Enterrádeme o corazón en Wounded Knee
Enterrádeme o corazón en Wounded Knee (en inglés: Bury My Heart at Wounded Knee) é un filme para televisión dirixido por Yves Simoneau que se estreou en 2007. Trátase dunha adaptación da novela homónima de Dee Brown, que á súa vez está baseada nos feitos reais que orixinaron o Masacre de Wounded Knee.
| Enterrádeme o corazón en Wounded Knee | |
|---|---|
| Ficha técnica | |
| Título orixinal | Bury My Heart at Wounded Knee |
| Director | Yves Simoneau |
| Produtor | HBO Films Traveler's Rest Films Wolf Films |
| Guión | Daniel Giat |
| Baseado en | Bury My Heart at Wounded Knee de Dee Brown |
| Intérpretes | Aidan Quinn Anna Paquin Adam Beach August Schellenberg Colm Feore Eric Schweig J.K. Simmons Wes Studi Gordon Tootoosis Shaun Johnston Nathan Lee Chasing His Horse |
| Música | George S. Clinton |
| Fotografía | David Franco |
| Montaxe | Michael D. Ornstein |
| Estudio | HBO Films |
| Distribuidora | HBO |
| Estrea |  27 de maio de 2007 17 de xaneiro de 2012 (TVG) |
| Duración | 133 minutos |
| Orixe |  Estados Unidos |
| Xénero | Drama Histórico, Bélica |
| Na rede | |
| http://www.hbo.com/films/burymyheart/ | |
         | |
Estreouse en galego na TVG o 17 de xaneiro de 2012.[1]
Sinopse editar
A historia comeza coa vitoria dos síux sobre o Xeneral Custer en Little Big Horn e desenvólvese dende a perspectiva de tres personaxes: Charles Eastman (Adam Beach), un xove médico educado polos brancos que é o exemplo vivente da integración; Touro Sentado (August Schellenberg), o xefe lakota que non se deixa someter pola autoridade dos policías do goberno de Estados Unidos que intentan quitarlles a súa propia identidade, a súa dignidade e as súas terras sagradas; e o senador Henry Dawes (Aidan Quinn), quen é un dos creadores da política relativa ós indios. Namentres Eastman e a profesora Elaine Goodale (Anna Paquin) traballan para mellorar a vida dos indios da reserva, o senador Dawes tenta convencer ó presidente Grant (Fred Thompson) para que lles dea un trato máis humano, fronte á proposta bélica do Xeneral William Tecumseh Sherman (Colm Feore). A esperanza reside para os indios na persoa do profeta Wovoka (Wes Studi) e a Danza dos espíritos, un movemento que promete a fin dos seus sufrimentos a causa do home branco. Esta esperanza é esmagada tralo asasinato de Touro Sentado e o masacre de centos de homes, mulleres e nenos indios polo sétimo de cabalería en Wounded Knee o 29 de decembro de 1890.
Personaxes editar
- Anna Paquin como Elaine Goodale
- Chevez Ezaneh como Ohiyesa/Charles Eastman xove
- August Schellenberg como Touro Sentado
- Aidan Quinn como o senador Henry L. Dawes
- Colm Feore como xeneral William Tecumseh Sherman
- Fred Thompson como o presidente Ulysses S. Grant
- Nathan Lee Chasing His Horse como One Bull
- Brian Stollery como Henry Benjamin Whipple
- Shaun Johnston como Nelson A. Miles
- Gordon Tootoosis como Nube Vermella
- Billy Merasty como Home xove temeroso
- Morris Birdyellowhead como American Horse
- Eddie Spears como Chasing Crane
- Sean Wei Mah como Bull Head
- Eric Schweig como Xefe Gall
- Jimmy Herman como Yellow Bird
- Patrick St. Esprit como James Morrow Walsh
- Adam Beach como Charles Eastman
- J.K. Simmons como James McLaughlin
- Wes Studi como Wovoka/Jack Wilson
- Marty Atonini como James W. Forsyth
- Lee Tergesen como Daniel F. Royer
Galardóns e nomeamentos editar
- 2007: 2 nomeamentos ó Globo de Ouro, incluíndo mellor miniserie ou filme para TV.
- 2007: Emmy: Mellor telefilme. 17 nomeamentos.
Notas editar
- ↑ "Enterrádeme o corazón en Wounded Knee na TVG". ABC. 11 de novembro de 2001. Consultado o 10 de agosto de 2014.
Véxase tamén editar
Ligazóns externas editar
- Ficha na IMDb (en inglés)