Fondant

Fondant é en repostaría xeral unha pasta feita de almibre mesto e de cor branca, elaborado con azucre cocido a punto de bóla con adición de glicosa, que se emprega como cobertura de doces e pasteis.

Torta de voda cuberta e decorada con fondant

A pasta obtida é semellante á plastilina, mais comestíbel, polo que é empregada coma recubrimento de certas preparacións como bolos, pasteis, madalenas etc. Na meirande parte dos casos o fondant é unha decoración reposteira. A denominación fondant (que en francés significa: que funde) fai referencia á característica física do recubrimento: que se funda na boca. A forma máis simple de fondant é auga e azucre e é amplamente usada na elaboración de caramelos.

Ingredientes

Os ingredientes do fondant son:

• Xelatina sen ou con sabor.
• Auga fría.
• Glicosa.
• Glicerina.
• Manteiga.
• Azucre glas.
• Esencia ou saborizante ao gusto.

Ao fondant sóeselle dar múltiples cores. Para coralo cómpre utilizar corante vexetal en xel.

Galería de imaxes

• 
  Decoración de fondant de chocolate nunha torta.
• 
  Un bolo cuberto de fondant representando un kit de costura
• 
  Camadas de pezas de fondant feitas cun cortador de galletas para proporcionar cor e profundidade.

Véxase tamén

Outros artigos

• Azucre invertido
• Almibre
• Esferificación