Economía dos Estados Unidos de América

Economía dos Estados Unidos de América
Moeda Dólar estadounidense
Ano fiscal 1 de outubro - 30 de setembro
Organizacións comerciais NAFTA, OCDE, OMC e outros
Estatísticas
Posición mundial PIB 1º (2004)
PIB (en billóns) US$ 11,775 (2004)
Crecemento anual do PIB 3,4 % (2004)
Renda per cápita US$ 39.689
PIB por sector sector primario (0,9%), sector secundario (22%), sector terciario (77%) (2004)
Inflación 3,2 % (2004)
Poboación debaixo da liña de pobreza 12 % (2004)
Forza de traballo 165,1 millóns (2004; 176 millóns con desempregados)
Forza de traballo por ocupación sector primario (3 %) sector secundario (18 %) sector terciario (79 %) - inclúe desempregados
Taxa de desemprego 5,2 % (2004)
Concentración da renda nacional por %
10 % máis ricos: 30,5 %
10 % máis pobres: 1,8 %
Principais industrias petróleo, siderurxia, vehículos, aeronaves en xeral, telecomunicacións, química, electrónica, alimentos, madeira, minaría
Exportacións e importacións
Exportacións US$ 800.000 millóns (2004)
Principais países exportadores Canadá 24 %, México 14 %, Xapón 7 %, Reino Unido 5 %, Alemaña 4 % (2004)
Importacións US$ 1,5 billóns (2004)
Principais países importadores Canadá 20%, China 15%, México 10%, Xapón 9%, Alemaña 5%
Finanzas públicas
Débeda gobernamental US$ 8 billóns (2004 - 60% do PIB nacional
Débeda externa US$ 5 billóns (2004 - 60% do PIB nacional
Orzamento anual (goberno) US$ 3,2 billóns (2004)
Gastos anuais (goberno) US$ 3,7 billóns (2004)
Déficit US$ 0,5 billóns (2004)
Axuda económica US$ 6.900 millóns (2004 - 0.08% do PIB nacional)

A economía dos Estados Unidos de América é a máis forte e influente do mundo. O país posúe un produto interior bruto duns 12 billóns de dólares americanos, un número maior que o PIB da Unión Europea, mesmo tendo esta última 160 millóns de habitantes máis. A economía dos Estados Unidos está baseada no capitalismo. O país ten unha das economías máis abertas do mundo, isto é, con poucas restricións contra investimentos estranxeiros e importacións, e pouca intervención do goberno do país.

Sector primario editar

Sector Primario dos Estados Unidos de América
Actividade % PIB
Agricultura
e Gandaría
0,9%
Pesca 0,02%
Industria madeireira 0,08%
Total 1%
Traballadores % Empregos
4,2 millóns 2.5%

320 mil

0,2%
133 mil 0,3%
4 953 000 3%

Agricultura editar

A industria agrícola americana é a maior do mundo. As facendas americanas producen grandes cantidades de produtos vexetais, que son máis que suficientes para atender á demanda nacional. Os excedentes expórtanse. Os Estados Unidos son os maiores exportadores mundiais de produtos agrícolas do mundo.

Estados Unidos é o maior produtor de laranxas e limóns do mundo. A maior parte da produción nacional está concentrada na Florida. A California é tamén grande produtora de froitas cítricas. O país tamén é o maior produtor mundial de millo, soia, cacahuete, trigo e algodón. O millo e a soia cultívanse principalmente en Iowa e en Illinois, así como en estados veciños. O amendoín cultívase principalmente no sur do país. O trigo cultívase principalmente no centro-norte do país, especialmente en Kansas (maior produtor nacional), Dakota do Norte, Dakota do Sur, Montana e Oklahoma. O algodón, cultivado actualmente especialmente no sur do país, foi por séculos o produto máis importante da economía dos estados do sueste americano. O país tamén é o maior exportador dos produtos mencionados máis enriba. Os Estados Unidos tamén cultivan cana de azucre, sobre todo no sur do país. Xa o nordeste do país é grande produtor de froitas tales como a mazá, o amorodo e a uva.

O uso de cada vez máis modernas técnicas de cultivo e de maquinaria agrícola cada vez máis avanzados contribuíu para que os Estados Unidos alcanzasen a posición de maior potencia agropecuaria do mundo. Porén, isto tamén causa problemas para a industria agrícola -como tamén para a industria gandeira-. O uso de tales técnicas e equipamentos é caro, aínda que a longo prazo diminúa os prezos dos produtos producidos. Os facendeiros que non posúen fondos suficientes para sufragar os gastos destas técnicas e equipamentos non conseguen vender os seus produtos -por lles saíren máis caros que produtos producidos a través do uso de modernos equipamentos e técnicas- son forzados a vender a súa terra e buscar emprego nas cidades. En 1925, o número de facendas no país era de 6,5 millóns. Actualmente, este número é de 2,2 millóns, e aínda está en diminución. Cerca do 95% das facendas americanas son de propiedade dos facendeiros que as cultivan, isto é, son facendas mantidas principalmente por familias. O resto dos 5% son de propiedade de grandes empresas, que traballan principalmente no ramo da alimentación.

Gandería editar

Os Estados Unidos posúen o maior número de gado do mundo. O país ten uns 103 millóns de cabezas de gado. Alén diso, o país posúe tamén grandes rabaños porcinos (aproximadamente 55 millóns de cabezas) e ovinos (38 millóns de cabezas). Galiñas e outras aves son criados principalmente nos estados do centro-sur e do sur do país. A industria pecuaria do país produce máis alimentos do que é necesario para atender á demanda nacional -sendo o exceso exportado-, aínda que nos últimos anos o país teña importado grandes cantidades de carne bovina e de gado canadense.

Aínda que a práctica da crianza de gado se espalle por todo país, esta industria está concentrada principalmente no suroeste e no centro-norte do país. A rexión central e occidental dos Estados Unidos tamén posúen grandes rabaños. O estado de Texas posúe o maior rabaño de gado no país. Outros estados que posúen grandes rabaños de gado son Montana, Colorado, California e Nevada.

A industria pecuaria americana ten enfrontado nas últimas décadas problemas meteorolóxicos coa seca. Isto fixo que a poboación do gado americano caese gradualmente nas últimas décadas. Debido ao alto consumo de carne bovina no país, os Estados Unidos pasaron a importar carne e gado do Canadá, principalmente de Alberta e de Ontario, para resolver ou minimizar o problema do diminución da poboación dos rabaños de gado americano.

Pesca editar

Os Estados Unidos producen anualmente máis de 5 millóns de toneladas de peixes e outros animais e vexetais mariños e fluviais. O valor estimado destes produtos é de 3,4 billóns de dólares. A maior parte da pesca realízase no océano Pacífico, aínda que a industria da pesca tamén sexa considerábel no golfo de México e no océano Atlántico. Outros lugares onde a industria posúe importancia razoábel son en pequenas cidades ao longo do Río Mississippi-Missouri, e nos Grandes Lagos.

O Estado americano de Alasca é o maior produtor de peixes e outros animais e vexetais mariños, onde a pesca é unha das principais fontes de renda. A pesca tamén posúe algunha importancia razoábel en Washington, Luisiana, Vermont e Maine. Considerándose só o peso e o valor total dos produtos producidos pola industria, son Luisiana, Massachusetts, Texas, Maine, Washington, Florida e Virxinia os principais produtores de pesca, organizados en orde decrecente.

A industria da pesca dos Estados Unidos é a quinta maior do mundo, atrás da China, o Perú, Chile e o Xapón, en orde decrecente de peso total dos produtos pescados. A pesar diso, a industria da pesca posúe, en xeral, pouca importancia para a economía do país, aproximadamente o 0,02% do PIB nacional. Cerca de 150 mil persoas traballan como pescadores regulares, isto é, fan da pesca a súa profesión.

Industria madeireira editar

Aproximadamente un terzo do país está cuberto por espazos forestais. Grazas á demanda nacional por produtos de madeira e derivados, a industria madeireira americana é unha das maiores do mundo. Un terzo da madeira producida no país vén do noroeste americano, que é a maior rexión produtora de madeira dos Estados Unidos. Washington é o maior produtor de madeira no país. Xa os estados americanos onde os Apalaches están localizados abrigan grandes bosques cunha madeira de gran calidade.

A pesar das grandes reservas forestais, o grande consumo de madeira no país, ao longo da historia americana, fixeron que estas reservas lentamente diminuísen, ao mesmo tempo en que a deforestación crecía gradualmente, por causa do gradual aumento da demanda. A partir do século XIX, para diminuír e estabilizar este problema, os americanos pasaron a importar madeira, ben como produtos de madeira e derivados, do Canadá. A madeira canadense actualmente corresponde aproximadamente ao 18% de toda a madeira usada nos Estados Unidos. Esta madeira é importada da Columbia Británica, Quebec, Ontario e da Novo Brunswick. Os Estados Unidos son o maior importador mundial de madeira do mundo.

Sector secundario editar

Sector Secundario dos Estados Unidos de América
Actividade % PIB
Manufactura 17%
Construción 4%
Minaría 1%
Total 22%
Traballadores % Empregos
19 812 000 12%
8 255 000 5,15%
1 651 000 0,5%
29 millóns 18%

Manufactura editar

A industria de manufactura dos Estados Unidos é a maior do mundo. As fábricas americanas producen grandes cantidades tanto de produtos industriais -produtos que son usados por outras fábricas para a fabricación doutros produtos- e de produtos de consumo -produtos cuxo destino final é o consumidor-. O valor total dos produtos fabricados no país é de máis de 1,9 billóns de dólares.

A industria de manufactura está concentrada principalmente nos estados da rexión central e da rexión nordeste dos Estados Unidos. Actualmente, o crecemento industrial está concentrado no sur do país, especialmente no suroeste americano. A California é o estado americano que máis produtos manufacturados fabrica nos Estados Unidos, tanto en número de produtos como no valor económico total dos mesmos. A seguir, en orde decrecente, veñen Texas, Ohio, Illinois, Míchigan, Pensilvania, Carolina do Norte e Nova York.

Os principais produtos fabricados nos Estados Unidos son computadores e software, produtos electrónicos, equipamentos de transporte (avións, vehículos motorizados, trens e navíos), produtos químicos (fertilizantes, medicamentos), alimentos, maquinaria industrial, produtos de metal, produtos de plástico, siderurxia, material impreso, petróleo e derivados e mobles.

A rexión central dos Estados Unidos é unha grande produtora de ferro e aceiro, vehículos motorizados e maquinaria industrial. Detroit é a capital da industria automobilística dos Estados Unidos. A industria siderúrxica americana é a maior do mundo, aínda que enfronte a forte concorrencia da industria siderúrxica doutros países tales como o Brasil, o Canadá e Suráfrica. A industria siderúrxica americana está situada principalmente en Pittsburgh e en Cincinnati.

A rexión nordeste dos Estados Unidos é, pola súa vez, grande produtora de roupas e tecidos, alimentos industrializados, material impreso e de equipamentos electrónicos. Pola súa vez, petróleo e derivados son producidos principalmente en Texas, así como noutros estados á beira do golfo de México. O oeste americano é sede da industria de alta tecnoloxía americana. Na California está situado o famoso Val do Silicio, onde se desenvolven e producen computadores e software en xeral. Outro grande pólo da industria de alta tecnoloxía é Pittsburgh, un dos principais pólos da industria robótica e de bio-tecnoloxía do mundo.

Atlanta, Dallas, Seattle e Witchita son grandes centros da industria aeroespacial. A maioría das fábricas da Boeing, a maior empresa fabricadora de avións en xeral do mundo, están situadas en Seattle.

Até a década de 1980, a maioría dos produtos americanos producíanos no país compañías americanas. A partir de entón, para reducir custos operacionais, varias compañías pasaron a comprar materia prima ou certos compoñentes a outros países. Outras compañías pasaron a producir compoñentes de produtos noutros países. E outras empresas pasaron a producir de vez todos os seus produtos no estranxeiro. Estes produtos inclúen roupas, produtos electrónicos, computadores, mobles e xoguetes. Desta maneira, moitos produtos ou compoñentes americanos fabrícanse na China, Corea do Sur, Malaisia, México e Taiwán.

Construción editar

A industria de construción consiste na construción e manutención de estruturas tales como rañaceos, casas, predios, vías públicas e torres. Por ser unha industria indispensábel, está espallada en todo o país. Mais esta industria é máis forte na California (especialmente Os Ánxeles e San Francisco), Texas (Dallas e Houston), Illinois (Chicago) e Nova York (Cidade de Nova York).

Minaría editar

Estados Unidos é un extenso país. Como tal, o país posúe grandes e varios depósitos de numerosos recursos naturais dentro dos seus límites territoriais. O valor dos recursos naturais minerais ou extraídos nos Estados Unidos é o segundo máis alto do mundo, soamente atrás da Rusia. Aínda que soamente a minaría por si compoña apenas unha pequena parcela do PIB (4%) e do número de traballadores empregados (0.5%), a minaría é un factor chave noutros sectores da economía americana, especialmente a industria de manufacturas.

Os principais recursos naturais extraídos polo Estados Unidos son petróleo, gas natural e carbón. O país é o segundo maior produtor de petróleo do mundo, situándose por diante a Arabia Saudita. O Estados Unidos tamén é o segundo maior produtor de gas natural do mundo, tras a Rusia. A demanda destes dous produtos, porén, é máis alta que a cantidade extraída destes produtos. Por isto, Estados Unidos ten que importar petróleo e gas natural, para atender á súa grande demanda, que é a maior do mundo. Estados Unidos importa petróleo principalmente do Canadá e da Arabia Saudita, e gas natural principalmente do Canadá e da Rusia. Estados Unidos tamén é o segundo maior produtor mundial de carbón, atrás soamente da China. O carbón é usado principalmente en fábricas produtoras de electricidade, que usan o carbón como combustíbel, ou pola industria siderúrxica do país.

O petróleo e o gas natural son principalmente extraídos en Texas, Alasca, Oklahoma e California, e o carbón é principalmente extraído en Wyoming, Virxinia Occidental, Kentucky e na Pensilvania. Os Estados Unidos producen o 23% do gas natural, o 21% do petróleo e o 21% do carbón producido anualmente no mundo enteiro.

Estados Unidos tamén é o líder mundial na minaría de fosfato; e é o segundo maior produtor mundial de chumbo, cobre, xofre, ouro e prata. O país produce o 43% do fosfato, o 34% do molibdeno, o 22% do xofre, o 17% do cobre e o 16% do chumbo producido por ano no mundo.

Sector terciario editar

Sector Terciario dos Estados Unidos de América
Actividade % PIB
Servizos comunitarios,
comerciais e persoais
21%
Finanzas 19%
Comercio por xunto e varexo 16%
Servizos gobernamentais 12%
Transportes, telecomunicacións
e utilidades públicas
9%
Total 77%
Traballadores % Empregos
51 181 000 31%

13 208 000

8%
34 671 000 21%
23 114 000 14%
8 255 000 5%
130 429 000 79%

Turismo editar

O turismo é unha das principais fontes de renda dos Estados Unidos. Estímase que o número de turistas domésticos, isto é, turistas dun dado país que visitan outro lugar neste mesmo dado país, estea en torno de 1,5 billóns.

Estados Unidos é o terceiro país máis visitado por turistas estranxeiros. Só está detrás de España e Francia. Cerca de 75 millóns de turistas estranxeiros visitan o país anualmente. Destes 75, 8 millóns veñen do Canadá e 7 millóns veñen do México. Os gastos realizados por turistas canadenses nos Estados Unidos son de aproximadamente 6,2 billóns de dólares, e os gastos realizados por turistas mexicanos, de 5 billóns. Outros turistas internacionais veñen de Europa, o Xapón, o Caribe, a China, o Brasil e a Arxentina. Os turistas internacionais, excluíndo canadenses e mexicanos, suman 65 millóns.

Cerca de 350 áreas nos Estados Unidos son parques nacionais ou sitios históricos. Estes sitios son administrados polo National Park Service. Estes parques e sitios atenderon a uns 287 millóns de turistas -domésticos ou estranxeiros-. Algúns pólos turísticos americanos inclúen Nova York, Os Ánxeles, Miami, Orlando, San Francisco, Honolulú, Filadelfia e Chicago.

Finanzas editar

O Estados Unidos é o maior pólo financeiro do mundo. Existen preto de 800 mil institucións financeiras. Aquí están incluídas bancos, aseguradoras e inmobiliarias. O sector financeiro emprega máis de 13 millóns de persoas nos Estados Unidos –o que representa o 7,8 % da forza de traballo nacional- e é responsábel dun 19 % do PIB nacional.

Existen unhas 10.250 empresas bancarias nos Estados Unidos, máis 1.700 empresas de aforro e préstamo, usadas principalmente para o financiamento da adquisición de casa propia. O número destas empresas está en descenso nos últimos anos, por causa de falecidos, compras e fusións, mentres o número de centros bancarios continua a aumentar. No total, son máis de 87 mil centros bancarios. O total das entidades de aforro e outras redes de crédito sumadas de bancos americanos é de 5,5 billóns de dólares. As innúmeras empresas bancarias americanas teñen a súa sede en diferentes cidades espalladas polo país. Nova York, Chicago, Houston, Os Ánxeles, San Francisco e Filadelfia destacan como os principais pólos bancarios do país. Nova York e Chicago son os maiores pólos bancarios do mundo.

Varias cidades nos Estados Unidos dispoñen de bolsa de valores. Nova York e Chicago posúen tres bolsas de valores cada unha. A NYSE e a NASDAQ, con sede en Nova York, son as máis influentes bolsas de valores do mundo. Outras bolsas de valores están situadas nos Ánxeles, San Francisco, Dallas, Houston, Filadelfia e Boston.

Transportes e telecomunicacións editar

O Estados Unidos posúen unha extensiva rede de autovías, de ferrocarrís e de hidroavións. De feito, a quilometraxe destas redes son as maiores do mundo nas súas respectivas categoría. Existen uns 75 mil quilómetros de autovías e vías rápidas de alta capacidade. Para cada 100 habitantes, existen preto de 75 automóbiles. Canto aos transportes, os camións transportan cerca dun cuarto de toda a carga transportada no país.

Os trens transportan preto do 35 % de toda a carga transportada no país, e en cambio só levan o 1 % dos pasaxeiros. O contrario acontece coas liñas aéreas americanas, que transportan o 18 % dos pasaxeiros, pero menos do 1 % da carga no país. O mercado americano de pasaxeiros no sector aéreo é o maior do mundo. Chicago, Atlanta, Os Ánxeles, Dallas, Nova York, San Francisco e Orlando destacan como grandes centros de aeroportos.

Cerca do 15% de toda a carga transportada no país é transportada con hidroavións a través de ríos e lagos, alén de mares e océanos. Os Ánxeles, Nova York, Filadelfia, San Francisco, Nova Orleáns, Miami e Houston destacan como grandes centros portuarios. O porto con máis tránsito do país por número de navíos atendido é o de Nova Orleáns, mentres o porto con máis tránsito segundo tonelaxe de carga é o dos Ánxeles.

Publícanse diariamente nos Estados Unidos preto de 60 millóns de xornais. No país, publícanse millares de xornais diarios ou semanais. Existen tamén no país millares de estacións de radio e televisión. Practicamente toda residencia americana posúe unha radio, e a gran maioría posúe unha televisión.

Electricidade editar

Estados Unidos é o maior produtor e consumidor de enerxía eléctrica do mundo. O país consome cerca dun cuarto de toda a enerxía eléctrica producida anualmente no mundo enteiro, a pesar de concentrar apenas o 5% da poboación mundial. O consumo de enerxía eléctrica per cápita dos Estados Unidos é a segunda máis alta do mundo, atrás soamente do Canadá. Os combustíbeis fósiles xeran no total o 39% da electricidade producida nos Estados Unidos. O carbón xera o 57% da electricidade consumida no país, o gas natural xera o 9%, e o petróleo o 2%. O extensivo uso de combustíbeis fósiles como combustíbel para a xeración de electricidade, aliado á maior frota automobilística en actividade do planeta, fan que os Estados Unidos sexa responsábel dun quinto de toda a emisión de gases causantes do efecto invernadoiro.

Outras fontes de enerxía son represas, que xeran o 20% da electricidade producida no país, e fábricas nucleares, que xeran o 9% da electricidade producida no país. A pesar de ser a maior produtora de electricidade do mundo, tendo xerado máis de 3,839 billóns de quilowatts en 2002, a produción de electricidade doméstica non é suficiente para atender á grande demanda nacional, de máis de 4 billóns de quilowatts. Estados Unidos importa o restante da electricidade necesaria do Canadá.

Tratados comerciais editar

Estados Unidos, tendo unha das economías máis poderosas e influentes do mundo, posúe tratados comerciais con diversos países ao redor do mundo. Estados Unidos é un membro do NAFTA (Tratado de Libre Comercio da América do Norte), do cal o México e o Canadá forman parte. O Canadá é facilmente o maior parceiro comercial dos Estados Unidos, seguido polo Xapón e polo México.

Estados Unidos forma parte da Cooperación Económica da Asia e do Pacífico, un bloque económico que ten por obxectivo transformar a rexión do Pacífico nunha área de libre comercio e que engloba países da Asia, América e da Oceanía. O país tamén forma parte do G8, grupo político-económico que reúne os sete países máis poderosos economicamente do mundo máis a Rusia.

Véxase tamén editar

Outros artigos editar