Folosa amarela
A folosa amarela,[1][2][3] ou fulepa amarela,[4][5] Hippolais polyglotta, é unha ave da orde dos paseriformes, suborde dos páseros, infraorde dos paséridos, superfamilia dos silvioideos e familia dos acrocefálidos, pertencente ao xénero Hippolais,[6][7] distribuída, no verán, polo suroeste de Europa e o noroeste de África, migrando cara á África subsahariana para pasar o inverno.
| Folosa amarela Fulepa amarela Hippolais polyglotta | |||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
,_Le_Petit_Loc%27h,_Guidel,_Brittany,_France_(19972894766)_(cropped).jpg)
| |||||||||||||||||||||||
| Estado de conservación | |||||||||||||||||||||||
 Pouco preocupante | |||||||||||||||||||||||
| Clasificación científica | |||||||||||||||||||||||
| |||||||||||||||||||||||
| Nome binomial | |||||||||||||||||||||||
| Hippolais polyglotta (Vieillot, 1817) | |||||||||||||||||||||||
 amarelo: verán; azul: inverno Distribución da folosa amarela:
amarelo: verán; azul: inverno | |||||||||||||||||||||||
| Sinonimia | |||||||||||||||||||||||
| |||||||||||||||||||||||
Características editar
As principais características deste paxaro son:[4][8][9]
- Corpo de 12 a 13 cm de lonxitude.
- Coloración da plumaxe verde olivácea polas partes superiores e amarela polas inferiores. Presenta unha lista supraocular (cella) amarela. As patas son dunha cor que varía entre a cor carne apardazada e a gris azulada, xeralmente pardas. A parte inferior do peteiro é de cor rosada.
- Os individuos inmaturos teñen as ás de cor amarela apardazada, máis pálidas que nos adultos, e moderadamente contrastadas, e as partes inferiores de cor crema clara.
- Ás curtas e arredondadas, que non superan a cola.
- O píleo é pardo, e marcadamente arredondado.
Bioloxía editar
Hábitat e distribución editar
Hábitat editar
Vive en zonas próximas aos ríos, en arboredas caducifolias, bosques e ribeira, zonas de matogueiras, valgadas, lindeiros de bosques e antigos cultivos, sempre con abondosa formación de sotobosque, preferentemente de Rubus e Cytisus.[4][5][9]
Distribución editar
No verán, distribúese polo suroeste de Europa e o noroeste de África, e no inverno na África tropical occidental.[4] (Ver mapa ao lado).
Nutrición editar
No verán, aliméntase principalmente de insectos e larvas e, antes da súa partida para o sur, tamén de bagas.[4]
Reprodución editar
A época de celo comeza nos primeiros días de maio.[5]
Constrúen niños en forma de copa profunda en gallas de arbustos, e mesmo de árbores en lugares abrigados.[4][8]
Neles, as femias poñen en xuño de 3 a 4 ovos de cor rosada con pencas escuras, que choca a nai durante 12 ou 13 días. Os polos nacen a finais de xuño ou principios de xullo, e son alimentados no niño por ambos os pais; aos 14 días as crías abandonan o niño.[4][5]
Taxonomía editar
Descrición editar
A especie Hippolais polyglotta foi descrita en 1817 polo ornitólogo francés Louis Jean Pierre Vieillot, baixo o nome de Sylvia polyglotta.[10]
Etimoloxía editar
- Xénero
Ver Hippolais
- Especie
O epíteto específico polyglota esta dormado polos elementos do latín científico poly-, calco do corresponente do grego antigo πολυ- poly-, derivado de πολύς polýs, "moito", e -glotta, tirado do termo do grego antigo γλῶττα glỡtta, "lingua", "fala".[11]
Subespecies editar
Nos se coñecen subespecies.[7]
Status editar
A especie non está ameazada; a UICN, en 2016, cualificou o seu estado de conservación como LC (pouco preocupante), e crese que a súa poboación está crecendo, estimándose o número dos seus individuos entre tres e doce millóns de exemplares.[12]
En Galicia é unha especie estritamente protrexida. As súas principais ameazas son a destrución de hábitats por queimas incontroladas, a caza con escopetas de balíns, e o uso de biocidas (herbicidas e insecticidas).[5]
En Galicia editar
En Galicia é común en todo o territorio, onde pode verse, en zonas de hábitat propicio, desde mediados de abril até finais de setembro.[4][5]
Notas editar
- ↑ Conde Teria, Miguel A. e Tiago A, Vidal Figueroa (1991): "Nomes galegos para as aves ibéricas: unha nova proposta". En: Fernández-Cordeiro, A. e J. Domínguez, editores. Actas do Primeiro Congreso Galego de Ornitoloxía. Santiago de Compostela: Universidade de Santiago de Compostela. ISBN 84-7191-749-1, pp.249-268.
- ↑ Conde Teira, M. A. (1999). Nomes galegos para as aves ibéricas: lista completa e comentada (PDF). Chioglossa. Arquivado dende o orixinal (PDF) o 08 de novembro de 2017. Consultado o 16 de abril de 2017.
- ↑ "Folosa". Dicionario de galego. Arquivado dende o orixinal o 15 de abril de 2017. Consultado o 16 de abril de 2017.
- ↑ 4,0 4,1 4,2 4,3 4,4 4,5 4,6 4,7 Penas Patiño, Xosé M. et al. (1991), p. 254.
- ↑ 5,0 5,1 5,2 5,3 5,4 5,5 CCG / SGHN (1995), p. 504.
- ↑ Melodicous Warbler. Hippolais polyglotta (Vieillot, 1817) en BioLib.
- ↑ 7,0 7,1 Hippolais polyglotta (Vieillot, 1817) no ITIS.
- ↑ 8,0 8,1 Peterson, Roger et al. (1973), pp. 269-270.
- ↑ 9,0 9,1 Svensson, Lars et. al. (2001), p. 300.
- ↑ Vieillot, Nouveau Dictionnaire d'Histoire Naturelle Appliquée Aux Arts... 11, p. 200.
- ↑ Jobling, James A. (2010): The Helm Dictionary of Scientific Bird Names. London: Christopher Helm. ISBN 978-1-4081-2501-4, pp. 192, 313.
- ↑ Hippolais polyglotta (Vieillot, 1817) na Lista vermella da UICN. Versión 2016-3. Consultada o 16 de abril de 2017.
Véxase tamén editar
Wikimedia Commons ten máis contidos multimedia na categoría: Folosa amarela  |
| Wikispecies posúe unha páxina sobre: Folosa amarela |
Bibliografía editar
- CCG / SGHN (1995): Atlas dos vertebrados de Galicia. II. Aves. Santiago de Compostela: Consello da Cultura Galega / Sociedade Galega de Historia Natural. Colección do Patrimonio Ecolóxico. ISBN 84-87172-89-X.
- del Hoyo, J.; Collar, N. J.; Christie, D. A.; Elliott, A.; Fishpool, L. D. C.; Boesman, P. & Kirwan, G. M. (2016): HBW and BirdLife International Illustrated Checklist of the Birds of the World. Volume 2: Passerines. Bellaterra (Barcelona): Lynx Edicions. ISBN 978-84-96553-98-9.
- Fregina, S.; Haasea, M.; Olsson, U. & Alström, P. (2009): "Multi-locus phylogeny of the family Acrocephalidae (Aves: Passeriformes) – The traditional taxonomy overthrown". Molecular Phylogenetics and Evolution 52 (3): 866–878. (Resume).
- Olsson, U.; Rguibi-Idrissi, H.; Copete, J. L.; Arroyo Matos, J. L.; Provost, P.; Amezian, M.; Alström, P. & Jiguet, F. (2016): "Mitochondrial phylogeny of the Eurasian/African reed warbler complex (Acrocephalus, Aves). Disagreement between morphological and molecular evidence and cryptic divergence: A case for resurrecting Calamoherpe ambigua Brehm 1857". Molecular Phylogenetics and Evolution. 102: 30–44. (Resume).
- Penas Patiño, Xosé M.; Pedreira López, Carlos e Silvar, Carlos (1991): Guía de aves de Galicia. A Coruña: Bahia Edicións. ISBN 84-87674-06-2.
- Peterson, Roger; Guy Mountfort & P. A. D. Hollom (1973): Guía de campo de las aves de España y demás países de Europa. Barcelona: Ediciones Omega, S. A. ISBN 84-2820-334-2.
- Svensson, Lars, & Peter J. Grant (2001): Guía de aves. La guía de campo de aves de España y de Europa más completa. Barcelona: Ediciones Omega, S. A. ISBN 84-2821-218-X.
Outros artigos editar
Ligazóns externas editar
- Hippolais polyglotta (Vieillot, 1817) no ITIS.
- Hippolais polyglotta na EOL.
- Hippolais polyglotta (Vieillot, 1817) en Fauna Europaea.
- Hippolais polyglotta no NCBI.
- Hippolais polyglotta (Vieillot, 1817) na Lista vermella da UICN. Versión 2016-3.
- Hippolais polyglotta (Vieillot, 1817) en Bushtits, leaf warblers & reed warblers. IOC World Bird List. Versión 7.1.
- Hippolais polyglotta no CITES (en francés).