Daniel Pernas Nieto
Daniel Pernas Nieto, nado nos Carballiños (Quende, Abadín) o 25 de setembro de 1884[1] e finado en Mondoñedo o 18 de xullo de 1946,[2] foi un sacerdote e escritor galego.
| Biografía | |
|---|---|
| Nacemento | 25 de setembro de 1884  Os Carballiños, España |
| Morte | 18 de xullo de 1946 (61 anos) Mondoñedo, España |
| Datos persoais | |
| País de nacionalidade | España |
| Relixión | Igrexa católica |
| Educación | Seminario de Mondoñedo |
| Actividade | |
| Ocupación | sacerdote católico , poeta |
| Lingua | Lingua galega e lingua castelá |
Traxectoria editar
Estudou no Seminario de Mondoñedo, foi párroco de Baroncelle e capelán do Hospital-Asilo de Ortigueira. Publicou as súas primeiras composicións con 21 anos en ¡Guau... Guau! e De Todo un Poco.[1] Tamén apareceron poemas seus en El Primitivo.
Publicou un único libro, o poemario Fala d'as musas (1936)[3], con prólogo en castelán de Álvaro Cunqueiro e con portada deseñada por Bernardino Vidarte Rivas. Foi o primeiro libro en galego que se publicou en Galicia tras o comezo da guerra civil española. O volume inclúe 26 poemas, de carácter costumista e relixioso na liña de Antonio Noriega Varela.[4] Durante a contenda publicou en La Voz de Ortigueira poemas en galego anunciando que pertencían a un segundo volume de Fala d'as musas que nunca viu a luz.[2]
Notas editar
- ↑ 1,0 1,1 Requeixo 2014, p. 13.
- ↑ 2,0 2,1 Requeixo 2014, p. 17.
- ↑ Prieto Rouco, Carmiña (13 de xaneiro de 1937). "Publicaciones. Fala das musas por Daniel Pernas Nieto". El Correo Gallego (en castelán). p. 3.
- ↑ Vilavedra 1999.
Véxase tamén editar
Bibliografía editar
- Couceiro Freijomil, A. (1954). "Pernas Nieto, Daniel". Diccionario bio-bibliográfico de escritores (en castelán) III. Santiago de Compostela: Bibliófilos Gallegos. p. 94.
- Pedreira, Ricardo (2005). Anacos da vida e obra de dous ilustres mindonienses. Mondoñedo: Asociación de Amigos de la Ciudad de Mondoñedo.
- Requeixo, Armando (2014). "Estudo introdutorio". Daniel Pernas: Fala das Musas e outros poemas (PDF). Xunta de Galicia. pp. 11–38.
- Vilavedra, Dolores, ed. (1995). Diccionario da Literatura Galega. Autores I. Vigo: Editorial Galaxia. ISBN 84-8288-019-5.
- Vilavedra, Dolores (1999). Historia da literatura galega. Vigo: Editorial Galaxia.