Eduardo Gómez

Eduardo Gómez Manzano, nado en Madrid o 27 de xullo de 1951 e finado na mesma cidade o 28 de xullo de 2019, foi un actor español, coñecido especialmente polos seus papeis de Mariano Delgado en Aquí no hay quien viva e Máximo Angulo en La que se avecina.

Eduardo Gómez

(2010)
Biografía
Nacemento	(es) Eduardo Gómez Manzano 27 de xullo de 1951 Madrid (España franquista)
Morte	28 de xullo de 2019 (68 anos) Madrid, España
Causa da morte	Morte natural  (Cancro de larinxe )
Datos persoais
País de nacionalidade	España
Actividade
Ocupación	cantante , actor de televisión
Período de actividade	década de 1990 - 2018
Lingua	Lingua castelá

Traxectoria

A súa carreira como actor comezou cando tivo que acompañar un amigo á gravación da serie ¡Ay, Señor, Señor!, na segunda metade da década de 1990. Fixo entón unha pequena intervención, que supuxo o inicio da súa traxectoria. Antes traballara en diversos empregos, como vendedor de enciclopedias a domicilio, camareiro nun bar, dependente de grandes almacéns, albanel etc.

Ao longo da súa carreira, actuou en máis de trinta películas, numerosos episodios en series de televisión e algunhas obras de teatro. En España, foi coñecido polo público a través do seu papel na serie española Aquí no hay quien viva, emitida por Antena 3 entre 2003 e 2006, na que actuou desde a primeira tempada da serie, como Mariano Delgado, o pai de Emilio (Fernando Tejero), porteiro do edificio. Ese papel reportoulle, á parte da popularidade, o premio da asociación de actores españois (Unión de Actores).

En 2005, aparece na película Torrente 3: El protector. Desde 2007 formou parte da repartición da serie española emitida por Telecinco La que se avecina, onde interpreta a Máximo Angulo, primeiro como porteiro do edificio Mirador de Montepinar, e logo camareiro do bar Max & Henry. En 2009 participa na primeira spoof movie española (Spanish Movie), facendo unha parodia de Diego Alatriste.

Filmografía

Cine

• No lo llames amor, llámalo X, de Oriol Capel (2011).
• Entrelobos, de Gerardo Olivares (2010).
• Spanish Movie, de Javier Ruiz Caldera (2009).
• Crimen ferpecto, de Álex de la Iglesia (2005).
• Torrente 3, el protector, Santiago Segura (2005).
• Ninette, de José Luis Garci (2005).
• Kibris: La ley del equilibrio, Germán Monzó (2005).
• Tiovivo c. 1950, de José Luis Garci (2004).
• Isi/Disi. Amor a lo bestia, de Chema de la Peña (2004).
• La gran aventura de Mortadelo y Filemón, de Javier Fesser (2003).
• El oro de Moscú, de Jesús Bonilla (2003).
• 800 balas, de Álex de la Iglesia (2002).
• Expediente WC, de Arturo Ruiz (2002).
• La comunidad, de Álex de la Iglesia (2000).
• La lengua de las mariposas, de José Luis Cuerda (1999).
• Muertos de risa, de Álex de la Iglesia (1999).
• El milagro de P. Tinto, de Javier Fesser (1998).

Televisión

Personaxes fixos

• Tú sí que vales (2012-) como membro do xurado popular
• La que se avecina (2007-actualidade) como Máximo Angulo
• Aquí no hay quien viva (2003-2006) como Mariano Delgado

Personaxes episódicos

• Los Serrano (2003)
• ¡Ala... Dina! (2000)
• Periodistas (1999)
• Ellas son así (1999)
• ¡Ay, Señor, Señor! (1994)

Ademaiss participou nalgunhas das series españolas máis coñecidas como:

• Farmacia de guardia
• Médico de familia
• La casa de los líos
• El Súper
• Manos a la obra
• Tío Willy
• Una de dos
• Abierto 24 horas
• La ley y la vida

Teatro

• Maravilla, diez y pico

Premios

Premios da Unión de Actores

Ano	Categoría	Película	Resultado
2004	Mellor actor secundario de televisión	Aquí no hay quien viva	Gañador
2002	Mellor actor de repartimento de cine	800 balas	Nomeado

Festival de Cine de Alacant

Ano	Categoría	Resultado
2010	Premio "Ciudad de Alicante"	Gañador