Ezkaroze

Ezkaroze (tamén oficial en castelán: Ezcároz) é un concello de Navarra, situado no meiriñado de Sangüesa, no val de Salazar e a 84 km da capital da comunidade, Pamplona. A súa poboación en 2014 foi de 329 habitantes (INE), o seu termo municipal ten unha superficie de 29,27 km² e a súa densidade de poboación é de 11,58 hab/km².

Ezkaroze

Ezcároz (es) Ezkaroze (eu)
Localización
42°53′48″N 1°03′59″O
Estado	España
Comunidade foral	Navarra
Comarca	Pirinioak (en)
Capital	Ezcároz-Ezkaroze (en)
Poboación
Poboación	299 (2023) (10,22 hab./km²)
Lingua oficial	lingua éuscara (zona lingüística) lingua castelá (zona lingüística)
Xeografía
Parte de	Q107553785 Q107553829 Q107553796 Zona mixta de Navarra
Superficie	29,27 km²
Altitude	742 m
Comparte fronteira con	Ochagavía-Otsagabia (pt) Espartza Zaraitzu Bidankoze Orontze Jaurrieta (pt) Uztarroze
Organización política
• Alcalde	Juan José Layana Barber
Identificador descritivo
Código postal	31690
Fuso horario	UTC+01:00
Código INE	31093

Xeografía

Situación

A localidade de Ezkaroze atópase na parte nordés de Navarra, dentro da rexión xeográfica da Montaña de Navarra (Vales Pirenaicos), na comarca xeográfica de Roncal-Salazar e na zona central do Val de Salazar. Está a unha altitude de 742 msnm. O seu termo municipal abrangue unha superficie de 29,27 km² e limita ó norte co concello de Otsagabia, ó leste co de Uztarroze, ó sur co de Orontze e ó oeste co de Jaurrieta.

Cultura

Símbolos

O escudo de armas da vila de Ezkaroze ten o seguinte brasón:

Trae de goles e un lobo de sable coas unllas douradas, que ten atravesado na boca un cordeiro de prata cos cornos dourados.

Este escudo é o brasón privativo do val de Salazar e ó mesmo tempo, de cada unha das súas vilas. Simboliza a natureza gandeira do val e a necesidade de defender os animais dos ataques dos lobos.

Servizos públicos

Sanidade

Atención primaria

O concello de Ezkaroze pertence á Área II de Saúde de Navarra Leste e á Zona Básica de Saúde do Val de Salazar, a cal comprende os concelos de: Navascués, Sartze, Ezkaroze, Itzaltzu, Galoze, Espartza Zaraitzu, Jaurrieta, Gorza, Orontze e Otsagabia.

O centro de saúde desta zona atópase situado nesta localidade.

Atención hospitalaria

O concello pertence á área de Pamplona, onde hai 2 hospitais de nivel terciario, un hospital monográfico de ortopedia e rehabilitación na localidade de Elkano, 4 centros ambulatorios de atención especializada, 3 en Pamplona e un en Tafalla, e 7 centros de saúde mental, 5 en Pamplona, un en Burlada e outro en Tafalla.