Estación de Requena-Utiel
Coordenadas: 39°31′28″N 1°08′15″O / 39.5244, -1.13756
A estación de Requena-Utiel é unha estación ferroviaria de alta velocidade de Adif situada no concello de Requena, na provincia de Valencia. Está situada a 6 km do centro e a 15 km de Utiel.
Requena-Utiel | |
---|---|
Situación | Requena (Valencia) |
Servizos | |
Liñas | |
Alta velocidade | AVE |
Media distancia | Avant |
Situación ferroviaria editar
A estación atópase no punto quilométrico 327,45 da liña férrea de alta velocidade que une Madrid con Levante, entre as estacións de Cuenca-Fernando Zóbel e Valencia-Joaquín Sorolla.
Historia editar
A estación foi inaugurada polos reis Xoán Carlos I e Sofía o 18 de decembro de 2010.[1] Á inauguración tamén asistiron o presidente do Goberno José Luis Rodríguez Zapatero, o presidente da Generalitat Valenciana Francisco Camps e os alcaldes de Requena e Utiel Adelo Montés e José Luis Ramírez, entre outras autoridades.
A estación editar
O edificio da estación dispón dunha superficie en planta duns 1.200 metros cadrados, desenvolvidos nunha soa planta de 62 metros de longo por 20 de ancho. Está formado por tres volumes de diferentes alturas conectados entre si, onde se sitúa o vestíbulo, o espazo de venda de billetes, as dependencias de persoal e os aseos, entre outras dependencias.[2]
A nova estación é "respectuosa co medio ambiente" polo que conta con paneis solares para a produción de auga quente sanitaria e paneis foto voltaicos para a captación de enerxía solar e a súa transformación en enerxía eléctrica.
A estación ten dúas plataformas de 400 metros de lonxitude útil e oito metros de anchura, dotados de marquesiñas de protección.
Servizos ferroviarios editar
Longa Distancia editar
Actualizados a 2 de xullo de 2016.
Tren | Orixe | Paradas intermedias | Destino | Observacións |
---|---|---|---|---|
AVE | Madrid-Puerta de Atocha | Cuenca-Fernando Zóbel · Requena-Utiel | Valencia-Joaquín Sorolla | 10/15 trens diarios por sentido |
Media distancia editar
Actualizados a 2 de xullo de 2016.
Liña | Trens | Orixe/Destino | <> | Destino/Orixe |
---|---|---|---|---|
Avant | Requena-Utiel | <> | Valencia-Joaquín Sorolla |