Dan Eggen
Dan Eggen, nado en Oslo o 13 de xaneiro de 1970, é un exfutbolista e actual adestrador de fútbol noruegués, que xogaba na demarcación de defensa central.
| Eggen | |||
|---|---|---|---|
| Información persoal | |||
| Nome | Dan Eggen | ||
| Nacemento | 13 de xaneiro de 1970 | ||
| Lugar de nacemento | Oslo | ||
| Altura | 1,91 m | ||
| Posición | Defensa | ||
| Carreira xuvenil | |||
| FC Lyn Oslo | |||
| Årvoll IL | |||
| Ready | |||
| Carreira sénior | |||
| Anos | Equipos | Aprs | (Gls) |
| 1990-1993 | BK Frem | 72 | (15) |
| 1993-1997 | Brøndby IF | 108 | (6) |
| 1997-1999 | Celta de Vigo | 37 | (2) |
| 1999-2003 | Deportivo Alavés | 40 | (2) |
| 2003 | Rangers FC | 0 | (0) |
| 2003-2004 | Le Mans FC | 22 | (1) |
| Selección nacional | |||
| 1993-2001 | Noruega | 25 | (2) |
| Adestrador | |||
| 2009 | Kolbotn IL | ||
| Na rede | |||
   | |||
|
Partidos e goles só en liga doméstica. [ editar datos en Wikidata ] | |||
Traxectoria editar
Non chegou a debutar profesionalmente en Noruega xa que fichou polos equipos dinamarqueses BK Frem e Brøndby IF, de onde saíu con 27 anos para xogar na Liga Española. Na tempada Primeira división española 1997/98 fichou polo Celta de Vigo, onde xogou dúas tempadas xogando na Copa da UEFA no que sería o seu último ano en Vigo.
Na tempada 1999/00 fichou polo Deportivo Alavés onde militou catro tempadas aínda que nas dúas últimas non disputou ningún encontro a causa das lesións. No ano 2001 o equipo vasco disputou a final da Copa da UEFA ante o Liverpool FC con Eggen no equipo titular, encontro que perdeu por 5-4.
Finalizado o contrato co Alavés entra a proba no Rangers FC, porén non chega a fichar polo equipo e remata no Le Mans FC, onde se retira en 2004.
Unha vez retirado do fútbol introduciuse no mundo da música como representante do grupo de rock El caco. Sacou o carné de adestrador, dirixindo ao equipo de fútbol feminino Kolbotn IF no ano 2009.
Na selección de fútbol editar
Foi internacional coa Selección de fútbol de Noruega en 25 ocasións, disputando os Copa do Mundo de Francia 1998 e o de Estados Unidos 1994 e a Eurocopa Bélxica/Países Baixos 2000. É un dos apenas seis internacionais que non chegaron a xogar profesionalmente na Primeira División da Liga de Noruega.