Erick Dampier
Erick Travez Dampier, nado o 14 de xullo de 1975 en Jackson, Mississippi é un xogador profesional de baloncesto estadounidense que actualmente é axente libre. Mide 2,11 metros e xoga na posición de pivote.
| |
| Axente libre | |
| Posición | Pivote |
|---|---|
| Liga | NBA |
| Información persoal | |
| Nacemento | 14 de xullo de 1975 (48 anos) Jackson, Mississippi
|
| Nacionalidade |  Estados Unidos
|
| Altura | 2,11 m (7 ft 0 in) |
| Peso oficial | 120 kg (245 lb) |
| Información da carreira | |
| Instituto | Lawrence County, Mississippi |
| Universidade | Mississippi State |
| NBA Draft | 1996 / Rolda: 1 / Elección: 10 Por Indiana Pacers |
| Carreira | dende 1996 |
| Historial de equipos | |
| Indiana Pacers (1996–1997) Golden State Warriors (1997–2004) Dallas Mavericks (2004-2010) Miami Heat (2010-2011) Atlanta Hawks (2012) | |
| Información en nba.com | |
Traxectoria editar
Universidade editar
Despois de gañar 2 títulos estatais co seu instituto en Mississippi, entrou nas ringleiras da Universidade de Mississippi State, gañando o título de campión da Conferencia Sueste en 1996, e levando ao seu equipo á Final Four da NCAA ese mesmo ano. Nas súas tres tempadas tivo unha media de 13,2 puntos, 9,2 rebotes e 2,6 tapóns por partido.
NBA editar
Foi elixido na primeira rolda do Draft da NBA de 1996 polos Indiana Pacers, na décima posición. Non rematou de encaixar nese equipo na súa tempada coma rookie, contando con poucos minutos, para facer 5,1 puntos e 4,1 rebotes por partido. Antes do inicio da seguinte campaña, foi traspasado, xunto a Duane Ferrell aos Golden State Warriors, a cambio de Chris Mullin.
Pasou 7 tempadas en Oakland, sendo a de 2003-04 a mellor da súa traxectoria profesional, tras facer 12,3 puntos e 12 rebotes por partido. Recibiu moitas críticas por iso, xa que era o ano no que se convertía en axente libre, podendo así renegociar o seu contrato. A tempada seguinte asinou cos Dallas Mavericks, onde, tras facer 9,2 puntos e 8,5 rebotes na tempada regular, amosou todas as súas debilidades cando tivo que enfrontarse en playoffs a pivotes dunha categoría contrastable coma Yao Ming ou Amare Stoudemire. Na súa segunda tempada, os Mavs adquiriron ao pivote de orixe senegalesa DeSagana Diop, e xuntos formaron unha das rotacións de xogadores altos máis intimidatorias de toda a liga.
O 9 de febreiro de 2012, asinou un contrato de dez días cos Atlanta Hawks.[1]
Notas editar
Véxase tamén editar
Ligazóns externas editar
- Ficha en nba.com
- Estatísticas de Erick Dampier Arquivado 03 de setembro de 2011 en Wayback Machine.
- Estadísticas en ESPN.com