Edgar Amphlett
Edgar Montague Amphlett, nado en Dochester o 1 de setembro de 1867 e finado en Londres o 9 de xaneiro de 1931, foi un xornalista e tirador de esgrima inglés, gañador dunha medalla olímpica.[1][2]
| Biografía | |
|---|---|
| Nacemento | 1 de setembro de 1867  Dorchester, Reino Unido (pt)  |
| Morte | 9 de xaneiro de 1931 (63 anos) Chelsea, Reino Unido |
| Datos persoais | |
| País de nacionalidade | Reino Unido |
| Actividade | |
| Ocupación | correspondente de guerra , esgrimista , xornalista |
| Lingua | Lingua inglesa |
| Deporte | esgrima |
| Participou en | |
| 1912 | Xogos Olímpicos de 1912 |
| 1908 | fencing at the 1908 Summer Olympics – men's team épée (en) (medalla de prata olímpica) |
  | |
Traxectoria editar
Edgar Montague estudou en Hull e con dezasete anos entrou a traballar nun xornal e máis tarde traballou durante dezaseis anos na sala de prensa do Palacio de Westminster. En 1899 uniuse á sección parlamentaria de The Times.[3] Durante a primeira guerra mundial foi correspondente de guerra en Francia.[3], permanecendo en Boulogne despois da retirada do exército británico da cidade e despois marchou a Arras cos refuxiados que abandonaban a cidade escribindo un diario que publicou The Times.[3]. En 1915 entrou como voluntario no exército como capitán temporal servindo durante catro anos en Francia nos ferrocarrís.[3]. En setembro de 1919 Amphlett regresou á sección parlamentaria de The Times.[3] En 1920 converteuse en correspondente especial en Irlanda e a fin de ano estaba en Fiume como o único correspondente na cidade durante o bloqueo italiano nos días previos á rendición de Gabriele d'Annunzio.[3] Posteriormente traballou na oficina en París de The Times, volvendo a Londres en 1925 como responsable das edicións especiais do xornal.[3]
Carreira deportiva editar
Amphlett comezou a practicar esgrima aos 37 anos[4], gañando o campionato británico de espada en 1910 e o de florete ao ano seguinte.[3] Participou nos Xogos Olímpicos de 1908, logrando a medalla de prata co equipo británico de espada e nos Xogos Olímpicos de 1912.
Notas editar
- ↑ "Olympics Statistics: Edgar Amphlett". databaseolympics.com. Arquivado dende o orixinal o 05 de decembro de 2007. Consultado o 4 April 2010.
- ↑ "Edgar Amphlett Olympic Results". sports-reference.com. Arquivado dende o orixinal o 26 de outubro de 2012. Consultado o 4 April 2010.
- ↑ 3,0 3,1 3,2 3,3 3,4 3,5 3,6 3,7 "Obituario:Mr. E.M. Amphlett - Journalist and Fencer" (45718). 12 de xaneiro 1931. p. 17.
- ↑ "The Newsletter of the NVA. Volume XXII: nº 6:xuño de 2009" (PDF). Arquivado dende o orixinal (PDF) o 23 de marzo de 2014. Consultado o 03 de setembro de 2013.