Federación de Guerrillas de León-Galicia
Este artigo contén varias ligazóns externas e/ou bibliografía ao fin da páxina, mais poucas ou ningunha referencia no corpo do texto. Por favor, mellora o artigo introducindo notas ao pé, citando as fontes. Podes ver exemplos de como se fai nestes artigos. |
A Federación de Guerrillas de Galicia-León foi unha organización guerrilleira antifranquista, con carácter pluripartidista, aínda que con predominio de socialistas leoneses e asturianos, que agrupou a guerrilleiros anarquistas, comunistas e socialistas que operou na inmediata posguerra española.
| Federación de Guerrillas de León-Galicia | |
|---|---|
| Tipo | movemento guerrilleiro |
| Data de fundación | 24 de abril de 1942 |
| Data de disolución | 1947 |
| País | España |
| [ editar datos en Wikidata ] | |
Historia editar
A pesar de que grupos de guerrilleiros antifranquistas operaban na zona desde a caída da fronte norte en 1937, a Federación de Guerrillas de León-Galicia non se creou ata o 17 de xullo de 1942 con grupos de León, Ourense e Lugo, mediante unha reunión nos montes de Ferradillo (Montes Aquilanos), preto de Ponferrada, que fixou como obxectivos canalizar a loita contra o franquismo, non facer proselitismo de partido dentro da guerrilla, manter a democracia interna pero con obediencia aos superiores, e buscar o apoio da poboación. Elixiuse un comité director presidido polo socialista Marcelino Fernández Villanueva, co cenetista Marcelino de la Parra e o socialista César Ríos como axudantes. O obxectivo da Federación non era derrubar o franquismo mediante a loita armada, senón manter viva a chama da resistencia ata que se producise a intervención das potencias aliadas que todos daban por segura.
En abril de 1943 editaron o primeiro número de El Guerrillero, órgano de expresión da Federación, impreso clandestinamente en Santalla do Bierzo.
Ata 1944 a Federación de Guerrillas de León-Galicia mantívose illada dos partidos e sindicatos antifranquistas, tanto do interior como do exterior, creando a súa propia liña política. Deuse o paradoxo de que os principais dirixentes eran socialistas, a pesar de que o PSOE como tal non apoiaba a loita guerrilleira.
A Federación actuaba no oeste de León (O Bierzo, Laciana, Cabrera, Maragatería), norte de Zamora (Seabra), leste de Ourense (Viana do Bolo, A Pobra de Trives, O Barco de Valdeorras) e sueste de Lugo (A Fonsagrada, Becerreá e Quiroga).
Desvinculados dos partidos e sen axuda externa, os guerrilleiros vivían do que lles daban os seus enlaces e, sobre todo, dos golpes económicos, executados sempre contra persoas afíns ao réxime franquista, e cuxo resultado destinábase normalmente á compra de armamento no mercado negro de Portugal. A guerrilla tamén daba charlas políticas entrando por sorpresa nas aldeas, e facía abundantes sabotaxes contra os vehículos de liña e o tendido eléctrico.
Véxase tamén editar
Bibliografía editar
- Ferreras Estrada, G. (2002). Memorias del Sargento Ferreras. Diputación de León. ISBN 84-95702-15-0.
- Juliá, S. (coord.) (2005). Víctimas de la Guerra Civil: La escalada hacia el «trienio del terror» (1947-1949) IV. Barcelona: Biblioteca Guerra Civil. ISBN 84-674-1746-3.
- Macías, S. (2005). El monte o la muerte. Madrid: Temas de Hoy. ISBN 84-8460-454-3.
- Pons Prades, E.. Guerrillas Españolas 1936-1960. Barcelona, 1977. ISBN 84-320-5634-0: Editorial Planeta.
- Reigosa, Carlos G. (1995). La agonía del león. Alianza Editorial. ISBN 84-206-9435-5.
- Reigosa, Carlos G. (1992). El regreso de los maquis. Ediciones Júcar. ISBN 84-334-8108-8.
- Rodríguez Gutiérrez, A. e Martínez Panizo, L. (eds.) (2022). Federación de Guerrillas de León-Galicia. Santiago de Compostela: Positivas. ISBN 978-84-126233-9-0.
- Serrano, S. (1986). La guerrilla antifranquista en León 1936-1951. Siglo XXI. ISBN 84-323-0627-4.
- Serrano, S. (1989). Crónica de los últimos guerrilleros leoneses 1947-1951. Ámbito. ISBN 84-86770-13-0.
- Serrano, S. (2001). Maquis - Historia de la guerrilla antifranquista. Madrid: Temas de Hoy. ISBN 84-8460-103-X.