Drill
Drill é un subxénero da música hip hop que se orixinou en Chicago a principios da década de 2010. A nivel de son é semellante ao trap e liricamente ao gangsta rap.[1] Os primeiros artistas drill son coñecidos polo estilo explícito e agresivo das súas letras e pola asociación co crime en Chicago. O xénero avanzou ao mainstream estadounidense en 2012 tras o éxito de rapeiros pioneiros como Chief Keef, Lil Reese, Lil Durk, Fredo Santana, G Herbo, Lil Bibby[2] e King Louie, que tiñan moitos fans locais e un importante presenza en Internet xunto co produtor Young Chop. Outros rapeiros, como LA Capone e RondoNumbaNine, tamén contribuíron á escena inicial do drill.[3] A medida que o público creceu, seguiu a atención dos medios e a fichaxe de músicos de drill para grandes selos.
| Drill | |
|---|---|
| Orixe musical | Música Hip hop, Trap, Gangsta rap, Memphis rap e Hip hop hardcore |
| Orixe cultural | Comezos da década de 2010, Chicago, Estados Unidos |
| Instrumentos típicos | Sintetizador, Rap, Caixa de ritmos, Sampler |
| Derivados | Mumble rap |
| Subxéneros | |
| UK drill, Brooklyn drill | |
Despois de diminuír o impulso inicial do subxénero, o drill de Chicago viu un rexurdir a finais da década de 2010 e principios da década de 2020 con artistas pioneiros como King Von, Polo G e un renovado Lil Durk.[4] Noutros lugares, os subxéneros rexionais da música drill gañaron moita popularidade. O UK drill, no Reino Unido, influíu en escenas rexionais de todo o mundo. O Brooklyn drill tamén gañou popularidade a finais da década de 2010 e principios da década de 2020 con artistas como Pop Smoke e Fivio Foreign.[5][6]
Chief Keef, en particular, é considerado o principal proxenitor e divulgador da música drill, responsable de levala á fama.[7]
Notas editar
- ↑ "The Origins of Drill Music". history.hiphop. Consultado o 2023.
- ↑ "Lil Bibby and G Herbo, strong and strong together". chicagotribune.com. Consultado o 2023.
- ↑ "11 Songs That Define Chicago Drill, the Decade’s Most Important Rap Subgenre". pitchfork.com. Consultado o 2023.
- ↑ "King Louie, Polo G, and Saba on What Makes Chicago Great". rollingstone.com. Consultado o 2023.
- ↑ "Pop Smoke: US rapper who introduced the UK drill sound to New York". independent.co.uk. Consultado o 2023.
- ↑ "Behind The Scenes With OneFour: Australia's First Drill Rappers". vice.com. Consultado o 2023.
- ↑ "The music industry wasn´t ready for Chief Keef". theoutline.com. Consultado o 2023.