David Beatty
David Richard Beatty, 1º Earl Beatty, nado en Nantwich (Cheshire) o 17 de xaneiro de 1871 e finado en Londres o 11 de marzo de 1936, foi un oficial británico da Royal Navy.
Traxectoria editar
Despois de servir na guerra do Mahdí e na supresión da Rebelión dos Boxers, comandou o 1º Escuadrón de Cruceiros de Batalla na batalla de Xutlandia en 1916, un enfrontamento táctico indeciso despois do cal o seu enfoque agresivo foi comparado coa cautela do seu comandante o almirante Sir John Jellicoe. É lembrado polo seu comentario en Xutlandia cando dixo: "semella que algo vai mal cos nosos malditos barcos hoxe", despois de que dous dos seus buques estoupasen. Posteriormente sucedeu a Jellicoe como Comandante en Xefe da Grand Fleet, e baixo ese cargo recibiu a rendición da Hochseeflotte alemá ao final da guerra. Despois da mesma serviu durante bastante tempo como Primeiro Lord do Mar onde estivo involucrado nas negociacións do Tratado naval de Washington de 1922, nas que se acordou que os Estados Unidos, o Reino Unido e o Xapón debían manter os seus navíos nun rateo de 5:5:3, con Francia e Italia mantendo frotas máis pequenas.