Dionisia López Amado
Dionisia López Amado, nada en Cedeira en febreiro de 1928 e finada o 29 de novembro de 2008 en Buenos Aires, foi unha activista política galega, membro do grupo de Nais de Praza de Maio.
  | |
| Biografía | |
|---|---|
| Nacemento | 1928 Cedeira, España |
| Morte | 29 de novembro de 2008 (79/80 anos) Buenos Aires, Arxentina |
| Causa da morte | Peritonite |
| Datos persoais | |
| País de nacionalidade | Arxentina España |
| Actividade | |
| Ocupación | política |
| Membro de | |
| Lingua | Lingua castelá |
Traxectoria política editar
Dionisia López Amado emigrou a Arxentina en 1952 canda o seu home e mais o seu fillo, naquela altura de cinco meses. O fillo, Antonio Adolfo Díaz López, fotógrafo, e mais a súa nora, enfermeira, eran militantes do Partido Revolucionario de los Trabajadores e foron presuntamente secuestrados durante a guerra sucia arxentina, o 15 de maio de 1976, e permaneceron desaparecidos ata a actualidade.
A finais dos anos setenta, Dionisia López pasou a integrar o colectivo de Nais de Praza de Maio, que reivindicaba información sobre o estado e situación dos asasinados e desaparecidos na Arxentina. Posteriormente fundou a Comisión de Familiares de Desaparecidos Españois, e era a presidenta da Comisión por la Memoria, la Verdad y la Justicia de Zona Norte, unha plataforma de reivindicación histórica do distrito de Tigre[1], localidade onde vivía.
Vida persoal editar
Faleceu a causa dunha peritonite[2].
Galardóns editar
Distinción Rosalía, entregada polo colectivo Herbas de prata, 2007[3].
Notas editar
- ↑ El BNG lamenta la muerte de la gallega Dionisia López Amado, madre de Plaza de Mayo Arquivado 01 de decembro de 2008 en Wayback Machine., El Correo Gallego, 30/11/2008
- ↑ Foise Dionisia López Amado, a Nai da Praza de Maio galega, Vieiros, 30/11/2008
- ↑ Galegas no Día Internacional da Muller, Web de Herbas de prata, 30/11/2007