Estación de Calahorra
Coordenadas: 42°18′38″N 1°57′28″O / 42.310502, -1.957823
A estación de Calahorra é unha estación de tren de Adif situada na localidade de Calahorra, na Rioxa. Ten servizos de longa e media Distancia operados por Renfe.
| Calahorra | |
|---|---|
 | |
| Situación | Calahorra (A Rioxa) |
| Servizos | .svg){kind=small} |
| Liñas | |
| Longa Distancia | Alvia |
| Media distancia | MD, Rexional Exprés |
Situación ferroviaria editar
A estación atópase no punto quilométrico 27,7 da liña férrea de ancho ibérico que une Castejón con Bilbao por Logroño e Miranda de Ebro a 324 metros de altitude.[1]
Historia editar
A estación foi inaugurada o 30 de agosto de 1863 coa apertura do tramo Castejón-Orduña da liña férrea que pretendía unir Castejón con Bilbao. As obras correron a cargo da Compañía do Ferrocarril de Tudela a Bilbao creada en 1857.[2] En 1865 a compañía declarouse en suspensión de pagos por non poder superar as dificultades económicas derivadas do investimento realizado na construción da liña e foi intervida polo Banco de Bilbao.[3] En 1878, foi absorbida por Norte que mantivo a titularidade da estación ata a nacionalización do ferrocarril en España en 1941 e a creación de Renfe.
Dende o 31 de decembro de 2004 Renfe explota a liña mentres que Adif é a titular das instalacións ferroviarias.
A estación editar
Sitúase ao nordés do núcleo urbano. O seu edificio para viaxeiros, que non conserva o seu deseño orixinal é de base rectangular e dúas alturas. Está construído con ladrillo visto e dispón dunha marquesiña metálica encostada cubrindo parcialmente a plataforma principal. Dispón de catro vías numeradas como vías 1, 2, 3, e 5.[4] Todas dispoñen de acceso a plataforma, ben a través da plataforma lateral ben a través da plataforma central a cal dispón dunha marquesiña metálica para protexer aos viaxeiros. Os cambios dun a outro realízanse a nivel.
Ten sala de espera, venda de billetes, aseos, alugueiro de coches, servizos bancarios, servizos postais e servizos adaptados ás persoas con discapacidade. No exterior existe un aparcadoiro habilitado.
Servizos ferroviarios editar
Longa distancia editar
Actualizado a 6 de xullo de 2016.
| Tren | Orixe | Paradas intermedias | Destino | Observacións |
|---|---|---|---|---|
| Alvia | Madrid-Puerta de Atocha | Guadalaxara-Yebes · Calatayud · Tudela de Navarra · Alfaro · Calahorra | Logroño | 6 trens semanais por sentido |
| Alvia | Barcelona-Sants | Camp de Tarragona · Lleida-Pirineus · Zaragoza-Delicias · Tudela de Navarra · Castejón de Ebro · Alfaro · Calahorra · Logroño · Haro · Miranda de Ebro | Bilbao-Abando | 2 trens diarios por sentido |
Media distancia editar
Actualizados a 6 de xullo de 2016.
| Liña | Trens | Orixe/Destino | <> | Destino/Orixe |
|---|---|---|---|---|
| 22 | MD Rexional Exprés |
Zaragoza-Delicias | Logroño Salamanca |
Notas editar
- ↑ Calahorra (Apt.) Euroferroviarios
- ↑ "Castejón de Ebro á Bilbao (vía Logroño y Miranda de Ebro)". Spanish Railway (en castelán). Consultado o 2022-04-09.
- ↑ Historia do Tudela-Bilbao Arquivado 23 de xuño de 2010 en Wayback Machine. AFERioja
- ↑ Ficha técnica Arquivado 09 de agosto de 2016 en Wayback Machine. Adif
Véxase tamén editar
Ligazóns externas editar
- Información na web de Adif Arquivado 09 de agosto de 2016 en Wayback Machine.