelayo. Ese estilo tamén se advirte en Poesías varias, heroicas, satíricas y amorosas (1652), colección que inclúe traducións de Anacreonte, composicións inspiradas na Biblia e unha Fábula de Leandro procedente de Ovidio. Foi tamén un poeta festivo e satírico ao estilo de Góngora. Consérvase unha Historia de Granada da súa autoría no Museo Británico.
Véxase tamén editar
Ligazóns externas editar
- Obras de Trillo na Biblioteca Virtual Cervantes
- Primeira edición de Neapolisea na biblioteca da Universidade de Granada
- Biografías y vida (en castelán)
- Delgado, José Luis (7 de abril de 2014). "El poeta Trillo y Figueroa". Diario de Granada (en castelán). Consultado o 3 de febreiro de 2016.