Francisco Xavier do Amaral
Francisco Xavier do Amaral, nado en Turiscai o 6 de marzo de 1937 e finado en Dili o 6 de marzo de 2012, foi o fundador e presidente da Asociación Social Democrática Timorense (máis tarde Fretilin) e un dos candidatos ás eleccións presidenciais en Timor Leste en 2002 e en abril de 2007.
| Francisco Xavier do Amaral | |
| |
Presidente de
 Timor-Leste
| |
|---|---|
| 28 de novembro de 1975 – 7 de decembro de 1975 | |
Datos persoais
| |
| Nacemento | 1937 Turiscai,  Portugal (actual Timor-Leste)
|
| Falecemento | 6 de marzo de 2012 (75 anos) Dili, Timor-Leste
|
| Partido | Asociación Social Democrática Timorense (ASDT) |
Na rede
| |
| |
Traxectoria editar
Chegou a recibir as primeiras ordes, pero abandonou a vida sacerdotal. Fundador da autoproclamada República Democrática de Timor-Leste. Refuxiouse nas montañas durante a invasión indonesia, pero foi detido en 1978 polos compañeiros, acusado de "traizón", capturado e exhibido en público polos militares indonesios, que o mantiveron baixo arresto virtual durante 22 anos en Balí. No regreso a Timor-Leste, a pesar de rehabilitado pola Fretilin, optou por fundar o seu propio partido, o ASDT (que conquistou tres lugares no Parlamento).
En abril de 2002, Amaral concorreu contra Xanana Gusmão nas primeiras eleccións presidenciais timorenses, sendo duramente derrotado. Afirmou que era candidato non para gañar mais para demostrar a vitalidade da democracia timorense. Amaral concorreu de novo para presidente na elección presidencial de abril de 2007, ficando en cuarto lugar, con 14,39 % dos votos.
Faleceu o 6 de marzo de 2012 aos 75 anos en Dili, vítima dun cancro.