Doug Christie
Douglas Dale Christie, nado o 9 de maio de 1970 en Seattle, Washington, é un xogador de baloncesto estadounidense retirado que xogou 15 tempadas na NBA. Mide 1,98 metros e xogaba de escolta.
| Doug Christie | |
|---|---|
 | |
| Posición | Escolta |
| Dorsal | 1, 7, 8, 13, 21, 35 |
| Altura | 1,98 m (6 ft 6 in) |
| Peso oficial | 93 kg (205 lb) |
| Nacemento | 9 de maio de 1970 (53 anos) Seattle, WA
|
| Carreira | |
| Universidade | Pepperdine |
| NBA Draft | 1992 / Rolda: 1 / Elección: 17 Por Seattle SuperSonics |
| Tempadas | 1993–2007 |
| Equipo(s) | |
| |
| Estatísticas (NBA) | |
| Puntos | 9 301 |
| Rebotes | 3 382 |
| Asistencias | 2 992 |
| Stats @ Basketball-Reference.com | |
| Premios | |
| |
Traxectoria editar
Universidade editar
Despois de gañar o campionato estatal co seu instituto, elixiu Pepperdine para a súa carreira universitaria. Tras tres tempadas nas que acadou 16 puntos, 5,1 rebotes e 4,5 asistencias, conseguiu ser coñecido a nivel nacional, e que os equipos profesionais se fixaran nel.
Profesional editar
Foi elixido no posto 17 do Draft da NBA de 1992 polos Seattle SuperSonics, pero debido a un problema de contrato, nunca chegou a xogar na súa cidade, sendo traspasado xa avanzada a tempada a Los Angeles Lakers. Alí estivo durante tempada e media, pero foi usado moi pouco polo seu adestrador. Foi traspasado aos New York Knicks, pero tampouco tivo sorte, debido en parte ás lesións que lle fixeron perderse moitos partidos. A mediados da tempada 1995-96 foi de novo traspasado aos Toronto Raptors, onde por fin conseguiu un oco no cinco inicial e puido amosar as súas cualidades. No seus 5 anos no Canadá obtivo unhas boas cifras de máis de 14 puntos e 2 roubos de balón por partido, aparecendo sempre entre os primeiros da liga neste apartado.
Na tempada 2000-01 foi traspasado a Sacramento Kings, onde se amosou coma un extraordinario defensor, aparecendo durante 4 anos consecutivos nos mellores quintetos defensivos da liga. A pesar diso, foi traspasado a Orlando Magic en 2005 a cambio de Cuttino Mobley, onde tras unha lesión no seu xeonllo foi despedido. Asinou entón un contrato dun ano cos Dallas Mavericks, pero de novo os problemas no seu xeonllo o apartaron do equipo. Na tempada 2006-07 asinou dous contratos de 10 días con Los Angeles Clippers, tras os cales viuse de novo no paro. Na actualidade recupérase dos seus problemas de xeonllo, e atópase na situación de axente libre. Nos seus 15 anos coma profesional asinou 11,2 puntos, 4,1 rebotes e 1,9 roubos de balón.
Equipos editar
Véxase tamén editar
Ligazóns externas editar
- Doug Christie en NBA.com (en inglés)
- Estadísticas de Doug Christie Arquivado 13 de maio de 2013 en Wayback Machine. (en inglés)