Emma Suárez

Emma Suárez Bodelón, nada en Madrid o 25 de xuño de 1964, é unha actriz española.

Emma Suárez

Biografía
Nacemento	(es) Emma Suárez Bodelón 25 de xuño de 1964 (59 anos) Madrid, España
Datos persoais
País de nacionalidade	España
Actividade
Ocupación	actriz , actriz de cinema
Período de actividade	1979 -
Membro de	Academia das Artes Escénicas de España
Lingua	Lingua castelá
Premios (2020)  Medalla de Ouro ao Mérito nas Belas Artes (2017)  Premio Goya á mellor interpretación feminina protagonista, premiado polo traballo Julieta (2017)  Premio Goya á mellor interpretación feminina secundaria, premiado polo traballo The Next Skin (en) (1997)  Premio Goya á mellor interpretación feminina protagonista, premiado polo traballo El perro del hortelano  Premio Feroz for Best Supporting Actress in a TV Series (en)

Emma Suárez (á esquerda) con Ana Risueño no Festival Internacional de Cine de Donostia, 2006.

Traxectoria

Intérprete de extensa traxectoria en cine e televisión, rodaría a súa primeira curtametraxe, Detrás de cada día, ás ordes de Carlos Taillefer en 1980. Nese mesmo ano, cando contaba quince, roda o seu debut cinematográfico, a película Memorias de Leticia Valle, de Miguel Ángel Rivas, adaptación ó cine da novela de Rosa Chacel.

A partir dese momento decide dedicarse profesionalmente á interpretación e nos anos seguintes aparecería con asiduidade en cine, teatro e televisión, confirmándose pouco a pouco como unha das actrices máis prometedoras do cine español.

O seu primeiro papel de adulta sería o de Rocío en La blanca paloma (1989), xunto con Mercedes Sampietro e Antonio Banderas e ás ordes de Juan Miñón.

Un dos directores máis importantes da súa carreira é Julio Medem, co que rodou as películas Vacas (1992), La ardilla roja (1993) e Tierra (1996) e a curtametraxe Martín en 1988, así como Pilar Miró, coa que traballou nos dous últimos filmes da cineasta madrileña en 1996: Tu nombre envenena mis sueños e El perro del hortelano. Outros actores cos que repetiu en máis dunha ocasión son Imanol Uribe ou Manuel Gutiérrez Aragón.

Máis recentemente cabe destacar dentro da súa filmografía películas coma La ciudad de los prodigios (1999), de Mario Camus; Besos para todos (2000), de Jaime Chávarri ou Horas de luz (2004), de Manolo Matji.

En televisión destaca o seu papel protagonista en Querido Maestro (1997), xunto a Imanol Arias, unha serie que abandonou a principios da segunda das tres temporadas que se rodaron. Máis tarde rodaría sen éxito El Pantano (2003), con Natalia Verbeke e en 2004 colaboraría nalgúns capítulos de Cuéntame cómo pasó, onde de novo coincidiu con Imanol Arias. En 2007 comezou a serie Círculo Rojo, compartindo protagonismo canda a María Adánez, Carmen Maura e Emilio Gutiérrez Caba entre outros.

Vida persoal

En canto á súa vida persoal, estivo casada co realizador Juan Esterlich Jr., co que tuvo un fillo, e que a dirixiu nas súas longametraxes La vida láctea, en 1992 e Pintadas en (1996).

Filmografía

• ¿Para qué sirve un oso? (2011) de Tom Fernández.
• Bajo las estrellas (2007), de Félix Viscarret.
• Óscar - El color del destino (2007), de Lucas Fernández.
• Horas de luz (2004), de Manolo Matji.
• Sansa (2003) , de Siegfried.
• El caballero Don Quijote (2002), de Manuel Gutiérrez Aragón.
• Dama de Porto Pim (2001), de José Antonio Salgot.
• Visionarios (2001), de Manuel Gutiérrez Aragón.
• Besos para todos (2000), de Jaime Chávarri.
• Sobreviviré (1999), de Alfonso Albacete e David Menkes.
• La ciudad de los prodigios (1999), de Mario Camus.
• Golpe de estadio (1998), de Sergio Cabrera.
• Pintadas (1996), de Juan Estelrich Jr.
• El perro del hortelano (1996), de Pilar Miró.
• Tu nombre envenena mis sueños (1996), de Pilar Miró.
• Una casa en las afueras (1995), de Pedro Costa.
• Tierra (1995), de Julio Medem.
• Sombras paralelas (1994), de Gerardo Gormezano.
• Souvenir (1994), de Rosa Vergés.
• Enciende mi pasión (1994), de José Miguel Ganga.
• Lazos (1994) (TV), de Alfonso Ungría.
• La ardilla roja (1993), de Julio Medem.
• Orquesta Club Virginia (1992), de Manuel Iborra.
• La vida láctea (1992), de Juan Estelrich Jr.
• Vacas (1992), de Julio Medem.
• La mujer de tu vida 2: La mujer gafe (1992) (TV), de Imanol Uribe.
• Tramontana (1991), de Carlos Pérez Ferré.
• Pepo, el del olvido (1991), de Daniel Múgica Curtametraxe.
• Contra el viento (1990), de Francisco Periñán.
• A solas contigo (1990), de Eduardo Campoy.
• La luna negra (1990), de Imanol Uribe.
• El acto (1989), de Héctor Fáver.
• La Blanca Paloma (1989), de Juan Miñón.
• Demasiado viejo para morir joven (1989), de Isabel Coixet.
• El pañuelo de mármol (1989), de José Luis Acosta.
• Blancaflor, la hija del diabolo (1988) (TV), de Jesús García de Dueñas.
• Martín (1988), de Julio Medem.
• En penumbra (1987), de José Luis Lozano.
• Tata mía (1986), de José Luis Borau.
• Oficio de muchachos (1986), de Carlos Romero Marchent.
• Marbella, un golpe de cinco estrellas (1985), de Miguel Hermoso.
• Hierro dulce (1985), de Francisco Rodríguez Gordillo.
• Nosotros en particular (1985), de Domingo Solano.
• El jardín secreto (1984), de Carlos Suárez.
• Sesión continua (1984), de José Luis Garci.
• 1919, crónica del alba (1983), de Antonio José Betancor.
• Crónica de un instante (1981), de José Antonio Pangua.
• Woody y yo (1981), de Manuel Valdivia.
• Un pasota con corbata (1981), de Jesús Terrón.
• Memorias de Leticia Valle, de Miguel Ángel Rivas.
• Detrás de cada día (1980), de Carlos Taillefer.

Televisión

• Néboa (2020). Como Mónica. La Primera de TVE.
• Círculo Rojo (2007) Antena 3.
• Cuéntame cómo pasó (2004) TVE.
• El Pantano (2003) Antena 3.
• Querido Maestro (1997) Telecinco.
• Haute tension (1991)
• Delirios de amor (1989) TVE.
• La comedia dramática española (1986) TVE.
• Tristeza de amor (1986) TVE.
• Fragmentos de interior (1984) TVE.

Premios

• Ojo crítico de RNE, en 1979, por Memorias de Leticia Valle
• Mellor actriz por La blanca paloma, ARDICE, 1989
• Premio do Círculo de Escritores Cinematográficos á mellor actriz por Orquesta Club Virginia (1992) e nomeamento en 2004 por Horas de luz.
• Sant Jordi da Generalitat de Cataluña, 1989 e en 1993 por La ardilla roja, 1993
• Premio concedido poa Unión de actores por La ardilla roja.
• Pemio Fotogramas de Prata por El perro del hortelano, Tu nombre envenena mis sueños e Tierra e nomeamentos a mellor actriz de cine en 1989 por La blanca Paloma, Contra el viento, La luna negra e A solas contigo e a mellor actriz de televisión en 1997 por Querido Maestro.
• Goya á mellor actriz por El perro del hortelano en 1996 e nomeamento en 1994 por La ardilla roja.
• Premio Ondas á mellor actriz por Tu nombre envenena mis sueños e Tierra en 1996.
• Premios Sant Jordi á mellor actriz en 1990 por La blanca paloma e en 1993 por La ardilla roja.
• Premio da Unión de Actores á mellor actriz de cine por La ardilla roja en 1993 e nomeamento na mesma categoría por El perro del hortelano en 1996 e na categoría de mellor actriz protagonista de televisión en 1997 por Querido Maestro.
• Premis Turia por Horas de luz en 2004.

Teatro

• A Electra le sienta bien el luto (2005-2006), baseada en La Orestiada.
• Las criadas (2002)

Véxase tamén

Ligazóns externas

• IMDb
• Todo cine Arquivado 21 de novembro de 2006 en Wayback Machine. (en castelán)