Elliott Smith
Steven Paul "Elliott" Smith, nado en Omaha (Nebrasca) o 6 de agosto de 1969 e finado en Echo Park (Os Ánxeles, California) o 21 de outubro de 2003, foi un cantante, compositor e multiinstrumentista estadounidense.
Elliott Smith | |
---|---|
Nome completo | Steven Paul Smith |
Data nacemento | 6 de agosto de 1969 |
Nado en | Omaha |
Falecemento | 21 de outubro de 2003 |
Echo Park | |
Causa | stab wound to the chest |
Ocupación | cantautor, cantante, compositor, escritor, guitarrista e músico |
Xénero | indie folk, indie pop, indie rock, lo-fi |
Relacionado con | Heatmiser, Quasi, Mary Lou Lord, Pete Krebs, No. 2, Beck |
Tempo en activo | 1991 - 2003 |
Pseudónimo | Elliott Smith |
Na rede | |
https://elliottsmith.co/ e http://www.sweetadeline.net/ | |
| |
[ editar datos en Wikidata ] |
Traxectoria editar
Medrou principalmente en Texas, e pasou gran parte da súa vida en Portland, Oregón, onde comezou a conseguir popularidade. O seu instrumento principal foi a guitarra, aínda que tamén tocaba o piano, o clarinete, o baixo, a batería e a harmónica. Smith tiña un estilo vocal peculiar, caracterizado pola súa "entrega susurrante",[1] e adoitaba a usar gravacións multipista para crear capas, texturas e harmonías de voces. Despois de tocar na banda de rock Heatmiser durante varios anos, Smith comezou a súa carreira en solitario en 1994, publicando traballos a través dos selos independentes Cavity Search e Kill Rock Stars. No ano 1997 fichou por DreamWorks Records e publicou dous álbums coa discográfica.[2] A música de Smith chegou ao gran público cando a súa canción "Miss Misery", incluída na banda sonora da película Good Will Hunting (1997), foi nomeada ao Óscar á Mellor canción orixinal en 1998.[3]
Smith bebía e usaba drogas e diagnosticáronlle trastorno por déficit de atención con hiperactividade (TDAH) e trastorno depresivo maior. Os seus problemas coas drogas e a súa saúde mental afectaron á súa vida e ao seu traballo, e adoitaban a aparecer nas súas letras. En 2003, con 34 anos, morreu nos Ánxeles, California, por dúas puñaladas no peito.[4] A autopsia non puido determinar se as feridas foran autoinflixidas ou se se trataba dun homicidio.[5] No momento da súa morte Smith estaba traballando no seu sexto álbum de estudio, From a Basement on the Hill, que foi postumamente rematado e publicado no 2004.
Discografía editar
Álbums editar
Álbum | Ano | Selo | |
---|---|---|---|
Roman Candle | 1994 | Cavity Search | |
Elliott Smith | 1995 | Kill Rock Stars | |
Either/Or | 1997 | Kill Rock Stars | |
XO | 1998 | DreamWorks Records | |
Figure 8 | 2000 | DreamWorks Records | |
From a Basement on the Hill | 2004 | ANTI-, Domino | completado e rematado tras a súa morte |
Notas editar
- ↑ "Elliott Smith - Elliott Smith | Songs, Reviews, Credits | AllMusic" (en inglés). Consultado o 2020-09-28.
- ↑ "Elliott Smith: Figure 8". Pitchfork (en inglés). Consultado o 2020-09-28.
- ↑ "Today's Candy: Elliott Smith 'Miss Misery'". www.wearetheguard.com. 2012-09-06. Consultado o 2020-09-28.
- ↑ "Rocker's Autopsy Doesn't Rule Out Homicide". The Smoking Gun (en inglés). 2010-07-12. Consultado o 2020-09-28.
- ↑ Dansby, Andrew; Dansby, Andrew (2003-12-31). "Smith Autopsy Inconclusive". Rolling Stone (en inglés). Consultado o 2020-09-28.