Década de 2010

A década de 2010 abrangue o período entre o 1 de xaneiro de 2010 e o 31 de decembro de 2019.

Terceiro milenio

Século XXI

2000   2010   2020

2010  · 2011  · 2012  · 2013  · 2014 2015  · 2016  · 2017  · 2018  · 2019

Foi unha década que na súa primeira metade seguiu fortemente marcada pola crise económica mundial que comezou en 2008. A día de hoxe, fálase dela como a «Segunda Gran Recesión». A crise de débeda soberana puxo en xaque á Unión Europea, xa que catro estados membros da Zona Euro (Grecia, Irlanda, Portugal e Chipre) tiveron que ser rescatados. O Reino Unido no 2016 tras un referendo converteuse no primeiro estado membro da UE que decidiu abandonar a Unión.

A Primavera árabe marcou os primeiros meses do ano 2011. Unhas revolucións sen precedentes en varios países árabes serviron para acabar con réximes ditatoriais que os gobernaron por varias décadas en países como Tunisia, Exipto ou Libia. Porén, a gran inestabilidade dos países árabes provocou que grupos fundamentalistas islámicos como o Estado Islámico apareceran e tomaran extensas zonas en Siria, Iraq, Exipto e Libia. Aínda que se formou unha coalición contra o EI non se evitou que este cometera numerosos atentados en Europa, en lugares como Francia (atentado na sede de Charlie Hebdo e atentados de París de novembro de 2015, ambos no 2015 e o atentado de Niza de 2016 no 2016), ou Bélxica (atentados de Bruxelas de 2016). Ademais, os terroristas islámicos cometeron numerosos atentados en países musulmáns como Turquía, Tunisia, Exipto ou Iraq.

2010

Artigo principal: 2010.

Xaneiro

• Iniciouse a dispoñibilidade da versión do sistema operativo Windows 7.
• A película de ficción científica Avatar, que fora realizada por James Cameron, acadou unha plusmarca histórica nas vendas superando a Titanic, de 1997.

Vista do Burj Khalifa, o rañaceos máis alto do mundo, en Dubai.

Vista do Palacio Nacional de Haití destruído tras o terremoto de xaneiro.

• 1 de xaneiro
  • O xadrecista noruegués Magnus Carlsen logra clasificarse como número un do mundo con dezanove anos de idade, sendo o xogador máis novo en alcanzar dita posición.
  • España asume a Presidencia do Consello da Unión Europea, sucedendo a Suecia.
  • Empeza o segundo Ano Santo Xacobeo do terceiro milenio, convocado en maio de 2009.
  • Empeza o segundo Ano Santo en Caravaca de la Cruz concedido pola Santa Sé a perpetuidade con periodicidade cada 7 anos.
  • Chuvias moi fortes e enchentes severas causan desmoronamentos de terra, que provocaron a morte de 53 persoas en Angra dos Reis, e a destrución do patrimonio histórico de São Luís do Paraitinga.
• 3 de xaneiro - Os Estados Unidos de América e o Reino Unido pechan as súas embaixadas no Iemen debido á ameaza de Al Qaeda.
• 4 de xaneiro - Inauguración do complexo de Burj Khalifa, o edificio máis alto do mundo, en Dubai (Emiratos Árabes Unidos), con 828 metros.
• 8 de xaneiro
  • O Parlamento de Portugal aproba a lei que permite o casamento entre homosexuais.
  • En Angola, o autocar da Selección de fútbol de Togo, que estaba en Angola para a Copa Africana de Nacións, é atacado por homes armados. Seis foron feridos e o condutor morto.
• 10 de xaneiro - Moita neve e ventos xeados e fortes castigan Europa, causando máis de 100 mortes e moitos accidentes.
• 11 de xaneiro - A República Popular da China alcanza o récord como maior exportadora de produtos do mundo.
• 12 de xaneiro - En Haití, un terremoto de 7,3 graos Richter provocou grandes destrucións e a mosre de máis de 200.000 persoas.
• 15 de xaneiro
  • Eclipse anular de sol visible no norte do océano Índico.
  • No estado Sucre (Venezuela), un leve terremoto de magnitude 5,4 na escala de Richter ocasiona once feridos leves e escasos danos materiais.
• 17 de xaneiro
  • En Chile dáse a segunda volta presidencial.
  • En Ushuaia prodúcese un terremoto de magnitude 6,3 na escala de Richter.
• 18 de xaneiro - Na Arxentina prodúcese un terremoto, con epicentro na provincia de San Juan, que se sente en varias partes do oeste do país.
• 19 de xaneiro - Novo terremoto na Arxentina, esta vez na provincia de Tucumán. Non se rexistraron danos materiais ni persoais.
• 24 de xaneiro - En Venezuela deixa de emitir o canal privado de televisión RCTV Internacional, por incumprir a lei resorte.
• 25 de xaneiro
• Ali Hasan Al-Majid, coñecido como Alí o químico, foi executado na forca tras recibir catro sentenzas de morte por delitos cometidos entre 1968 e 2003.
  • O voo Ethiopian Airlines 409 cae no mar Mediterráneo provocando a morte dos 90 pasaxeiros.
• 27 de xaneiro
  • Entra en vigor o sucre, moeda virtual da ALBA.
  • Apple puxo o iPad no mercado.

Febreiro

Terremoto de Chile de 2010

• 4 de febreiro - Efectúase a primeira transacción comercial co SUCRE, entre Cuba e Venezuela.
• 5 de febreiro - En Bos Aires, Arxentina, inicia as súas actividades a Policía Metropolitana.
• 3 de febreiro - A escultura L'Homme qui marche I de Alberto Giacometti é vendida en Londres por 65 millóns de libras, establecendo unha nova marca nunha obra de arte en poxas.
• 7 de febreiro
  • En Miami, o New Orleans Saints vence o Indianapolis Colts e conquista o Super Bowl XLIV, o primeiro na súa historia.
  • Eleccións en Costa Rica para elixir Presidente, deputados e municipios.
• 11 de febreiro - Lanzamento da Solar Dynamics Observatory (SDO) destinada a estudar os procesos solares e as súas reaccións directas coa Terra.
• 12 de febreiro - Cerimonia de apertura dos XXI Xogos Olímpicos de Inverno en Vancouver, Canadá.
• 15 de febreiro
  • Científicos do Laboratorio Nacional de Brookhaven, obtiveron durante milésimas de segundos a temperatura de 4 trillóns de graos celsius, a maior temperatura obtida na historia ^{[Cómpre referencia]}.
  • 20 persoas morren nun accidente de tren en Halle, Bélxica. (BBC) (Flanders News) (WSJ)
• 18 de febreiro - O Presidente de Níxer, Tandja Mamadou, é derrocado logo de que un grupo de soldados asaltaran o palacio presidencial e se formara unha xunta de goberno, o Consello Suprema para a Restauración da Democracia liderado polo chef d'escadron Salou Djibo.
• 20 de febreiro
  • A IUPAC, aproba oficialmente o elemento 112 da táboa periódica como copernicio.
  • Un forte temporal provocou máis de 40 mortos espallando destrucións no arquipélago de Madeira, (Portugal).
  • O derrubamento dun minarete en Meknes (Marrocos) provocou a morte de 41 persoas.(CNN) (Xinhua)
• 22 e 23 de febreiro - Celébrase en Playa del Carmen, México, o XXI Cumio de Río coa participación de trinta e dous países da América Latina e o Caribe.
• 27 de febreiro
  • En Chile, un forte terremoto dunha magnitude de 8,8 graos Ritcher, con epicentro a 300 km da costa da rexión do Maule, produce centos de mortos e feridos e numerosos danos materiais (este terremoto foi o 5º máis forte da historia).
  • Outro terremoto afecta a cidade arxentina de Salta, pero sen ter relación directa co de Chile segundo expertos no tema.
• 28 de febreiro - Cerimonia de peche dos XXI Xogos Olímpicos de Inverno en Vancouver, Canadá.

Marzo

Kathryn Bigelow, a primeira muller que gaña o Óscar ao mellor director pola película The Hurt Locker.

• 1 de marzo - O ex-guerrilleiro tupamaro José Mujica, electo no 2009, asume a presidencia do Uruguai, sucedendo a Tabaré Vázquez.
• 4 de marzo - En Chile sucede un novo terremoto, esta vez en Calama.
• 5 de marzo - O Presidente da República Portuguesa, Aníbal Cavaco Silva, convértese no primeiro xefe de Estado estranxeiro en visitar oficialmente Andorra en toda a historia do principado.
• 6 de marzo - En España as choivas deixan inundacións en Chiclana, Cádiz, deixando 3 mortos.
• 7 de marzo
  • En Iraq celébranse eleccións parlamentarias, as segundas coa nova Constitución, para o Consello de Representantes; onde os parlamentarios logo elixen o presidente e o primeiro ministro.
  • En terra hostil recibiu un Óscar ó mellor filme e a súa directora Kathryn Bigelow obtivo tamén un Óscar por ser a mellor directora sendo a primeira muller en gañalo, na 82ª edición dos Óscar.
• 8 de marzo - Sismo de intensidade 6 na escala de Richter na provincia turca de Elazığ, con 57 persoas mortas.
• 9 de marzo - Cúmprese o prazo para a entrega da contramemoria chilena ante a Corte Internacional da Haia, a propósito da controversia de delimitación marítima entre Chile e Perú.
• 11 de marzo
  • En Chile noméase o novo presidente Sebastián Piñera, que sucede a Michelle Bachelet.
  • En Chile prodúcese un novo terremoto de magnitudes 6,9 e 7,2 na escala Richter no norte de Chile, con poucos danos materiais.
• 12 de marzo - Abertura dos Xogos Paraolímpicos de Inverno de 2010 en Vancouver.
• 14 de marzo
  • En Colombia celébranse eleccións lexislativas.
  • En Chile prodúcese un corte de subministración de enerxía eléctrica, desde a Rexión de Antofagasta até a Rexión dos Lagos, afectando a máis do 80% da poboación.
• 16 de marzo - ETA asasina ó policía francés Jean Serge Nèrin. Considérase o último asasinato cometido por ETA .
• 19 de marzo - Abertura dos Xogos Suramericanos de 2010 en Medellín.
• 26 de marzo - En Iraq, logo dun longo escrutinio de case tres semanas, anúncianse os resultados oficiais definitivos das eleccións parlamentarias. Resulta gañadora con maioría relativa e unha marxe moi estreita a coalición encabezada polo ex-primeiro ministro Iyad Allawi, pero a ausencia de maioría absoluta e as denuncias de fraude do actual primeiro ministro Nuri al-Maliki (cunha coalición que obtivo o segundo lugar) non permiten despexar a dúbida sobre quen encabezará o próximo goberno do país.
• 27 de marzo
  • Celébrase a hora do planeta, en máis de catro mil cidades de 125 países, para concienciar na loita contra o cambio climático apagando as luces durante unha hora.
• 28 de marzo - Peche dos Xogos Paraolímpicos de Inverno de 2010 en Vancouver.
  • Shawn Michaels retírase ao perder contra The Undertaker na Wrestlemania XXVI.
• 29 de marzo - En Moscova, Rusia, teñen lugar dous atentados terroristas en estacións do metro causando ducias de mortos e feridos.
• 30 de marzo
  • Peche dos Xogos Suramericanos de 2010 en Medellín.

Abril

Vista satélite da Erupción do volcán Eyjafjallajökull de 2010.

• 1 de abril - O Treito Sur do Rodoanel Metropolitano de São Paulo é aberto ao tránsito, ligando o interior e o sur do Brasil directamente ao Porto de Santos.
• 4 de abril - No municipio de Mexicali, México, un forte terremoto de 7,2 graos sacode o norte de Baixa California e o sur de California.
• 6 de abril - No estado de Río de xaneiro, Brasil, un forte temporal deixa 28,8 cm de auga caída en 24 horas provocando inundacións e aludes de barro cun saldo de máis de douscentos mortos.
• 7 de abril - En Kirguistán o presidente Kurmanbek Bakíev é derrocado por un levantamento popular (Revolta de Kirguistán de 2010) causado pola brutal represión de militares e policías ás manifestacións convocadas pola oposición na capital do país, Biskek; e que dexenerou en sanguentos combates na rúa entre as forzas de seguridade e manifestantes fortemente armados. Tras a fuxida do presidente da capital, un goberno provisional formado polos líderes da oposición asumiu o poder de facto e asegurouse o apoio das Forzas Armadas e a policía.
• 8 de abril - En Praga, República Checa, os presidentes dos Estados Unidos e Rusia, Barack Obama e Dimitri Medvedev respectivamente, asinan o histórico tratado START III de redución de arma nuclear1armas nucleares, o máis ambicioso até o momento; que fixa un tope máximo de 1550 oxivas nucleares para cada un dos dos países tras un prazo de desarme duns anos.
• 10 de abril - Varias figuras políticas de Polonia incluíndo o presidente Lech Kaczynski e a súa esposa expiraron nun accidente aéreo dun Tupolev Tu-154 preto da cidade de Smolensk, Rusia, durante unha manobra de aterraxe.
• 11 de abril - En Hungría celébrase a primeira volta das eleccións parlamentarias, resultando vitorioso o partido de dereitas Fidesz, o que permitirá ao seu líder Viktor Orbán ser o próximo Primeiro Ministro.
• 14 de abril - Na provincia chinesa de Qinghai, un terremoto dunha magnitude de 7,1 graos produce centos de mortos, miles de feridos e numerosos danos materiais.
• 15 de abril - A erupción do volcán Eyjafjallajökull en Islandia bota cinzas ao ceo que paralizan o tránsito aéreo do norte de Europa.
• 18 de abril - Na República Turca do Norte de Chipre (estado independente de facto, só recoñecido por Turquía) celébranse eleccións presidenciais e o gañador é o nacionalista Derviş Eroğlu, que derrotou o presidente daquelas e aspirante á reelección Mehmet Ali Talat; o que podería bloquear as negociacións para a reunificación con Chipre.
• 20 de abril - Unha explosión na plataforma Deepwater Horizon causou unha vertedura de petróleo no golfo de México e ocasionou un dos maiores desastres ambientais na historia dos Estados Unidos.
• 21 de abril - NASA divulga imaxes inéditas da superficie do Sol enviadas polo Solar Dynamics Observatory.
• 23 de abril - Anunciado o primeiro Transplante facial total no mundo que foi realizado en marzo de 2010.
• 25 de abril
  • En Austria celébranse eleccións presidenciais e é reelecto o socialdemócrata Heinz Fischer, cunha gran maioría.
  • En Hungría celébrase a segunda volta das eleccións parlamentarias, que ratifica e amplía a maioría obtida polo Fidesz na primeira volta; polo que o seu líder Viktor Orbán encabezará o próximo goberno.
  • En Cuba celébranse eleccións municipais.
• 26 de abril - Estados Unidos extradita a Francia o ex-dictador panameño Manuel Antonio Noriega (derrocado pola Invasión estadounidense de Panamá de 1989), logo de pasar máis de vinte anos nunha prisión federal estadounidense (máis de 17 anos cumprindo condena por narcotráfico e máis de dous anos e medio á espera da extradición solicitada pola xustiza francesa); en Francia deberá ser sometido a xuízo e podería serlle ratificada unha condena de dez anos de prisión que lle foi ditada en ausencia por lavado de diñeiro relacionado co narcotráfico.

Maio

Imaxe xamais vista antes da superficie solar, enviada pola SDO en abril de 2010.

David Cameron é elixido Primeiro Ministro británico.

• Agudízase a crise en Grecia e ameaza con estenderse ao resto de Europa.
• 1 de maio - Inaugúrase en Shanghai, China, a Exposición Universal que se celebra até o 31 de outubro baixo o lema "Mellor cidade, mellor vida".
• 3 de maio - Continental Airlines e United Airlines anuncian a súa fusión e forman a maior compañía aérea do mundo.
• 5 de maio - Incidentes durante a folga xeral en Grecia en oposición ao plan de axuste proposto polo goberno para enfrontar a crise provocan a morte de 3 persoas a raíz do incendio dunha sucursal bancaria.
• 6 de maio - No Reino Unido celébranse eleccións parlamentarias; o Partido Conservador e o seu líder David Cameron obteñen a vitoria, pero sen alcanzar a maioría absoluta, polo que inician negociacións co Partido Liberal Demócrata (que quedou terceiro nos comicios) para intentar formar un goberno de coalición e garantir así a elección de Cameron como Primeiro ministro.
• 9 de maio - Eleccións departamentais e municipais no Uruguai.
• 10 de maio
  • En Filipinas celébranse eleccións presidenciais; o entón senador Benigno Aquino III (fillo da defunta expresidenta Corazón Aquino) obtivo a vitoria segundo o escrutinio oficial.
  • Prodúcese a maior subida porcentual di IBEX 35, desde a súa creación o 14 de xaneiro de 1992, cunha alza do 14,43%, impulsada polas medidas tomadas pola Unión Europea e o FMI para protexer o euro.
  • Sport Lisboa e Benfica tórnase campión nacional en Portugal.
• 11 de maio
  • David Cameron asume o cargo de Primeiro ministro do Reino Unido, nomeado pola raíña Isabel II.
  • Visita do Papa Bieito XVI a Portugal (Lisboa, Fátima e Porto), até o 14 de maio.
• 12 de maio - Estrélase no aeroporto de Trípoli, Libia, un avión procedente de Xohanesburgo, Suráfrica, morrendo cento tres persoas e salvándose só un neno de dez anos.
• 14 de maio - En España, o xuíz Baltasar Garzón é suspendido en forma cautelar nas súas funcións polo Consello Xeral do Poder Xudicial, despois de que o maxistrado do Tribunal Supremo Luciano Varela acordara a apertura do xuízo oral contra Garzón por presunta prevaricación pola decisión de declararse competente para investigar os crimes da represión franquista desde o seu xulgado da Audiencia Nacional.
• 15 de maio - Incendio no Instituto Butantan, en São Paulo, destrúe 500 mil mostras de animais, a maior colección do mundo de espécimes dunha rexión tropical.
• 17 de maio - Irán, Turquía e o Brasil chegan a acordo sobre troco de combustibles nucleares, dentro do programa nuclear iraniano.
• 20 de maio - Nos Estados Unidos científicos do Instituto J. Craig Venter anuncian a creación da primeira célula sintética con xenes artificiais.
• 21 de maio - Xapón lanza a sonda IKAROS para estudar Venus.
• 22 de maio
  • Na India, estrélase un avión, durante a manobra de aterraxe no aeroporto de Mangalore, falecendo 158 dos seus 166 ocupantes.
  • O Inter de Milán venceu na UEFA Champions League.
• 23 de maio
  • En Etiopía celébranse eleccións parlamentarias, con alta participación e denuncias de irregularidades pola oposición; vislúmbrase unha vitoria do primeiro ministro Meles Zenawi, que sería así reelecto para un novo período á fronte do goberno.
  • O filme tailandés Lung Boonmee raluek chat, do cineasta Apichatpong Weerasethakul, recibe a Palma de Ouro no 63º Festival de Cannes.
• 25 de maio -
  • En Suriname é electo presidente o exdictador e golpista Desiré Bouterse, líder dunha coalición de partidos de esquerda e dereita.
  • A Xunta de Galiza publica no DOG o decreto de plurilingüismo no que limita o ensino en galego a un terzo das horas lectivas.
• 26 de maio - En Mojensho Daro (Paquistán) rexístrase unha marca de temperatura de 53,5 °C (128.3 °F).
• 28 de maio
  • Na India un atentado da guerrilla comunista maoísta ligada ao Movemento naxalita contra un tren de pasaxeiros deixa polo menos 145 mortos; o atentado aconteceu no estado indio de Bengala Occidental.
  • En Paquistán un ataque do grupo terrorista Tehrik e Taliban Pakistan contra dúas mesquitas da seita minoritaria musulmá Ahmadi na cidade de Lahore deixa polo menos 80 mortos.
• 29 de maio - Na República Checa conclúen as eleccións parlamentarias que comezaron o día anterior; os resultados danlle a vitoria aos partidos de centrodereita encabezados polo Partido Democrático Cívico, liderado por Petr Nečas.
• 30 de maio - En Colombia celébranse eleccións presidenciais; o candidato oficialista Juan Manuel Santos obtén o primeiro lugar, cunha maioría superior á que pronosticaban as enquisas, pero por estreita marxe non consegue a maioría absoluta polo que deberá celebrarse unha segunda vuelta.
• 31 de maio
  • En augas internacionais preto da Franxa de Gaza, forzas militares de Israel atacan un convoi de barcos de activistas pro-palestinos que transportaban axuda humanitaria a ese territorio palestino controlado polo grupo Hamas; no ataque morren polo menos 9 activistas por disparos de soldados israelís que alegaban estar sendo atacados polos activistas con risco para a súa vida, mentres a comunidade internacional condena a matanza.
  • En Alemaña renuncia o presidente Horst Köhler debido á polémica polas súas declaracións públicas sobre o papel de Alemaña no conflito de Afganistán.
  • Ferreira Gullar é distinguido co Premio Camões, o máis importante galardón literario da lingua portuguesa.

Xuño

Cumio do G8 en Muskoka, Canadá.

• 1 de xuño - A tormenta tropical Agatha causa graves danos en Guatemala, Honduras e O Salvador e provoca a morte de polo menos 179 persoas.
• 2 de xuño - No Xapón renuncia o primeiro ministro Yukio Hatoyama debido á baixada da súa popularidade nas enquisas e as presións do seu partido.
• 3 de xuño - Astronautas entran nunha cápsula sen xanela, para simular unha viaxe a Marte. Ficaron confinados durante 1 ano e medio, para desenvolver probas da suposta viaxe a Marte en 2020.
• 7 de xuño - En Bhopal (India), un tribunal condena a oito directivos da empresa estadounidense Union Carbide a dous anos de prisión e a pagar uns 10 600 dólares estadounidenses polas súas respectivas responsabilidades no Desastre de Bhopal (un escape de isocianato de metilo gasoso nunha fábrica de pesticidas desa empresa, que causou a morte de máis de 20 000 persoas. A empresa non respondera polos danos causados).
• 9 de xuño - Celébranse eleccións parlamentarias nos Países Baixos; o Partido Popular pola Liberdade e a Democracia (liberal de centrodereita) liderado por Mark Rutte obtén o primeiro lugar cunha diferenza moi estreita en sufraxios e unha vantaxe dun só deputado sobre o Partido do Traballo (socialdemócrata), mentres que o partido Chamada Demócrata Cristiá do actual primeiro ministro Jan Peter Balkenende afúndese nun cuarto lugar. Debido ao lonxe que está calquera partido da maioría absoluta pronostícanse longas negociacións para formar goberno e escoller un novo primeiro ministro.
• 10 de xuño - Cerimonia de abertura da XIX Copa do Mundo de fútbol, en Suráfrica, co show principal de Shakira, cantante do himno oficial do mundial, o "Waka Waka".
• 11 de xuño - Inicio Oficial da Copa Mundial de Fútbol de 2010 en Suráfrica.
• 12 de xuño - En Eslovaquia celébranse eleccións parlamentarias; o partido gobernante Dirección-Socialdemocracia obtén o primeiro posto, pero lonxe da maioría absoluta, e os partidos que foron os seus socios no goberno caen, polo que se dificulta a reelección do primeiro ministro Robert Fico e ábrese a posibilidade dun goberno de centrodereita encabezado por Iveta Radičová.
• 13 de xuño
  • En Bélxica celébranse eleccións parlamentarias; o partido nacionalista flamengo Nova Alianza Flamenga obtén a vitoria na rexión de Flandres e o primeiro lugar a nivel nacional, mentres que en Valonia gaña o Partido Socialista Valón (segundo lugar a nivel nacional). Estes resultados son considerados históricos porque a vitoria dos independentistas flamengos podería motivar o próximo proceso de reforma constitucional cara a independencia de Flandres e a desaparición de Bélxica como país. Mentres tanto prevese que pasen meses para poder formar goberno.
  • En Quirguistán miles de persoas da minoría uzbeka cruzan a fronteira con Uzbekistán fuxindo dos sanguentos enfrontamentos interétnicos entre quirguices e uzbekos no sur do país que deixaron polo menos 97 mortos e ameazan con desencadear unha guerra civil; mentres tanto, o goberno provisional acusa o expresidente derrocado meses atrás, Kurmanbek Bakíev, de estar detrás da vaga de violencia racial.
• 18 de xuño
  • En Quirguistán a Organización das Nacións Unidas cifra nun millón de persoas os afectados pola violencia étnica entre quirguices e uzbekos, mentres que a presidenta provisional do país Rosa Otunbáeva recoñece que poderían ser 2.000 os mortos polo conflito.
  • Morre o escritor portugués José Saramago, único lusófono gañador do Nobel de Literatura.
• 19 de xuño - Acontece o casamento da princesa Vitoria de Suecia co plebeo Daniel Westling.
• 20 de xuño
  • En Colombia celébrase a segunda volta das eleccións presidenciais e resulta gañador o candidato oficialista Juan Manuel Santos cunha maioría esmagadora (é o presidente máis votado na historia de Colombia en termos de cifras absolutas de sufraxios populares).
  • En Polonia celébranse eleccións presidenciais, pero será necesaria unha segunda volta xa que o candidato gañador desta primeira volta, Bronisław Komorowski, non acadou a maioría absoluta.
• 24 de xuño - Apple lanza o iPhone 4.
• 25, 26 e 27 de xuño - No Canadá celébranse dous importantes encontros internacionais, ambos na provincia de Ontario: o 36º Cumio do G8 na rexión de Muskoka (25 e 26 de xuño), e o cuarto cumio do G20 en Toronto (26 e 27 de xuño)
• 26 de xuño
  • Terremoto de 5,8 graos na escala Richter abala augas no sur da Illa de Xava en Indonesia, sen darse tsunamis.
  • Eclipse lunar parcial.

Xullo

• 1 de xullo
  • Bélxica toma o relevo de España na presidencia de quenda semestral á fronte da Unión Europea.
  • En Paquistán dous suicidas cometen un atentado terrorista contra un importante santuario islámico sufí na cidade de Lahore, deixando polo menos 43 mortos.
• 4 de xullo - En Polonia celébrase a segunda volta das eleccións presidenciais; o liberal de centrodereita Bronisław Komorowski obtén a vitoria cunha marxe máis axustada da agardada.
• 7 de xullo - O gardameta Bruno do Flamengo é preso no Río de Janeiro acusado de matar a súa exparella na súa casa en Esmeraldas, Minas Gerais: Caso Eliza Samudio.
• 8 de xullo - Viroloxistas tiveron avances para unha vacina contra a sida, a través de anticorpos denominados VRC01 e VRC02 que impiden a infección de células en máis do 90% das variedades do VIH.
• 9 de xullo - En Paquistán o grupo terrorista Tehrik e Taliban Pakistan comete o atentado máis sanguento no país desde o ano pasado cando os membros dun comando fan detonar unha ou varias bombas no medio dun mercado preto dun edificio gobernamental no distrito de Mohmand, na conflitiva rexión das Áreas Tribais Administradas Federalmente, preto da cidade de Peshawar; houbo polo menos 102 mortos.
• 10 de xullo
  • A sonda Rosetta sobrevoa o asteroide (21) Lutetia.
  • Millón e medio de persoas maniféstase en Barcelona en defensa do Estatut.
• 11 de xullo
  • En Uganda polo menos 74 persoas falecen en dous atentados con bombas, na cidade capital de Kampala, mentres observaban a final do Campionato Mundial de Fútbol de Suráfrica; os atentados foron cometidos polo grupo terrorista somalí Al-Shabbaab, unha organización islamista ligada a Al Qaeda, que se vingaba así de Uganda pola participación das súas forzas militares na forza multinacional africana que axuda o goberno de Somalia na súa loita contra Al-Shabbaab e outros grupos insurxentes.
  • Eclipse total de sol visible no océano Pacífico sur e parte de Suramérica.
  • Finaliza a Copa Mundial de Fútbol de 2010, España campioa por primeira vez, Holanda subcampioa.
  • O xogador de fútbol Diego Forlán do Uruguai é electo o mellor xogador da XIX Copa do Mundo en Suráfrica.
• 13 de xullo - Fin das extensións do Windows 2000, de Microsoft.
• 15 de xullo
  • BP anuncia ter conseguido estancar temporalmente o derramo de petróleo resultante da explosión da plataforma Deepwater Horizon, no golfo de México.
  • A Arxentina convértese no primeiro país de América Latina en aprobar o matrimonio homosexual.
• 16 de xullo - Entrou en vigor unha lei no Estado do Río de Xaneiro no Brasil que substitúe as bolsas de supermercado por bolsas retornables.
• 18 de xullo - A partir deste ano, a ONU estabelece este día como o Día Internacional de Nelson Mandela, dedicado ao "activismo".
• 23 de xullo - O programa televisivo británico The X Factor forma a boyband británico-irlandesa One Direction, conformada por Niall Horan, Zayn Malik, Liam Payne, Harry Styles e Louis Tomlinson. O seu mentor é Simon Cowell.
• 24 de xullo - Unha desbandada no Love Parade deixa polo menos 19 mortos e máis de 100 feridos.
• 28 de xullo - O Parlamento de Cataluña prohibe que a partir do 1 de xaneiro de 2012 se celebren corridas de touros en todo o territorio autonómico.

Agosto

Foi anunciado a fin da epidemia da Gripe A (H1N1).

• 5 de agosto - Prodúcese unha derruba nunha mina situada cerca da cidade de Copiapó, Atacama, Chile, quedando atrapados trinta e tres mineiros a setecentos metros de profundidade.
• 7 de agosto - En Colombia toma posesión o presidente Juan Manuel Santos.
• 10 de agosto - Margaret Chan, directora xeral da Organización Mundial da Saúde, anunciou a fin da pandemia de Gripe A (H1N1), tras 18 mil casos fatais desde 2009.
• 12 de agosto - Rexístrase un sismo de 7,2 graos na escala de Richter no oriente de Ecuador. Debido a que a profundidade foi de 235 km, non houbo un desastre, tan só feridos e danos leves. Porén, o terremoto foi considerado un dos máis fortes dos últimos anos.
• 12 de agosto - No Suriname o ex-ditador e golpista Dési Bouterse asume a presidencia.
• 14 de agosto - Comenzan os I Xogos Olímpicos da Xuventude, realizados en Singapur.
• 18 de agosto - O Sport Club Internacional conquista a Copa Libertadores por segunda vez.
• 19 de agosto - Estados Unidos retira, dúas semanas antes do previsto, a maior parte das súas tropas de combate de Iraq no que se considera a fin da Guerra de Iraq.
• 21 de agosto - En Australia celébranse eleccións parlamentarias; nin o oficialista Partido Laborista Australiano (socialdemócrata) nin a coalición opositora formada polo Partido Liberal de Australia e o Partido Nacional de Australia (centrodereita) lograron a maioría absoluta. Os laboristas lograrían posteriormente formar un goberno de minoría co apoio de deputados independentes.
• 23 de agosto - A mexicana Ximena Navarrete gañadora do concurso Miss Universo 2010.
• 26 de agosto - Finalizan os I Xogos Olímpicos da Xuventude, China obtivo o primeiro posto con 30 medallas de ouro, 16 de prata e 5 de bronce.
• 30 de agosto - O furacán Earl azouta as Illas de Sotavento.
• 31 de agosto - Estados Unidos retira os seus últimos efectivos de combate de Iraq e pon fin oficialmente á súa misión de combate na guerra que se libra nese país; permanecerán cincuenta mil efectivos militares estadounidenses en misións de intelixencia e apoio loxístico e de adestramento das forzas de seguridade iraquís.

Setembro

• 5 de setembro - ETA anuncia nun comunicado na BBC a través dun vídeo un cesamento das "accións armadas ofensivas".
• 7 de setembro - O pastor americano Terry Jones ameazou con queimar o Alcorán para marcar o aniversario do atentado das torres xemelgas.
• 12 de setembro - En Santiago, Chile, despois dunha remodelación reinaugúrase o ex Estadio Nacional de Chile pasándose a chamar Estadio Nacional de Chile Julio Martínez Prádanos na honra de Julio Martínez Prádanos.
• 18 de setembro - En Afganistán celébranse eleccións parlamentarias; ensombrecidas pola escasa participación do electorado, denuncias de fraude electoral en todo o país e ataques terroristas do movemento Talibán que buscaba sabotar o proceso electoral e que deixaron polo menos 14 mortos.
• 19 de setembro
  • En Suecia celébranse eleccións parlamentarias; a coalición de centro-dereita no poder liderada polo primeiro ministro Fredrik Reinfeldt obtén a vitoria, non conseguindo unha maioría absoluta por pouco. O opositor Partido Socialdemócrata Sueco obtén un dos peores resultados da súa historia e o partido de extrema dereita Demócratas Suecos experimenta un forte avance, que lle permite entrar no Parlamento cunha gran representación e converterse en árbitro da situación política do país.
  • A televisión brasileira conmemora 60 anos.
• 21 de setembro - A Wikipedia francófona convértese na 3º Wikipedia en pasar o millón de artigos.
• 23 de setembro - En Colombia membros do Exército e a Policía matan a "Mono Jojoy", líder das FARC. (Véxase Operación Sodoma).
• 24 de setembro - Bicentenario da Primeira Reunión das Cortes Xerais Españolas en San Fernando (Cádiz), encargadas de redactar a Constitución española de 1812.
• 26 de setembro - Eleccións parlamentarias en Venezuela para elixir deputados da Asemblea Nacional.
• 29 de setembro - Convócase unha folga xeral en España polas dúas principais centrais sindicais, Comisións Obreiras e Unión Xeral de Traballadores contra a reforma laboral e a reforma das pensións adoptadas polo goberno de Zapatero.
• 30 de setembro - Crise política de Ecuador de 2010.

Outubro

Rescate dos mineiros de Chile.

• 3 de outubro
  • Faise público o descubrimento do primeiro planeta extrasolar con condicións habitables, o Gliese 581 c, situado a 20 anos luz da Terra.
  • Eleccións presidenciais no Brasil.
• 4 de outubro - Onda tóxica de lodo atinxe os afluentes do río Danubio, en Hungría.
• 10 de outubro - Disólvense as Antillas Neerlandesas.
• 12 de outubro - Inicio da viaxe inaugural do MS Queen Elizabeth.
• 13 de outubro - Finaliza con éxito o rescate dos trinta e tres mineiros atrapados, desde hai sesenta e nove días, na Mina San José, en Chile.
• 15 de outubro - O presidente do goberno español José Luis Rodríguez Zapatero alcanza un pacto parlamentario co PNV e con Coalición Canaria para o resto da lexislatura.
• 17 de outubro - O Papa Bieito XVI realiza a canonización da australiana Mary MacKillop.
• 20 de outubro - É asesinado na Arxentina o militante do Partido Obrero Mariano Ferreyra nunha manifestación de traballadores ferroviarios.
• 21 de outubro - Toma posesión en España o novo goberno nomeado por José Luis Rodríguez Zapatero, no que Alfredo Pérez Rubalcaba asume a vicepresidencia.
• 22 de outubro - WikiLeaks revela informes sobre delitos e faltas cometidos polas Forzas Armadas dos Estados Unidos na Guerra de Iraq.
• 25 de outubro - Prodúcese un terremoto de 7,7 graos na escala Richter en Indonesia, provocando un tsunami con ondas de até 3 metros de altura, que provocou máis de 300 mortos.
• 26 de outubro - O volcán Merapi entra en erupción provocando unha evacuación de 14 mil persoas e máis de 300 mortos.
• 27 de outubro - Morre Néstor Kirchner, 51° presidente da Arxentina.
• 31 de outubro - Segunda quenda das eleccións presidenciais no Brasil, Dilma Rousseff é electa a primeira muller presidente no Brasil co 56% dos votos.

Novembro

• 1 de novembro - Aparece morto o mozo colombiano Luis Andrés Colmenares, o que dá inicio ao Caso Colmenares.
• 4 de novembro - O voo 883 de Aero Caribbean cae en Cuba, falecendo os seus 68 pasaxeiros.
• 11 de novembro a 12 de novembro - Realízase o cumio do G-20 en Seúl, Corea do Sur. Corea convértese no primeiro país non pertencente ao G8 en albergar un cumio dos líderes do G-20.
• 13 de novembro - A opositora birmana Aung San Suu Kyi é liberada do seu arresto domiciliario desde 1989.
• 17 de novembro - Investigadores do CERN atrapan 38 átomos de antihidróxeno unha sexta parte de segundo, sendo a primeira vez na historia que os humanos atrapan antimateria.
• 19 de novembro - Explosión nunha mina de Nova Zelandia deixa 29 mineiros soterrados.
• 20 de novembro - Encontro da OTAN en Lisboa.
• 21 de novembro
  • Comeza unha onda de actos de violencia organizada na Rexión Metropolitana do Río de Xaneiro.
  • A Eurozona acepta un plan de rescate para a República de Irlanda do Fondo Europeo de Estabilidade Financeira en resposta á crise financeira do país.
• 22 de novembro - Filtración de documentos diplomáticos dos Estados Unidos por WikiLeaks.
• 23 de novembro - Corea do Norte bombardea a illa Yeonpyeong na Corea do Sur.
• 24 de novembro - Os mineiros soterrados na explosión da mina de Nova Zelandia son dados como mortos.
• 29 de novembro a 10 de decembro- XVI Conferencia sobre Cambio Climático en Cancún, México, tamén coñecida como 16.º Cumio do Clima ou COP 16 (16.ª Conferencia das Partes da Convención Marco das Nacións Unidas sobre o Cambio Climático), que serve tamén como 6.ª Conferencia das Partes do Protocolo de Kyoto.

Decembro

Wikileaks revela ao mundo os cables diplomáticos dos Estados Unidos.

• 2 de decembro
  • A FIFA anuncia as próximas sedes dos mundiais de 2018 e 2022, que será en Rusia e Qatar respectivamente.
  • Científicos da NASA descobren unha bacteria capaz de sintetizar arsénico, un elemento químico que se cría que era velenoso para calquera forma de vida.
• 4 de decembro
  • En España o goberno declara o estado de alarma polo abandono dos seus postos de traballo dos controladores aéreos.
  • Brasil recoñece o Estado palestino coas súas fronteiras de 1967.
• 5 de decembro
  • En Bello, un alude sepultou 82 persoas nunha comuna e deixou 225 damnificadas polo inverno na rexión.
  • O Fluminense Football Club é tricampión brasileiro de fútbol.
• 10 de decembro - En Liubertsi, a 20 km de Moscova (Rusia), o astrónomo afeccionado Leonid Elenin descobre o cometa C/2010 X1, que será chamado cometa Elenin.
• 11 de decembro - Dúas bombas explotan en Estocolmo, Suecia, matando o agresor e ferindo outras dúas persoas.
• 13 de decembro - Saen no Brasil novos billetes de 50 e de 100 reais.
• 14 de decembro - É lanzado mundialmente o primeiro CD póstumo do cantante Michael Jackson, chamado Michael.
• 16 de decembro - A Cámara de Representantes dos Estados Unidos aprueba a derogación da lei 'Don't ask, don't tell'
• 17 de decembro
  • Montenegro é aceptado como candidato para entrar na Unión Europea.
  • En Tunisia comeza a Revolución tunisiana, cando o mozo Mohamed Bouazizi se queima ao bonzo como protesta, provocando que en días posteriores se iniciaran unha serie de fortes protestas por todo o país. O movemento tamén sería mecha para que o mundo árabe iniciara unha serie de protestas en 2011.
• 18 de decembro - O Inter de Milán vence no Mundial de Clubs derrotando na final o TP Mazembe por 3 a 0.
• 20 de decembro - Europa enfróntase a un temporal de frío e neve. Gran Bretaña queda illada do tráfico aéreo.
• 21 de decembro - Eclipse lunar total (Eclipse lunar de decembro de 2010).
• 25 de decembro - Prodúcense sendos terremotos en Vanuatu, de 7,5 graos, e en Porto Rico, de 5,4 graos, ambos sen producir vítimas.
• 26 de decembro - En Bolivia coa aprobación dun decreto promulgado polo goberno de Evo Morales prodúcese a nivelación no prezo dos carburantes en Bolivia xurdindo fortes demandas por parte da poboación.

2011

Artigo principal: 2011.

Xaneiro

Toma de posesión de Dilma Rousseff en Brasilia.

Revolución dos Xasmíns en Tunisia.

Caricatura do efecto dominó creado pola Crise Política de Tunisia no mundo árabe.

• 1 de xaneiro
  • Comeza a presidencia húngara da Presidencia do Consello da Unión Europea.
  • Estonia únese á Eurozona, adoptando así o euro como moeda oficial.
  • Dilma Rousseff toma posesión como presidenta do Brasil, a primeira muller en tal cargo.
  • Bonaire, Saba e Sint Eustatius adoptan o dólar estadounidense como moeda oficial.
  • Entran en dominio público en Portugal e o Brasil as obras de Selma Lagerlöf, Walter Benjamin e F. Scott Fitzgerald.
  • Portugal, xuntamente con Alemaña, convértense en membros non permanentes do Consello de Seguridade das Nación Unidas para o bienio de 2011-2012.
  • Terremoto de magnitude 6,9 na escala Richter atinxe Arxentina.
  • Un atentado contra a igrexa copta no Exipto deixa 21 mortos e 43 feridos.
• 2 de xaneiro
  • En España entra en vigor a Nova Lei Antitabaco, que prohibe fumar en calquera espazo público pechado.
  • Conxunción entre Xúpiter e Urano.
• 3 de xaneiro
  • Distancia mínima da Terra e o Sol, 147 105 562 km
  • Até estes días Australia sofre as peores inundacións desde hai 100 anos, deixando unhas 12 vítimas mortais, miles de desaparecidos e, como mínimo, 3.600 refuxiados en centros de evacuación.
  • Terremoto de magnitude 7,1 na escala Richter, atinxe Chile.
  • Terremoto de magnitude 5,7 na escala Richter sacode Indonesia.
• 4 de xaneiro - Eclipse de sol parcial, visible en Europa, norte de África e oeste de Asia.
• 8 de xaneiro - En Casas Adobes, Arizona, a congresista estadounidense Gabrielle Giffords resulta ferida grave, cando un home tirotea a varias persoas matando polo menos seis, entre elas, o xuíz federal John McCarthy Roll.
• 9 de xaneiro - Sudán do Sur empeza un referendo para independencia que remata o 15 de xaneiro.
• 11 de xaneiro - Os asolagamentos e corrementos de terras provocan máis de 800 mortos no estado do Río de Xaneiro, Brasil.
• 12 de xaneiro - En Chile, prodúcense protestas na rexión de Magallanes, especificamente en Punta Arenas, pola alza do gas por parte do goberno de Chile.
• 14 de xaneiro - Cae derrocado o goberno de Tunisia tras un mes de violentas protestas da poboación. O presidente Zine El Abidine Ben Ali foxe do país e o primeiro ministro Mohamed Ghannouchi asume a presidencia provisionalmente co apoio do Exército.
• 15 de xaneiro
  • Cúmprense 10 anos da Wikipedia (na versión en inglés).
  • En Tunisia é nomeado presidente interino o até daquelas presidente do Parlamento Fouad Mebazaa, co que se confirma a caída de Ben Ali (exiliado en Arabia Saudita).
• 19 de xaneiro - Terremoto de magnitude 7,2 na escala Richter atinxe o suroeste do Paquistán, non houbo vítimas.
• 22 de xaneiro
  • A Revolución dos Xasmíns de Tunisia crea unha inestabilidade política rexional e ameaza con derribar algunhas ditaduras do norte de África e Medio Oriente.
  • O efecto dominó da Revolución Tunesina chega a Marrocos, Alxeria, Exipto e o Iemen.
• 23 de xaneiro
  • A rebelión en Tunisia esténdese a Exipto con fortes protestas.
  • Eleccións presidenciais en Portugal, sendo reelecto Aníbal Cavaco Silva para un segundo mandato.
• 24 de xaneiro - Polo menos 36 mortos e máis de 100 feridos nun atentado con bomba no Aeroporto Internacional de Domodedovo, en Moscova, Rusia.
• 25 de xaneiro - A familia do presidente exipcio Hosni Mubarak foxe do país no medio das fortes protestas.
• 28 de xaneiro - O «Venres da Ira» en Exipto. Convócanse un millón de mozos ás rúas pola revolución. O fillo do presidente Mubarak foxe do país.

Febreiro

Vista da Catedral de Christchurch despois do sismo do 22 de febreiro.

• 2 de febreiro
  • O Museo Exipcio do Cairo é albo de ataques vandálicos por parte dos manifestantes anti-Mubarak. Rexistráronse incendios nos xardíns do museo e un total de 70 pezas arqueolóxicas danadas.
  • Publícase a primeira edición de The Daily, o primeiro periódico deseñado exclusivamente para a súa visualización no iPad.
  • Descubrimento do sistema planetario Kepler-11.
• 3 de febreiro - Comeza o Ano Novo Chinés.
• 4 de febreiro - Protocolo IPv4 esgótase e será substituído polo IPv6 que é capaz de xerar 340 decillóns de combinacións.
• 11 de febreiro - Triunfo da Revolución Exipcia despois de dezaoito días de violentas protestas, Hosni Mubarak renuncia á presidencia do país e deixa o poder en mans das Forzas Militares.
• 13 de febreiro - 53º edición dos Grammy Awards.
• 16 de febreiro - Na cidade mexicana de Guadalajara, incéndiase un hotel en construción pertencente á cadea española Riu, rexistrándose un saldo de 2 traballadores mortos e 27 feridos
• 21 de febreiro - En Libia a rebelión popular contra o réxime de Muammar al-Gaddafi, que leva xa varios días, agrávase e parece converterse nunha guerra civil cando se informa de que a aviación militar leal ao réxime bombardeou os manifestantes opositores na capital Trípoli causando polo menos 250 mortos e que unidades do Exército libio se sublevaran uníndose aos rebeldes na cidade de Bengasi e combatendo contra as unidades de elite leais ao réxime.
• 22 de febreiro
  • En Christchurch (Nova Zelandia) prodúcese un terremoto de magnitude 6.3, deixando 113 vítimas fatais, 2500 feridos e 228 desaparecidos.
  • En Libia o país achégase ao caos cando Muammar al-Gaddafi ameaza con masacrar os manifestantes rebeldes nun discurso por televisión, intensificando así a matanza indiscriminada con bombardeos e tiroteos, mentres o seu até daquelas Ministro do Interior se une á revolución contra Gaddafi e fai un chamamento ao Exército para que se una aos rebeldes.
• 23 de febreiro - En Libia consolídase o control das forzas rebeldes sobre as rexións do leste do país, e máis unidades das Forzas Armadas pásanse ao bando rebelde; mentres Gaddafi e os seus leais atrinchéiranse en Trípoli nunha nova escalada do conflito.
• 27 de febreiro - No Teatro Kodak dos Ánxeles (Estados Unidos) realízase a entrega dos Premios Óscar de 2010, para premiar o mellor da industria cinematográfica de Hollywood durante o ano 2010. The King's Speech obtén o Óscar ó mellor filme.

Marzo

• 2 de marzo - Apple Inc. lanza o iPad 2, a segunda xeración de seu tablet.
• 8 de marzo
  • A Galipedia cumpre 8 anos de historia.
  • 10 persoas morreron e 110 ficaron feridas durante conflitos relixiosos entre musulmáns e cristiáns coptos no Exipto.
• 11 de marzo - O terremoto de Sendai, de 9,0 graos, e o posterior tsunami, provocan milleiros de mortes e inmensas perdas materiais, incluídos danos en centrais nucleares, producíndose os accidentes nucleares de Fukushima I.

Sendai despois do Terremoto do Xapón do 2011.

• 17 de marzo - O Consello de Seguridade das Nacións Unidas aproba unha zona de exclusión aérea sobre Libia. Francia anuncia unha intervención aérea contra as forzas de Gaddafi.
• 18 de marzo
  • A misión espacial MESSENGER entra en órbita arredor de Mercurio.
  • A misión New Horizons alcanza a órbita de Urano despois dunha viaxe de 5 anos.
• 19 de marzo
  • Unha alianza de países, amparados pola Resolución 1973 do Consello de Seguridade das Nacións Unidas, ataca en Libia as forzas de Gaddafi.
  • Exipto celebra un referendo constitucional. Gaña o «si» co 77,27% dos votos.
  • Despois de 18 anos, a Lúa chega ao seu perixeo (superlúa), o seu punto máis próximo da Terra, fenómeno acontecido por última vez en marzo de 1993.
• 23 de marzo - En Portugal, José Sócrates dimite como primeiro ministro ao non conseguir apoio para o novo plan de recortes consensuado coa Unión Europea.
• 31 de marzo - En Costa do Marfil as forzas rebeldes que apoian o presidente electo Alassane Ouattara cercan a capital controlada polas forzas leais ao presidente saínte Laurent Gbagbo, e Ouattara ameaza cun baño de sangue se Gbagbo non se rende.

Abril

• 2 de abril - En España, o presidente do goberno José Luis Rodríguez Zapatero anuncia que non se presentará ás eleccións xerais de 2012, pedíndolle ao partido que convoque primarias para elixir o candidato despois das eleccións municipais do 22 de maio.
• 2 e 3 de abril - En Chile realízase o festival Lollapalooza.
• 4 de abril - Un terremoto de 7.2 graos sacode Mexicali (Baixa California, México).
• 7 de abril
  • Mahamadou Issoufu toma posesión como presidente de Níxer
  • Asasinato en masa nunha escola municipal de Río de Xaneiro, perpetrado por un exalumno, que resulta na morte de 12 adolescentes. O episodio ficou coñecido como Masacre de Realengo.
• 8 de abril - Portugal pide o rescate do fondo financeiro da Unión Europea, no que tamén participará o Fondo Monetario Internacional.
• 10 de abril - No Perú celébranse as eleccións xerais.
• 11 de abril
  • En Costa do Marfil as forzas rebeldes que apoian o presidente electo Alassane Ouattara, con apoio de forzas militares francesas, arrestan o presidente saínte Laurent Gbagbo, póndolle fin aparentemente á Segunda guerra civil de Costa do Marfil.
  • Atentado bomba nun metro na cidade de Minsk, Belarús mata 12 persoas e deixa 204 feridos.
• 16 de abril - En Nixeria celébranse eleccións presidenciais, que son gañadas por ampla marxe polo presidente saínte e candidato a reelección Goodluck Jonathan.
• 17 de abril - En Finlandia celébranse eleccións parlamentarias.
• 19 de abril - En Cuba, o presidente Fidel Castro renuncia de maneira definitiva. Seu irmán Raúl Castro convértese no primeiro secretario do Partido Comunista de Cuba.

Lugar do atentado do 28 de abril.

• 28 de abril - Atentado en Marrakech (Marrocos) ocasionando a morte de 17 persoas.

O Príncipe Willian e Kate bicándose tras o seu casamento.

• 29 de abril - Casamento real do Príncipe William e Kate Middleton.

Maio

• 1 de maio
  • Beatificación de Xoán Paulo II.
  • Foi encontrada a primeira caixa negra do voo 447.
• 2 de maio
  • Foi encontrada a segunda caixa preta do voo 447.
  • Estados Unidos de América anuncia a morte de Osama bin Laden nun tiroteo en Paquistán debido a un asalto de tropas de elite estadounidenses.
  • No Canadá celébranse eleccións parlamentarias e o primeiro ministro Stephen Harper é reelecto ao obter o seu partido a maioría absoluta.
• 5 de maio - No Reino Unido celébranse eleccións rexionais e municipais, e un referendo para consultar a aprobación dunha reforma do sistema electoral parlamentario para pasar do tradicional sistema uninominal por maioría simple ou relativa e unha soa volta a outro máis proporcional coas minorías; a reforma é rechazada por esmagadora maioría popular.
  • Supremo Tribunal Federal recoñece, por unanimidade, os dereitos das parellas gais no Brasil e é permitida a unión estable entre homosexuais.
• 6 de maio - No País Vasco, o partido político Bildu, relacionado coa esquerda abertzale, poderá concorrer ás eleccións municipais despois de que o Tribunal Constitucional ratificase as súas listas.
• 7 de maio - Nas illas Canarias conclúe a III Edición da ultramaratón de montaña da illa de La Palma, a Transvulcania e Miguel Heras consegue o novo récord desta carreira.
• 9 de maio - En Grecia, a crise financeira da débeda soberana acrecéntase ante os rumores dun novo rescate. As bolsas de toda Europa baixan ante a incerteza.
• 10 de maio - Última misión do Space Shutlle Endeavour con acoplaxe na ISS para instalar o espectrómetro Alfa para investigar a materia negra do espazo.
• 11 de maio - En Lorca rexístranse dous terremotos, de 4,4 e 5,2 graos na escalade Richter. Provocan 9 mortos, importantes danos materiais e a evacuación de 20 000 persoas.
• 12 de maio
  • John Demjanjuk é condenado polo tribunal alemán pola morte de máis de 28 mil xudeus na Alemaña Nazi.
  • Comezan os protestas por mellorías na educación no Chile.
• 13 de maio - En Charsadda (Paquistán), o grupo terrorista Tehrik-i-Taliban Pakistan realiza atentados terroristas en represalia pola morte de Bin Laden. Polo menos 88 mortos.
• 14 de maio
  • En Nova York, a policía local detén o francés Dominique Strauss-Kahn (director xerente do Fondo Monetario Internacional), por delitos sexuais (entre eles intento de violación) contra a empregada dun hotel.
  • Final da LVI Edición do Festival de Eurovisión en Düsseldorf (Alemaña). Gaña o grupo de Acerbaixán Eldar Gasimov e Nigar Jamal que lle dá a primeira vitoria ao país no festival.
• 15 de maio - Manifestacións do movemento Democracia Real Xa en toda España.

  

  Manifestación do 15 de maio na Porta do Sol en Madrid.

• 16 de maio
  • O Fiscal Xefe da Corte Penal Internacional, Luis Moreno Ocampo, solicita aos maxistrados desa corte unha orde de arresto internacional contra o líder libio Muammar al-Gaddafi, un dos seus fillos e o xefe da intelixencia libia por delitos de lesa humanidade contra o pobo libio.
  • En Italia conclúe a primeira rolda das eleccións municipais parciais.
  • O Transbordador Espacial Endeavour engala na súa vixésima quinta e derradeira misión espacial.

    

    Engalaxe do transbordador Endeavour.

• 18 de maio - Na provincia arxentina de Río Negro, o voo 5428 de Sol Líneas Aéreas estrélase causando 22 muertos.
• 20 de maio - O programa de La Sexta, Sé lo que hicisteis..., tras máis de cinco anos en antena, emitía o seu programa número 1010, o último.
• 21 de maio - O volcán Grímsvötn entra en erupción en Islandia.
• 22 de maio - En España celébranse eleccións autonómicas e municipais.
• 25 de maio
  • No Iemen a crise política pola rebelión popular contra o presidente Ali Abdullah Saleh sofre unha grave escalada e ameaza converterse nunha guerra civil cando se libran violentos combates na capital Sana entre as forzas de seguridade leais ao goberno e milicias tribais partidarias da oposición, ocupando estas últimas varias sedes do goberno.
  • En Estados Unidos finaliza o programa The Oprah Winfrey Show, despois de permanecer 25 anos en emisión.
• 26 de maio - En Serbia é arrestado Ratko Mladić, o último dos máis importantes criminais de guerra das Guerras Iugoslavas que quedaba en liberdade; espérase a súa entrega ao Tribunal Penal Internacional para a ex Iugoslavia para ser xulgado por crimes contra a humanidade.
• 28 de maio
  • En Londres, Inglaterra, o Fútbol Club Barcelona gaña a súa cuarta Liga de Campións da UEFA ante o Manchester United no Wembley Stadium.
• 28 de maio - Alfredo Pérez Rubalcaba é elixido candidato do PSOE á presidencia do goberno, días despois da renuncia de Carme Chacón a presentarse ás primarias que debían celebrarse.
• 29 de maio - Crise do cogombro de 2011. En Alemaña aparecen casos de infección por Escherichia coli. As autoridades xermanas culpan unha partida de cogombros proveniente de España, o que provoca unha crise do sector agrícola en España.
• 30 de maio - En Italia conclúe a segunda rolda das eleccións municipais parciais.

Xuño

• 1 de xuño
  • Eclipse solar parcial no Ártico.
  • Mobilización estudantil en Chile de 2011: primeira gran paralización nacional. En Santiago, a marcha concentra case 20 mil persoas.
• 2 de xuño - Eduardo Souto de Moura recibe o premio Pritzker en Washington, D.C.
• 3 de xuño - No Iemen o presidente Ali Abdullah Saleh resulta ferido nun ataque das forzas rebeldes tribais contra o Palacio Presidencial, en medio do recrudecemento dos combates.
• 4 de xuño
  • Volcán chileno Puyehue entra en erupción. As cinzas chegaron á cidade arxentina de Bariloche.
• 5 de xuño
  • Portugal celebra eleccións parlamentarias anticipadas para elixir o goberno; a centro-dereita do Partido Socialdemócrata obtén unha ampla vitoria, polo que o seu líder Pedro Passos Coelho será primeiro ministro.
  • Segunda volta das eleccións presidenciais do Perú. O vencedor é Ollanta Humala.
  • En Macedonia do Norte celébranse eleccións parlamentarias anticipadas; triunfa a centro-dereita do partido VMRO-DPMNE, liderado polo primeiro ministro Nikola Gruevski.
  • O presidente do Iemen, Ali Abdullah Saleh viaxa a Arabia Saudita para tratamento médico debido ao ataque no palacio presidencial e transfírelle o poder ao seu Vicepresidente, Abd al-Rab Mansur al-Hadi.
• 7 de xuño - Ocorre a maior erupción solar rexistrada pola NASA. Especialistas dixeron que esa radiación non afectaría o planeta.
• 9 de xuño
  • Desde a Base Vandenberg en Santa Bárbara, California, a NASA e a CONAE pon en órbita o satélite arxentino SAC-D Aquarius, que medirá a salinidade de todos os océanos do planeta.
• 12 de xuño - En Turquía celébranse eleccións parlamentarias e o primeiro ministro islamista moderado Recep Tayyip Erdoğan é reelecto ao obter o Partido da Xustiza e o Desenvolvemento maioría absoluta. Con todo, non chegou á maioría necesaria para cambiar a Constitución do país sen ter que chegar a acordos coa oposición.
• 13 de xuño - En Italia os electores derogan en referendos varias normas, entre elas a que pretendía reimplantar a enerxía nuclear no país e a que lle brindaba inmunidade xudicial ao primeiro ministro.
• 15 de xuño - Eclipse lunar total, visible principalmente en África, a India, e Oriente Medio.
• 16 de xuño - Mobilización estudantil en Chile de 2011: outra gran xornada de mobilizacións no país. En Santiago prodúcese a maior concentración civil desde o retorno á democracia, con entre 80 e 130 mil manifestantes nas rúas.
• 19 de xuño - En España realízase unha convocatoria de manifestacións de Democracia Real Xa! e o Movemento 15-M.
• 21 de xuño - Pedro Passos Coelho toma posesión como primeiro ministro de Portugal.
• 24 de xuño - Croacia entra na Unión Europea.
• 26 de xuño
  • Na Arxentina, descende por primeira vez na súa historia o Club Atlético River Plate á Primeira B Nacional.
  • Inicio da VI Copa do Mundo de Fútbol Feminino en Alemaña.
• 27 de xuño
  • A Corte Penal Internacional ordena o arresto xudicial preventivo do líder libio Muammar al-Gaddafi, dun dos seus fillos e do xefe da intelixencia militar libia (cuñado de Gadafi) por delitos de lesa humanidade contra o pobo libio.
  • En Camboxa iníciase ante o Tribunal de Camboxa (unha corte especial con apoio internacional) o xuízo contra os líderes sobreviventes do movemento comunista maoísta dos Khmer vermellos polo xenocidio camboxano no que foron asasinadas até 2 millóns de persoas.
• 28 de xuño - Google lanza a súa rede social Google Plus nunha fase preliminar de probas.
• 29 de xuño - Grecia vota un paquete de medidas para evitar a quebra económica. O país encóntrase sumido en protestas.
• 30 de xuño - Prodúcese a segunda gran protesta das mobilizacións estudantís en Chile, reunindo entre 80 e 200 mil persoas.

Xullo

A Oficina do Primeiro Ministro Noruegués atacada durante os atentados de xullo de 2011.

Edificio destruído tras os disturbios de Londres.

• 1 de xullo
  • Marrocos realiza un referendo para aprobar unha reforma constitucional que diminúe o poder do rei, cedéndollo ao Primeiro Ministro, e que daría liberdade relixiosa á poboación, entre outros asuntos. Gañou o si, cunha ampla participación.
  • En España, a policía realiza a Operación Saga contra a SGAE. Detén o director Teddy Bautista e 8 directivos por delitos societarios e de apropiación indebida.
  • Inicia a Copa América de Fútbol na Arxentina.
  • Inicia a presidencia de Polonia na Unión Europea.
  • Eclipse solar parcial ao largo da costa da Antártida.
• 2 de xullo - Casamento do príncipe Alberte de Mónaco con Charlene Wittstock.
• 3 de xullo - En Tailandia celébranse eleccións parlamentarias e triunfa o partido Puea Thai con maioría absoluta, polo que a súa candidata Yingluck Shinawatra será primeira ministra.
• 5 de xullo
  • A axencia de clasificación de risco Moody's baixa a nota da débeda portuguesa de Baa1 ao Ba2, o que supón unha perda de confianza dos mercados nos bonos de débeda pública portuguesa, agravando aínda máis a crise que sofre o país.
  • Detéctase o roubo do Códice Calixtino, dos arquivos da Catedral de Santiago.
• 6 de xullo - É decidida a cidade sede dos Xogos Olímpicos de Inverno de 2018 polo Comité Olímpico Internacional en Durban, Suráfrica. A cidade escollida foi Pyeongchang, Corea do Sur.
• 7 de xullo
  • En Londres, o periódico sensacionalista News of the World anuncia que, debido a un escándalo de escoitas telefónicas, cesa a súa actividade. Iníciase así unha tormenta política que salpica Scotland Yard e o goberno do Reino Unido.
  • En Lyubertsy, a 20 km de Moscova (Rusia), o astrónomo afeccionado ruso Leonid Elenin (1981–, descubridor en 2010 do cometa Elenin) descobre o cometa P/2011 NO1.
• 9 de xullo - Sudán do Sur declara a súa independencia.
• 10 de xullo - Iníciase a 14.ª Gymnaestrada Mundial en Lausana, Suíza, con 55 países dos 5 continentes.
• 11 de xullo - Inaugurada a cidade de Kilamba, na Provincia de Luanda, en Angola.
• 13 de xullo - Un avión LET L-410, da NOAR Linhas Aéreas cae no Recife, minutos despois de saír do Aeroporto dos Guararapes, matando as 16 persoas a bordo.
• 15 de xullo - Italia aproba un plan de axuste de 79 000 millóns de euros e aumenta a incerteza sobre a crise da Eurozona.
• 19 de xullo - O presidente de Guinea, Alpha Condé, escapa ileso dun atentado contra a súa vida perpetrado por militares rebeldes que atacaron a súa residencia con artillaría pesada e armas automáticas.
• 20 de xullo
  • En Serbia é arrestado Goran Hadžić, o último criminal de guerra buscado polo Tribunal Penal Internacional para a ex Iugoslavia que quedaba en liberdade e expresidente da desaparecida República Serbia de Krajina (Estado de facto).
  • En España, Francisco Camps (presidente da Generalitat Valenciana) dimite para defender a súa inocencia no caso Gürtel.
  • Crise alimentaria no Corno de África: a Organización das Nacións Unidas declara formalmente a existencia dunha situación de fame negra en dúas rexións do sur de Somalia controladas polo grupo terrorista Al-Shabbaab (vinculado a Al Qaeda) e reclama unha acción urxente para evitar que a fame se estenda ao resto do sur somalí e poida pór en perigo a millóns de persoas.
• 21 de xullo - Ponse fin ás viaxes en transbordadores espaciais coa aterraxe do Atlantis na súa última misión.

Aterraxe do Atlantis.

• 22 de xullo - En Noruega prodúcense dous ataques terroristas coordinados cando unha potente explosión sacode edificios gobernamentais na capital Oslo mentres na illa Utøya un pistoleiro ataca unha reunión política na que participaba o primeiro ministro Jens Stoltenberg. Os ataques deixan 77 mortos.
• 25 de xullo - Truong Tan Sang toma posesión como presidente de Vietnam
• 27 de xullo ao 7 de agosto - No barrio Rinkeby, nos suburbios de Estocolmo (Suecia) celébrase o 22º Jamboree mundial (reunión internacional de Scouts), co lema «simplemente escultismo».
• 28 de xullo - No Perú asume o novo presidente Ollanta Humala, para o período 2011-2016.
• 29 de xullo - En Colombia empeza a Copa Mundial de Fútbol Sub-20.
• 30 de xullo - Despois de meses de negociacións, o Congreso dos Estados Unidos aproba o aumento do límite de débeda para evitar unha moratoria.

Agosto

Crise alimentaria do Corno de África de 2011.

• 2 de agosto - Nos Estados Unidos de América, o Senado aproba o acordo para subir o teito de gasto público dese país, evitando que o goberno entrara en suspensión de pagos.
• 3 de agosto - En Exipto comeza o xuízo contra o expresidente Hosni Mubarak polos asasinatos e intentos de asasinato de máis de 800 manifestantes durante a rebelión popular que o derrocou. De considerarse culpable, podería ser condenado a morte.
• 4 de agosto - A Organización das Nacións Unidas declara oficialmente a fame negra noutras tres zonas de Somalia co que son xa cinco as rexións somalís afectadas, e alerta que en cuestión de semanas a fame estenderase a todas as rexións do sur de Somalia ameazando a 12 millóns de persoas.
• 6 de agosto - Inícianse disturbios en Londres, onde grupos de mozos se enfrontan á policía e saquean locais
• 13 de agosto - En Italia, Silvio Berlusconi aproba o plan de axuste de gasto máis restritivo da Unión Europea até o momento: entre outras medidas, botará 54 000 empregados da administración estatal e atrasará a idade de xubilación nas mulleres.
• 14 de agosto - Na Arxentina celébranse por primeira vez as eleccións primarias, abertas, simultáneas e obrigatorias, establecidas pola Lei 26.571.
• 16 ao 21 de agosto - En Madrid (España) celébrase a XXVI Xornada Mundial da Xuventude presidida polo papa Bieito XVI.
• 19 de agosto
  • A OTAN informa que matou nun dos seus ataques aéreos a Abdullah Senussi, xefe dos servizos secretos libios e cuñado de Muammar al-Gaddafi, e buscado como Gaddafi pola Corte Penal Internacional. Posteriormente verifícase que a información era incorrecta, e Senussi foi arrestado ao ano seguinte en Mauritania.
  • Activista indio Anna Hazare inicia a súa folga de fame como forma de protesta contra a corrupción no goberno da India.
• 20 de agosto - En Colombia finaliza a Copa Mundial de Fútbol Sub-20 de 2011.
• 21 de agosto - En Libia as forzas rebeldes toman o control de case toda a cidade capital de Trípoli no medio da sanguenta batalla decisiva da guerra civil que sacode o país; os rebeldes tamén fan prisioneiro polo menos un fillo do líder Muammar al-Gaddafi, cuxo paradoiro é descoñecido.
• 22 de agosto - Continúa a encarnizada batalla por Trípoli, as forzas rebeldes libias loitan para dobregar a feroz resistencia das últimas forzas leais a Muammar al-Gaddafi na capital, mentres o líder libio continúa oculto para evitar a súa captura.
• 23 de agosto
  • En Virxinia, Estados Unidos, prodúcese un sismo de magnitude 5.8, ás 1:51 PM EDT (17:51 UTC).
  • En Libia, despois de intensos combates as forzas rebeldes logran conquistar Bab al-Azizia, o complexo residencial de Muammar al-Gaddafi e último baluarte importante da resistencia gaddafista en Trípoli, aínda que os combates proseguen no resto da cidade.
  • As acusacións contra Dominique Strauss-Kahn son arquivadas..
• 24 de agosto
  • Steve Jobs deixa a presidencia da Apple Inc.
  • Terremoto de 7,0 na Escala Richter atinxe Perú.
  • Fortaleza de Muammar al-Gaddafi en Trípoli, capital de Libia, é tomada por rebeldes.
• 24 e 25 de agosto - Gran protesta nacional en Chile en apoio ás protestas estudantís, convocada pola Central Unitaria de Traballadores. O 25 de agosto, no contexto do paro nacional, morre baleado por un carabinero Manuel Gutiérrez, un rapaz de 16 anos que se encontraba observando o cacerolazo que ocorría no seu barrio.
• 25 de agosto - En México ocorre un Atentado en Monterrey consistente nun incendio e masacre dentro do Casino Royale deixando como vítimas 52 persoas causado polos Zetas.
• 26 de agosto - No Xapón o primeiro ministro Naoto Kan anuncia a súa renuncia, que producirá efecto cando o seu partido elixa o seu sucesor.
• 28 de agosto
  • O furacán Irene toca terra en Carolina do Norte, e pon en alerta toda a costa leste dos Estados Unidos. Aínda que os danos foron menores do esperado, faleceron un total de 46 persoas.
  • Anna Hazare acaba a súa folga de fame despois de 12 días despois de conseguir un acordo co goberno da India.

Setembro

Detector OPERA.

CASA 212 da Forza Aérea de Chile, accidentado cerca da Illa Robinson Crusoe, no arquipélago Juan Fernández (Chile).

• 1 de setembro
  • En México, Manlio Fabio Beltrones toma posesión como presidente da Xunta de Coordinación Política do Senado da República, Emilio Chuayffet Chemor como presidente da mesa directiva da Cámara de Deputados e José González Morfín como presidente da mesa directiva do Senado da República.
  • Tony Tan Keng Yam tórnase presidente de Singapur.
• 2 de setembro
  • Yoshihiko Noda toma posesión do cargo de Primeiro Ministro do Xapón.
  • Un avión CASA C-212 Aviocar estrélase preto da Illa Robinson Crusoe, no arquipélago Juan Fernández (Chile), provocando a morte de 21 persoas, entre elas o popular presentador Felipe Camiroaga e o empresario e filántropo Felipe Cubillos.
  • Terremoto de 6,4 na Escala Richter atinxe a cidade Santiago del Estero da Arxentina.
• 3 de setembro - Dominique Strauss-Kahn retorna a Francia.
• 5 de setembro - Christine Lagarde, directora do Fondo Monetario Internacional advirte sobre o risco dunha recesión económica global e inminente. Isto provoca a caída dos principais mercados bolsistas do mundo.
• 6 de setembro
  • Carol Bartz é destituída do cargo de CEO do Yahoo!.
  • Avión con 9 pasaxeiros cae na Amazonia boliviana deixando só un sobrevivente achado 60 horas despois.
• 7 de setembro
  • Accidente do Yak-42 do Lokomotiv Yaroslavl.
  • Os Senados de Italia e de España aproban paquetes de medidas para controlar os seus orzamentos debido á crise na zona do euro.
  • Na India, un atentado bomba no edificio da Suprema Corte de Nova Delhi deixa 11 mortos e 76 feridos.
• 8 de setembro
  • Somalia asina un acordo para realizar eleccións dentro dun ano para axilizar unha transición gobernamental.
  • Tempestade tropical Lee atinxe costa leste dos Estados Unidos provocando inundacións e 3 mortes.
  • Terremoto de magnitude 4,2 na Escala Richter atinxe Holanda. O epicentro foi a 48 km ao sur de Apeldoorn e a 96 km a sueste de Ámsterdam.
  • En Chile danse novas protestas polo defensa do sistema educativo.
  • Nos Estados Unidos, un apagón afecta os estados de Arizona, California e o norte do México, deixando 2 millóns de persoas sen enerxía eléctrica.
  • Debido ás altas taxas de desemprego, o presidente Barack Obama presenta un plan para a creación de empregos.
• 9 de setembro
  • Terremoto de magnitude 6,7 na escala Richter atinxe a illa de Vancouver, Canadá.
  • Astrónomos descobren un planeta que non pode ser visto desde a Terra debido á formación de seu sistema solar de orixe. O planeta recibiu o nome de Kepler-19c.
  • Interpol emite orde de prisión para o expresidente de Libia, Muammar al-Gaddafi, por crimes contra a humanidade.
  • Manifestantes exipcios invaden a embaixada de Israel no Cairo e, debido a isto, o embaixador israelí deixa o país.
  • Nike lanza unha edición limitada do modelo de tenis usado polo personaxe Marty McFly, que foi interpretado polo actor Michael J. Fox no filme Regreso ó futuro II de 1989.
  • Comeza a 7ª Copa do Mundo de Rugby masculino na Nova Zelandia.
• 10 de setembro
  • Unha balsa con 500 pasaxeiros afunde preto da illa de Zanzíbar na Tanzania e deixa 163 mortos.
  • A Nasa lanza 2 satélites idénticos para estudar a Lúa.
  • En Brasilia, unha cápsula usada para transportar material radioactivo foi encontrada en área residencial. Segundo a CNEN non houbo risco de contaminación.
  • Foi encontrado un paquete sospeitouse nunha porta de embarque do Aeroporto de Dulles en Washington causando a evacuación completa do lugar. Logo, as autoridades declararon que o obxecto era inofensivo.
• 11 de setembro
  • Nas eleccións presidenciais de Guatemala Otto Pérez queda no primeiro lugar co 36,1 % dos votos, pero ao non obter maioría absoluta terá que ir a unha segunda volta co que quedou en segundo lugar, Manuel Baldizón, co 22,68% dos votos.
  • Bouzaid Dorda, xefe de espionaxe durante o réxime do expresidente Muammar al-Gaddafi, é preso por rebeldes libios en Trípoli.
  • As forzas de seguridade exipcias invaden a sede da rede de TV Al Jazeera no Exipto.
  • Debido á crise económica, o Euro ten o seu menor valor fronte ao Ien desde a súa creación hai 10 anos.
• 12 de setembro
  • Prodúcese unha explosión no complexo nuclear de Marcoule en Francia, na que falece unha persoa.
  • Crise financeira grega: O goberno de Grecia advirte que os fondos públicos só teñen para pagar nóminas de funcionarios e pensións até outubro.
  • Leila Lopes, Miss Angola, é electa Miss Universo 2011 durante a 60ª edición do evento realizado en São Paulo, Brasil.
  • En Kenya, un incendio provocado por unha explosión nun posto de gasolina deixa 100 mortos.
  • Novak Djokovic vence o US Open de tenis.
  • O FMI libera un préstamo de 3,4 mil millóns de dólares a Portugal debido á crise económica na zona do euro.
  • Astrónomos europeos anuncian a descuberta de 50 novos planetas. Un dos planetas, bautizado de HD 85512b, pode conter auga en estado líquido.
• 13 de setembro
  • Acontece o Accidente ferroviario de Flores de 2011 involucrando dous trens e un autobús deixando 11 mortos e máis de 200 feridos.
  • Microsoft presenta a nova versión do seu sistema operacional, o Windows 8, para computadoras e tablets.
  • Ataques do movemento fundamentalista talibán á embaixada dos Estados Unidos e ao cuartel xeral da OTAN en Cabul en Afganistán deixa 6 mortos e 20 feridos.
  • Na India, enchentes deixan 16 mortos e máis de 100 mil desabrigados.
• 14 de setembro
  • Na India, unha colisión entre trens deixa 7 mortos e 85 feridos.
  • Un avión militar cae en Huambo, Angola, e deixa 30 mortos e 6 feridos.
• 15 de setembro
  • Un terremoto de magnitude 7,2 na Escala Richter atinxe a rexión das Illas Fidxi.
  • Un terremoto de magnitude 6,0 na Escala Richter atinxe a illa de Cuba.
  • A misión Kepler da NASA descobre un planeta que orbita ao redor de dúas estrelas.
  • Helle Thorning-Schmidt convértese na primeiro muller en assumir o cargo de primeira ministra en Dinamarca.
  • Na Arxentina, unha nova colisión entre tren, autobús e camión deixa 90 feridos.
• 16 de setembro - O Consello de Transición Nacional é recoñecido pola ONU como novo goberno de Libia.
• 17 de setembro - Comezan as protestas do movemento titulado Occupy Wall Street.
• 19 de setembro
  • A axencia de clasificación de risco Standard & Poor's rebaixa a nota da débeda de Italia de A+ para A.
  • Terremotos de magnitude 4,8 e 5,8 na Escala Richter atinxen Guatemala e deixan 3 mortos.
• 18 de setembro - Terremoto de Sikkim de 2011.
• 20 de setembro
  • Mahmud Abbas, presidente da Autoridade Nacional Palestina, pide á ONU que recoñeza Palestina como membro de pleno dereito, o que choca coa oposición de Israel e Estados Unidos.
  • Na Alemaña, un tren sofre un descarrilamento e deixa 50 feridos.
• 21 de setembro
  • O Tifón Roke afecta ao Xapón e a rexión da central nuclear de Fukushima.
  • Dilma Rousseff, presidente do Brasil, tórnase na primeira muller en faxer o discurso de apertura da Asemblea Xeral da ONU.
• 22 de setembro
  • No Brasil, nunha escola da cidade de São Caetano do Sul, na rexión do ABC paulista, o estudante David Mota Nogueira de 10 anos, tirotea a profesora Rosileide Queiros de Oliveira e logo mátase cun tiro na testa.
  • Michael Sata é electo 5.º presidente de Zambia.
  • Científicos do CERN din ter observado neutrinos (unha partícula subatómica) viaxando máis rápido que a luz.
• 23 de setembro
  • Fanse públicos os resultados do Proxecto OPERA no cal se conseguiu que feixes de neutrinos superen a velocidade da luz.
  • Comeza a 4.ª edición do Rock In Rio de Río de Xaneiro.
• 24 de setembro
  • Na Alemaña, un home disparou arma de ar comprimido contra persoal de seguridade durante unha misa realizada polo Papa Bieito XVI.
  • O satélite UARS, desactivado por falta de combustible, caeu na terra no océano Pacífico Cerca da illa da Samoa Americana despois de 20 anos analizando a capa de ozono.
• 25 de setembro
  • No Nepal, un avión cae matando todos os 19 pasaxeiros.
  • Terremoto de magnitude 5,0 na Escala Richter atinxe Xapón.
  • Na Indonesia, un ataque suicida nunha igrexa deixou 17 feridos.
  • En Libia, son encontrados os restos mortais de 1.270 persoas matadas por tropas de Muammar al-Gaddafi en xuño de 1996. O evento ficou coñecido como Masacre da Prisión de Abu Salim.
  • Realizouse a última corrida de touros en Cataluña na Praza Monumental de Barcelona.
  • O rei Abdullah bin Abdulaziz de Arabia Saudita recoñece o dereito a voto da muller e tamén o dereito de ser elixida en comicios.
• 27 de setembro - Terremoto de magnitude 3,4 na Escala Richter sacode a illa de El Hierro totalizando 8 mil tremores en 2 meses causando a evacuación da illa.
• 28 de setembro
  • Na China, unha colisión de trens deixa 271 feridos.
  • Amazon anuncia un nova versión de seu tablet, o Kindle Fire.
• 29 de setembro - Ás 13:16 GMT China lanza o primeiro módulo de laboratorio espacial Tiangong 1, non tripulado, xermolo da futura estación espacial chinesa que proxectan construír para 2020.
  • En Venezuela, unha colisión entre tres trens deixa 1 morto e 30 feridos.

Outubro

• 2 de outubro - España estabeleceu relacións diplomáticas con Kiribati, tendo agora relacións diplomáticas con todos os outros 192 Estados membros da ONU.
• 4 de outubro - Apple Inc. lanza o iPhone 4S, quinta xeración do seu smartphone.
• 5 de outubro - Steve Jobs falece despois de 6 semanas de afastamento da Apple Inc.
• 6 de outubro - Terremoto de magnitude 6,2 na Escala Richter atinxe o norte da Arxentina.
• 7 de outubro - En Costa Rica empezan as choivas que xerarán a Catástrofe humanitaria de Centroamérica de outono de 2011, con máis de 80.000 damnificados.
• 8 de outubro
  • Sismo de magnitude 6,0 na Escala Richter atinxe a illa de Tonga.
  • Chuvia de meteoros das Dracónidas.
• 9 de outubro
  • En Polonia celebráronse elección xerais.
  • Erupción submarina na illa de El Hierro, nas Illas Canarias.
  • A Rexión Autónoma de Madeira ten eleccións lexislativas rexionais.
• 10 de outubro
  • A comunicación a través dos BlackBerry córtase en todo o mundo; reestablécese 3 días despois.
  • Terremoto de magnitude 5,6 na Escala Richter atinxe a rexión de Fukushima no Xapón.
• 11 de outubro - A ex primeira ministra de Ucraína e líder opositora Yuliya Tymoshenko é condenada a 7 anos de prisión tras ser declarada culpable dun delito de abuso de poder, impedíndolle presentarse como candidata á Rada Suprema ao ano seguinte.
• 13 de outubro
  • Lanzamento da versión "11.10 Oneiric Ocelot" do sistema operativo Ubuntu.
  • Avión Dash 8 da Airlines cae en Papúa Nova Guinea, deixando 28 mortos.
• 14 de outubro
  • En Guadalajara, inícianse os Xogos Panamericanos de 2011, que acabaran o día 30.
  • Terremoto de magnitude 6,8 na Escala Richter atinxe Papúa Nova Guinea.
• 16 de outubro
  • O Cometa Elenin ten a súa menor distancia con respecto á Terra.
  • O automobilista británico Dan Wheldon, campión da Indianapolis 500, morre nun accidente durante unha proba en Las Vegas. O accidente ocorreu na 11° volta, involucrando 15 automóbiles.
• 19 de outubro - Comeza a retirada das tropas francesas de Afganistán.
• 20 de outubro
  • ETA anuncia o cesamento definitivo da actividade armada.
  • Morte de Muammar al-Gaddafi en Sirte a mans das forzas rebeldes, dando por finalizada a Guerra Civil Libia e a súa ditadura que durou algo máis de 42 anos.
  • Terremoto de magnitude 3.9 na Escala Richter atinxe San Francisco (California).
• 21 de outubro - Lánzanse os dous primeiros satélites do Sistema de navegación Galileo dirixido pola Unión Europea.
• 23 de outubro
  • En Turquía un terremoto de 7.2 graos sacode a cidade de Van, deixando como vítimas 726 mortos e máis de 1100 desaparecidos.
  • Na Arxentina celébranse as eleccións presidenciais.
  • O satélite alemán ROSAT lanzado en 1990 cae na Terra.
  • Tunisia realiza eleccións para formar asemblea constituínte despois de 9 meses da revolución que derrubou o expresidente Zine El Abidine Ben Ali logo de 23 anos no poder.
• 27 de outubro - En Tunisia, o partido islámico Ennahda vence nas eleccións para a asemblea constituínte co 41,47% dos votos.
• 28 de outubro - Terremoto de magnitude 6,9 na escala richter atinxe Perú.
• 30 de outubro
  • En Colombia celébranse as eleccións rexionais.
  • Terremoto de magnitude 6,0 na escala richter sacode Chile.
• 31 de outubro
  • Segundo estimacións da ONU, aproximadamente este día naceu o habitante número 7 millóns.
  • Palestina convértese en membro de pleno dereito da UNESCO a pesar da oposición dos Estados Unidos de América e Israel.

Novembro

• 1 de novembro - Despois do acordo alcanzado coa Unión Europea, o primeiro ministro de Grecia convoca en referendo os seus concidadáns para saber se están de acordo coas medidas para resolver a crise da débeda grega.
• 2 de novembro - Terremoto de magnitude 4,0 na escala Richter atinxe a illa española El Hierro.
• 3 de novembro - China realiza a súa primeira manobra de acoplamento espacial coa nave Shenzhou 8.
• 3 ao 4 de novembro - En Francia realízase o Cumio do G-20 de Cannes
• 4 de novembro - En Colombia é abatido o líder das Farc 'Alfonso Cano'.
• 6 de novembro
  • Gelson Domingos da Silva, cámara da TV Bandeirantes foi asasinado por traficantes durante unha reportaxe na favela de Antares, en Santa Cruz, na Zona Oeste do Río de Xaneiro.
  • Otto Pérez vence na segunda volta das eleccións para a presidencia de Guatemala.
  • Daniel Ortega é reelecto presidente de Nicaragua.
  • Rexístrase un sismo de magnitude 5,6 no estado de Oklahoma, nos Estados Unidos, sen deixar vítimas.
• 8 de novembro
  • O asteroide 2005 YU55 pasa a 239 000 km da Terra.
  • Rexístrase un sismo de magnitude 6,8 no Xapón.
  • As obras da 1° etapa do gasoduto Nord Stream que liga Rusia con Alemaña son concluídas.
• 9 de novembro
  • Terremoto de magnitude 5,6 sacude Turquía.
• 10 de novembro
  • O traficante Antônio Bonfim Lopes tamén coñecido como "Nem", un dos máis procurados do Río de Xaneiro, é apresado pola policía militar durante unha operación na favela da Rocinha.
• 11 de novembro
  • Lukas Papademos substitúe a Yorgos Papandreu como primeiro ministro grego.
  • Michael D. Higgins toma posesión como presidente de Irlanda.
  • O premio Nobel de Química en 2005, Richard R. Schrock, estivo de visita en Fisterra invitado polo físico baiense Jorge Mira.
• 12 de novembro - Silvio Berlusconi dimite como Presidente do Consello de Ministros de Italia.
• 13 de novembro
  • Unha operación militar sen conflitos na favela da Rocinha, que é considerada a maior da América latina, realizada por forzas de seguridade en conxunto torna a comunidade a 19° pacificada da cidade de Río de Xaneiro.
  • En Osetia do Sur, son realizadas as primeiras eleccións presidenciais desde o recoñecemento da súa independencia por parte de Rusia despois da guerra entre Moscova e Tbilisi en 2008.
• 15 de novembro - A prima de risco xerada polo pago da débeda soberana española alcanza máximos históricos, xunto á italiana, superando a española os 458 puntos de diferenza coa alemá.
• 16 de novembro - Terremoto de magnitude 5,7 na Escala Richter sacude o Ecuador.
• 19 de novembro - Saif al-Islam, fillo do ex-ditador libio Muammar al-Kadhafi, é capturado no sur de Libia.
• 20 de novembro - Eleccións Xerais 2011 en España. Mariano Rajoy Brey, presidente do goberno español.
• 21 de novembro
  • En Exipto, tras enfrontamentos nas rúas, o gabinete interino de ministros dimite.
  • Hamadi Jbeli asume o cargo de primeiro ministro de Tunisia.
• 22 de novembro - Terremoto de magnitude 6,2 na Escala Richter atinxe Bolivia sen causar danos.
• 23 de novembro
  • En Arabia Saudita, o presidente do Iemen, Ali Abdullah Saleh, asina un acordo coa oposición polo que transfire todos os seus poderes ao seu vicepresidente e acepta retirarse para dar paso á transición á democracia. Con isto preténdese poñerlle fin á violencia xerada pola represión á rebelión popular contra Saleh.
  • No Brasil, tras a vertedura de 3 mil barrís de petróleo na Bacía de Campos, ao norte do Estado do Río de Xaneiro, a compañía petrolífera Chevron é multada con R$ 78 millóns e prohíbeselle continuar coas súas actividades.
• 25 de novembro - Kamal Ganzouri asume o cargo de primeiro ministro de Exipto.
• 26 de novembro - A NASA lanza a nave Mars Science Laboratory, tamén chamada Curiosity, coa misión de estudar a existencia de vida en Marte.
• 27 de novembro
  • Mohamed Basindawa é nomeado novo primeiro ministro interino do Iemen para formar novo goberno.
  • Eclipse solar parcial ocorre na Antártica.
  • En Marrocos, o partido islámico PXD vence nas eleccións parlamentarias.
  • En Colombia, o sarxento Luis Alberto Erazo secuestrado en 1999, consegue escapar do cativeiro das Farc.
• 28 de novembro
  • Empeza a XVII Conferencia da ONU sobre Cambio Climático en Durban, Suráfrica, co obxectivo de prorrogar o Protocolo de Kioto.
  • En Exipto celébranse as primeiras eleccións desde a caída do ex-ditador Hosni Mubarak.
• 29 de novembro
  • Ataque á Embaixada Británica en Irán.
  • Conrad Murray, médico persoal de Michael Jackson, é condenado a 4 anos de prisión pola morte do cantante Michael Jackson en xuño de 2009.
• 30 de novembro - O expresidente de Costa do Marfil, Laurent Gbagbo, recentemente derrocado, é extraditado do seu país aos Países Baixos para ser xulgado pola Corte Penal Internacional por presuntos crimes de lesa humanidade. Trátase do primeiro exjefe de estado que será xulgado pola CPI desde a creación deste tribunal internacional.

Decembro

• 3 de decembro
  • Astrónomos descobren 18 novos planetas fóra do Sistema Solar.
  • Debido á escaseza de chuvias en Alemaña, o nivel do río Rin na cidade de Koblenz baixa e revela unha bomba da segunda guerra mundial, causando a evacuación de 45 mil persoas ao seu redor.
  • Herman Cain, pre-candidato polo partido republicano á presidencia dos Estados Unidos, desiste da súa candidatura tras denuncias de acoso sexual feitas por mulleres coñecidas do candidato.
• 4 de decembro
  • O goberno italiano de Mario Monti aproba o primeiro paquete de medidas anticrise que supoñen uns duros recortes para a poboación, entre eles, aumentar a cotización das pensións aos 42 anos.
  • En Rusia celébranse eleccións parlamentarias e o partido Rusia Unida do primeiro ministro Vladimir Putin obtén a vitoria ao conservar a maioría absoluta. Con todo, a vitoria vese empanada por unha considerable redución de votos e escanos para Rusia Unida en comparación coas eleccións anteriores, e por denuncias de fraude electoral que orixinan protestas na rúa.
  • En Croacia celébranse eleccións parlamentarias e triunfa a oposición socialdemócrata de centro-esquerda.
  • En Eslovenia celébranse eleccións parlamentarias, e un partido opositor de centro-esquerda gaña pero sen obter maioría absoluta.
• 5 de decembro - O expresidente de Costa do Marfil, Laurent Gbagbo comparece por primeira vez ante a Corte Penal Internacional para responder por crimes de lesa humanidade, nun feito histórico ao ser o primeiro ex xefe de estado que comparece en audiencia xudicial como acusado ante esta corte. Gbagbo quéixase de maltratos contra el e a súa familia por parte de militares franceses durante a súa captura e cativerio en Costa do Marfil.
• 7 de decembro
  • Michele Zagaria, líder do clan Casalesi, é preso en Italia tras ser encontrado nun búnker subterráneo na súa cidade natal, Casapesenna. Michele estaba foraxido desde había 16 anos e era un dos criminais máis buscados.
  • Al-Saadi al-Gaddafi, fillo do ex-ditador Muammar al-Kadhafi, é preso ao tentar entrar en México.
• 9 de decembro - En Bruxelas conclúe o histórico cumio europeo destinado a tomar medidas para salvar o euro e solucionar a grave crise de débeda soberana dos países da Unión Europea. Acórdanse drásticas medidas de disciplina fiscal para reducir as débedas dos estados europeos e así calmar os mercados financeiros, pero o cumio vese empanado pola negativa do Reino Unido de participar no acordo, quedando illado do resto da Unión.
• 10 de decembro
  • En Rusia celébranse as manifestacións de protesta máis multitudinarias desde a fin da Unión Soviética; os manifestantes protestan pola presunta fraude electoral nas recentes eleccións parlamentarias e contra o goberno de Vladimir Putin.
  • O estudante Ross Truett Ashley de 22 anos da Universidade Radford, entra armado na Universidade Virginia Tech, tirotea e mata un oficial da policía e suicídase logo.
  • En Filipinas, un avión bimotor cae sobre unha escola e deixa 13 mortos e 20 feridos.
  • Eclipse lunar total, visible principalmente en Asia, Australia e Alasca.
  • Salomón Lerner Ghitis renuncia do cargo de primeiro ministro do Perú.
• 11 de decembro
  • No Panamá chega ao país o exditador panameño Manuel Antonio Noriega, extraditado por Francia (onde cumpriu condena por branqueo de cartos); Noriega ten pendentes varias condenas ditadas en ausencia pola xustiza panameña por asasinatos de opositores do seu réxime e outros crimes de lesa humanidade, e ademais debe enfrontar acusacións por outros delitos.
  • Termina o COP 17 en Durban en Suráfrica coa creación dun novo acordo para a redución de emisións de gases invernadoiro até 2015 e a renovación do Protocolo de Kyoto até 2017.
  • Terremoto de magnitude 6.5 sacode a rexión de Guerrero, en México.
  • En votación histórica, a poboación do estado do Pará vota e decide non dividir o estado en 3 estados:Pará, Carajás e Tapajós sendo 66,8% e 66,3% dos votos contra a creación de cada estado respectivamente.
• 13 de decembro - En Bélxica, Nordine Amrani de 33 anos, dispara tiros cun rifle e lanza granadas nunha praza no centro da cidade de Liexa deixando 5 persoas mortas (el incluído) e 123 feridas.
• 14 de decembro - Terremoto de magnitude 7,3 sacode Papúa Nova Guinea.
• 15 de decembro
  • Goberno dos Estados Unidos declara a fin da guerra do Iraq despois de 9 anos de actuación militar no país.
  • En Exipto celébrase a segunda fase das eleccións lexislativas.
• 18 de decembro - Estados Unidos culmina a retirada de Iraq, os últimos 500 militares estadounidenses cruzan a fronteira con Kuwait pola mañá, despois de ter entregado a súa última base a militares iraquís dous días antes.
• 19 de decembro - En Corea do Norte, o réxime dá a coñecer a morte do até entón ditador do país Kim Jong-il, acaecida dous días antes; a nova sementa incerteza e temor pola estabilidade da rexión asiática, aínda que en principio o fillo do falecido líder, Kim Jong-un, sucede a seu pai.
• 22 de decembro - En Iraq varios atentados terroristas na capital, Bagdad, deixan polo menos 71 mortos e decenas de feridos. Os atentados foron reivindicados días despois polo grupo fundamentalista islámico sunnita Estado Islámico de Iraq, vinculado a Al Qaeda, e tiveron como obxectivo aos islámicos xiítas, facendo temer un rexurdir da guerra civil sectaria no país.
• 23 de decembro
  • En Siria atentados terroristas na capital, Damasco, deixan polo menos 44 mortos e mentres o goberno llos atribúe á rede terrorista Al Qaeda, a oposición atribúellos ao propio goberno para desacreditar os opositores. Isto ocorre mentres recrúa a violencia no país pola represión ás protestas contra o presidente Bashar al-Assad e polos enfrontamentos armados entre militares leais ao réxime e militares desertores rebeldes, arrastrando o país á guerra civil.
  • En Dosquebradas (Colombia), a explosión dun oleoduto deixa 15 vítimas e máis de 90 feridos (traxedia de Dosquebradas de 2011). As causas atribúense ao roubo ilegal de combustible na zona.
  • Sismo de magnitude 5,8 sacode Nova Zelandia.
• 24 de decembro - En Rusia celébrase unha segunda onda de manifestacións multitudinarias de protesta contra o primeiro ministro Vladimir Putin e a presunta fraude electoral nas eleccións parlamentarias; as protestas son máis concorridas que as da vez anterior e as máis grandes en vinte anos.
• 25 de decembro
  • En Nixeria varios atentados coordinados contra igrexas católicas (en plenas celebracións relixiosas de Nadal) deixan polo menos 49 mortos e máis dun centenar de feridos. Os atentados atribúenselle ao grupo fundamentalista islámico nixeriano Boko Haram, en guerra contra o goberno do país.
  • En Afganistán un atentado terrorista suicida nun funeral deixa polo menos 20 mortos e decenas de feridos; o atentado ocorre en momentos nos que operacións das forzas militares e policiais afgás e das forzas internacionais mataran polo menos 30 guerrilleiros.
• 26 de decembro - En Guinea Bissau é aparentemente sufocado un confuso intento de golpe de Estado, con versións encontradas dos militares enfrontados e un baleiro de poder temporal ante a incerteza do paradoiro do primeiro ministro e a ausencia do presidente (de viaxe polo estranxeiro).
• 27 de decembro
  • Activista indio Hazare inicia nova folga de fame como forma de esixir o endurecemento da lei anticorrupción no país.
  • Cuba concédelle amnistía a 2900 prisioneiros.
  • Sismo de magnitude 6,6 sacode a rexión de Siberia.
• 29 de decembro - No norte de Iraq morren polo menos 35 civís iraquís de etnia kurda ao ser bombardeados por erro pola Forza Aérea Turca que os confundiu con guerrilleiros do Partido dos Traballadores do Kurdistán (grupo guerrilleiro que loita pola independencia do Kurdistán Turco) que estarían intentando cruzar a fronteira de Iraq con Turquía.

2012

Artigo principal: 2012.

Xaneiro

• 1 de xaneiro: en Nixeria, conflitos por terras deixan un saldo de polo menos 50 mortos.
• 1 de xaneiro: no Xapón séntese un sismo de 7 graos sen vítimas nin alerta de tsunami.
• 1 de xaneiro: o Parlamento árabe pide retirar os seus observadores do territorio sirio, o que lle permite ao Goberno ocultar os seus abusos na guerra civil.
• 4 de xaneiro: descubrimento dos primeiros tiburóns híbridos en Australia.
• 4 de xaneiro: no fondo do océano Antártico descóbrense novas especies en fontes termais.
• 4 de xaneiro: lógrase abrir un burato no espazo-tempo, pero cunha duración de 40 picosegundos.
• 5 de xaneiro: en Bagdad e Nasiriya (Iraq) varios atentados terroristas contra musulmáns xiítas deixan polo menos 78 mortos e decenas de feridos. Esta nova escalada busca incitar a violencia sectaria no país.
• 6 de xaneiro: en Siria un atentado na capital Damasco deixa polo menos 26 mortos, mentres que a represión das forzas do goberno contra as manifestacións opositoras e os choques armados con militares rebeldes deixan polo menos outros 35 mortos en varias rexións do país.
• 6 de xaneiro: en Nixeria ataques terroristas cometidos nos últimos dous días polo grupo fundamentalista islámico Boko Haram contra cristiáns deixan polo menos 28 mortos e obrigan a impoñer o toque de queda no estado nixeriano de Adamawa para conter unha escalada que podería desatar unha guerra civil sectaria no país.
• 6 de xaneiro: en Somalia un bombardeo aéreo das forzas militares da veciña Kenya contra forzas do grupo fundamentalista islámico somalí Al-Shabbaab (vinculado a Al Qaeda) deixa polo menos 60 milicianos mortos. O bombardeo formaba parte da ofensiva das tropas quenianas para conquistar a cidade costeira somalí de Kismayo baixo control de Al-Shabbaab, en resposta a accións terroristas como o secuestro de cooperantes españois.
• 10 de xaneiro: na cidade de Yamrud (Paquistán), un atentado terrorista deixa polo menos 35 mortos.
• 13 de xaneiro ao 22 de xaneiro: celébranse os primeiros Xogos Olímpicos da Xuventude de Inverno, en Innsbruck, Austria.
• 13 de xaneiro: afúndese o cruceiro italiano Costa Concordia con máis de 4000 persoas a bordo. Dito accidente deixa 25 mortos.

  

  O Costa Concordia naufraga nas costas das Illas do Giglio.

• 14 de xaneiro: na Cidade de Guatemala, Otto Pérez toma a presidencia.
• 14 de xaneiro: en Iraq un atentado terrorista suicida na cidade de Basora deixa polo menos 53 mortos. As vítimas eran peregrinos que participaban nunha festividade relixiosa islámica xiíta.
• 15 de xaneiro: en Guatemala realízase o cambio de gobernos municipais.
• 15 de xaneiro: en Rada (Iemen), unha forza de asalto de 400 terroristas de Al Qaeda toma o control da cidade e proclama un «emirato islámico», mentres a poboación civil intenta fuxir ante o temor dunha batalla campal cando o exército iemení intente recuperar a cidade.
• 18 de xaneiro: en Birmania, unha explosión causa 3 mortos tras o reinicio das conversacións de paz.
• 18 de xaneiro: nos Estados Unidos, O Pentágono cifra en 19.000 os casos de abuso sexual nas Forzas Armadas.
• 20 de xaneiro: en Nixeria varios ataques terroristas cometidos na cidade de Kano polo grupo fundamentalista islámico Boko Haram causan polo menos 250 mortos. Os obxectivos dos ataques eran principalmente comisarías de policía.
• 21 de xaneiro: na India morren polo menos 13 policías nun ataque armado de guerrilleiros comunistas maoístas.
• 22 de xaneiro: en Finlandia realízase a primeira volta das eleccións presidenciais.
• 22 de xaneiro: en Nixeria, o grupo Boko Haram continúa a campaña de terror asasinando a 9 persoas de relixión cristiá e destruíndo igrexas.
• 23 de xaneiro: en Libia un grupo armado de presuntos partidarios do derrocado e falecido ditador libio Muammar al-Gaddafi toman o control de parte da cidade de Bani Walid logo de violentos combates, nun aparente intento de desatar unha rebelión contra o novo goberno.
• 27 de xaneiro: en Iraq un atentado terrorista suicida nun funeral xiíta en Bagdad deixa polo menos 31 mortos e 60 feridos.
• 30 de xaneiro: en Siria intensifícanse os combates entre as forzas leais ao goberno e os militares rebeldes do exército popular a poucos quilómetros da capital Damasco. As forzas gobernamentais empregan artillaría pesada e tanques nun esforzo para expulsar os rebeldes dos suburbios da capital que controlan.
• 30 de xaneiro: en Bruxelas comeza un cumio extraordinario da Unión Europea para tomar medidas para reactivar o crecemento e o emprego e seguir intentando evitar unha recesión grave nas economías europeas.

Febreiro

• 1 de febreiro: o peor desastre do fútbol exipcio deixa 80 mortos e 248 feridos en Port Said despois de que miles de seguidores de dous equipos rivais, Al-Masry e Al-Ahly, se enfrontaran no final do partido, causando revoltas populares.
• 2 de febreiro: 101 mortos por vaga de frío en Ucraína.
• 2 de febreiro: o MV Rabaul Queen de Papúa Nova Guinea naufraga dándose por desaparecidos máis de 100 pasaxeiros.
• 3 de febreiro: en Siria a oposición denuncia que os bombardeos das forzas leais ao goberno sobre a cidade rebelde de Homs deixaron polo menos 260 mortos e 500 feridos. As forzas gobernamentais empregarían artillaría pesada e tanques para atacar zonas residenciais masacrando os civís, mais o réxime sirio atribúe os ataques a grupos terroristas opositores.
• 4 de febreiro: en Rusia decenas de miles de persoas maniféstanse a favor e en contra do goberno de Vladimir Putin en concentracións multitudinarias paralelas. A oposición maniféstase esixindo eleccións libres e os oficialistas defendendo a lexitimidade do réxime.
• 6 de febreiro: Xubileu de diamante da Raíña Isabel II polo 60 aniversario da súa ascensión ao trono do Reino Unido, Canadá, Australia e Nova Zelandia, e como xefe da Commonwealth.
• 12 de febreiro: o colectivo Encontro Irmandiño, liderado por Xosé Manuel Beiras, acorda nunha Asemblea Nacional Extraordinaria separarse do Bloque Nacionalista Galego.
• 13 de febreiro: en Nova Delhi atentan contra embaixadas de Israel, e acusan a Irán.
• 15 de febreiro: un incendio no penal de Comayagua en Honduras deixa preto de 400 mortos.
• 15 de febreiro: nun illote de Formentera embarranca o transbordador español Maverick 2, con 27 persoas a bordo.
• 17 de febreiro: en Alemaña dimite o presidente Christian Wulff a raíz duns escándalos de corrupción e tráfico de influencias.

  

  Christian Wulff dimite como presidente alemán por corrupción.

• 17 de febreiro: no leste de Europa, unha vaga de frío deixa máis de 650 mortos.‎
• 17 de febreiro: Italia anula privilexios fiscais da Igrexa católica.
• 21 de febreiro: no Iemen celébrase a elección presidencial. O único candidato é o até entón vicepresidente do país (e encargado da presidencia desde hai meses) Abd Rabbuh Mansur al-Hadi, cun nomeamento que foi pactado polo réxime e a oposición para acabar co goberno ditatorial de Ali Abdullah Saleh e iniciar a transición á democracia.
• 22 de febreiro: un accidente ferroviario na Estación Once de Septiembre, Bos Aires, Arxentina, deixa como saldo 51 mortos e 703 feridos.
• 23 de febreiro: en Iraq, unha vaga de atentados con coche bomba causou polo menos 62 mortes.
• 26 de febreiro: Siria vota en referendo unha nova constitución mentres segue a represión. Os grupos opositores opóñense aos comicios e fan un chamamento a boicotear o proceso, ao considerar que a nova constitución é falsa e o referendo unha fraude, sinalando que Bashar al-Assad nunca respectou a antiga constitución, que garantía a liberdade de expresión e prohibía a tortura. Con todo, a nova constitución consegue o 84,9 % de aprobación civil.
• 26 de febreiro: en Afganistán, morren asesores estadounidenses tras disputas sobre coráns queimados. Alemaña retira os seus asesores de Cabul, pola escalada de violencia.
• 27 de febreiro: nas illas Seychelles, un incendio no cruceiro Costa Allegra déixao sen electricidade, con 627 pasaxeiros á deriva, pero sen vítimas mortais.
• 27 de febreiro: no Iemen, Abd Rabbuh Mansur al-Hadi asume a presidencia, acabando co goberno autocrático de Ali Abdullah Saleh, que durou 33 anos.
• 29 de febreiro: en Siria, o exército inicia o asalto definitivo sobre Homs, a principal das cidades tomadas polo Exército Libre de Siria.
• 29 de febreiro: o goberno de Corea do Norte ―a cambio de axuda humanitaria― detén o seu programa nuclear (cesamento das probas atómicas, do enriquecemento de uranio na planta de Yongbyon e do lanzamento de mísiles de longo alcance).

Marzo

• 2 de marzo: en Irán celébranse eleccións parlamentarias. O réxime iraniano non permitiu a inscrición da maioría dos candidatos da oposición reformista democrática, polo que nos comicios participaron principalmente as dúas faccións enfrontadas nas que se dividiu o oficialismo ultraconservador: os partidarios do líder supremo Ali Khamenei, que obtiveron unha vitoria esmagadora, e os do presidente Mahmoud Ahmadinejad, que sufriu unha humillante derrota, mentres que a oposición reformista, que chamara á abstención, denunciou que o réxime inflou falsamente a cifra de participación.
• 2 de marzo: en Bruxelas os xefes de Estado e de Goberno de todos os países da Unión Europea ―exceptuando Reino Unido e a República Checa― asinan un tratado de austeridade fiscal acordado en principio tres meses atrás e que obriga aos países asinantes a cumprir unha drástica e ríxida disciplina nas súas contas públicas para atallar a crise da débeda soberana e tratar de evitar unha conmoción económica.
• 4 de marzo: en Rusia celébranse eleccións presidenciais. O actual primeiro ministro Vladimir Putin obtén unha vitoria esmagadora que lle permitirá volver ocupar a presidencia (que xa ocupou durante dous mandatos no pasado), mais a oposición denuncia fraude nunhas eleccións xa cuestionadas porque non se permitiu a participación dos líderes da oposición extraparlamentaria e polo vantaxismo oficial na campaña, o que desata protestas nas rúas.
• 4 de marzo: en Polonia, un accidente ferroviario deixa 16 mortos e 58 feridos.
• 4 de marzo: na República do Congo morren polo menos 246 persoas, centos quedan feridas e 5000 sen vivenda nunha serie de explosións nun depósito de municións do Exército ao lado dun barrio popular na capital, Brazzaville. Aparentemente a orixe das explosións foi un accidente.
• 4 de marzo: no Iemen Al Qaeda ataca un cuartel do Exército iemení no sur do país e logo dunha batalla campal logra matar polo menos 185 militares e capturar decenas, no peor golpe que sufriron as Forzas Armadas do Iemen no marco da loita antiterrorista.
• 7 de marzo: en Libia o presidente do Consello Nacional de Transición (presidente provisional de Libia) Mustafa Abdul Jalil ameaza con usar a forza para manter unido o país, logo da proclamación un día antes na cidade de Bengasi da autonomía da rexión de Cirenaica por líderes tribais e as milicias locais.
• 10 de marzo: en Somalia morren entre 50 e 100 combatentes en sanguentos combates entre o grupo fundamentalista islámico somalí Al-Shabbaab e forzas gobernamentais somalís e da veciña Etiopía. Isto dáse no marco da ofensiva lanzada por Etiopía, Kenya e a forza multinacional da Unión Africana para destruír Al-Shabbaab, vinculado a Al Qaeda.
• 11 de marzo: no Salvador realízanse eleccións lexislativas e municipais.
• 19 de marzo: en España celébrase o Bicentenario das Cortes de Cádiz.
• 19 de marzo: en Siria prodúcense encarnizados combates entre forzas leais ao goberno e forzas rebeldes nun exclusivo e céntrico barrio da capital Damasco, nun feito infrecuente até ese momento no conflito que vive o país, poñendo á vista a capacidade dos rebeldes para golpear a fortemente vixiada capital.
• 20 de marzo: en Iraq unha vaga de atentados terroristas con bombas sacode varias cidades do país, entre elas a capital Bagdad, Kerbala, Kirkuk e Al-Hillah. En total morren polo menos 51 persoas e 250 quedan feridas.
• 20 de marzo: no municipio de Ometepec (México) prodúcese un forte terremoto dunha magnitude de 7,9 graos Richter, rexistrándose moitos danos materiais.
• 21 de marzo: en Malí un grupo de militares derroca o goberno nun sanguento golpe de estado. Os militares golpistas, que xustificaron a súa acción polo insuficiente apoio do goberno derrocado aos militares na súa loita contra os guerrilleiros separatistas do pobo tuareg do norte do país, cerraron as fronteiras do país e formaron unha xunta militar de goberno.

  

  Bandeira dos rebeldes tuareg en Malí.

• 22 de marzo: no Iemen as forzas do goberno conxuntamente con forzas militares estadounidenses bombardean posicións de Al Qaeda no sur do país matando polo menos 29 terroristas.
• 26 de marzo: en Somalia, o Exército de Etiopía, co apoio dunha milicia pro-gobernamental somalí, conquista a cidade de Elbur, un dos principais bastións do grupo fundamentalista islámico somalí Al-Shabbaab, asociado a Al Qaeda. A caída de Elbur súmase á conquista doutras cidades, até aquelas controladas por Al-Shabbaab, por parte das forzas gobernamentais somalís e dos seus aliados estranxeiros da forza multinacional africana.
• 31 de marzo: en Malí os guerrilleiros separatistas de etnia tuareg do norte do país (Movemento Nacional de Liberación do Azawad) lanzan unha ofensiva contra a estratéxica cidade de Gao, logo de ter conquistado o día anterior a tamén estratéxica localidade de Kidal. Os rebeldes independentistas están aproveitando a debilidade e a confusión que reinan nas forzas gobernamentais despois do recente golpe de estado para avanzar de forma acelerada, o que preocupa os países da rexión que ofrecen enviar tropas para frealos.
• 31 de marzo: en Tailandia un atentado terrorista na cidade de Yala, ao sur do país, causa polo menos 8 mortos e máis de 50 feridos. O atentado dáse nunha rexión onde son frecuentes os ataques dos guerrilleiros separatistas islámicos que loitan para crear un estado islámico independente e que denuncian a discriminación por parte da maioría budista de Tailandia.

Abril

• 1 de abril: en Malí, logo de ocupar as cidades de Kidal e Gao, os guerrilleiros secesionistas tuareg conquistan a histórica cidade de Tombouctou despois de que os soldados do Exército regular de Malí fuxiran e de que unha milicia árabe local pro-gobernamental se rendera ante os rebeldes. Con esta vitoria os rebeldes independentistas controlan practicamente a totalidade do norte do país, o que preocupa a comunidade internacional que teme que Al Qaeda aproveite esta situación para converter a rexión nunha base de operacións.
• 1 de abril: en Birmania celébranse eleccións parlamentarias parciais para cubrir unha parte relativamente pequena dos escanos ao Parlamento birmano. A oposición democrática contraria ao réxime militar arrasa nos comicios e a súa líder, a Premio Nobel da Paz Aung San Suu Kyi, é electa deputada.
• 2 de abril: en Malí un grupo próximo a Al Qaeda expulsa os rebeldes tuaregs da cidade de Tombouctou e conquístaa na súa maior parte. Os guerrilleiros tuareg que conquistaran a cidade o día anterior tiveron que repregarse ante a forza de Al Qaeda, o que complica a xa caótica situación de Malí despois do recente golpe de estado e que ameaza todo o norte de África.
• 3 de abril: no Iemen as forzas do goberno recuperan o control dunha rexión do sur do país despois de bombardear intensamente as posicións de Al Qaeda matando polo menos 43 guerrilleiros desa organización terrorista.
• 6 de abril: En Malí os rebeldes separatistas tuaregs proclaman a independencia de Azawad, o norte do actual Malí que ocuparon e que reivindican como patria súa. A comunidade internacional non recoñece a declaración de independencia deste pretendido novo Estado e pronúnciase pola defensa da unidade nacional e integridade territorial de Malí.
• 8 de abril: en Nixeria un atentado terrorista na cidade de Kaduna contra igrexas cristiás en plena celebración da Semana Santa deixa polo menos 38 persoas mortas e decenas feridas. Sospéitase que o atentado foi obra do grupo fundamentalista islámico Boko Haram na súa campaña para desatar unha guerra entre relixións no país.
• 9 de abril: en Somalia un atentado terrorista nun mercado da cidade de Baidoa deixa polo menos 11 mortos. A cidade onde ocorreu o atentado fora conquistada dous meses antes por tropas etíopes, que lle arrebataron o control ao grupo islamista Al-Shabbaab.
• 11 de abril: en Corea do Sur celébranse eleccións parlamentarias; triunfa o partido de centro-dereita do presidente Lee Myung-bak.
• 12 de abril: en Guinea Bissau un grupo de militares derrocan o goberno nun golpe de Estado.
• 14 de abril: centenario do afundimento do RMS Titanic no océano Atlántico.
• 14 e 15 de abril: en Cartaxena de Indias (Colombia) realízase o VI Cumio das Américas
• 17 de abril: Cristina Fernández de Kirchner expropia YPF á empresa multinacional Repsol-YPF por razóns de interese nacional. O goberno español amósase desconforme e anuncia medidas en contra.

  

  Cristina Fernández de Kirchner renacionaliza a empresa petroleira YPF, en mans da multinacional Repsol.

• 20 de abril: científicos crean unha nova molécula capaz de transportar información xenética e reproducirse, chamado ADN sintético ou AXN.
• 22 de abril: en Francia celébrase a primeira volta das eleccións presidenciais. O socialista de centro-esquerda François Hollande obtén a vitoria, pero ao non ter a maioría absoluta do sufraxio popular deberá disputarse a presidencia nunha segunda volta co presidente saínte e aspirante a reelección, o conservador Nicolas Sarkozy.
• 23 de abril: as Forzas Armadas do Sudán anuncian que en tres días de combates mataron máis de 900 militares do Exército do Sudán do Sur no marco da guerra que sosteñen ambos países africanos por unha rexión rica en petróleo.

Maio

• 3 de maio: En Reino Unido celébranse eleccións municipais en varias rexións do país. O opositor Partido Laborista de centro-esquerda obtén importantes vitorias, aínda que o oficialista Partido Conservador logra tamén unha vitoria significativa ao reter a Alcaldía da capital Londres.
• 4 de maio: en Irán celébrase a segunda volta das eleccións parlamentarias.
• 6 de maio: François Hollande é elixido Presidente da República Francesa na segunda volta das eleccións presidenciais.
• 6 de maio: en Grecia celébranse eleccións parlamentarias e a centro-dereita de Nova Democracia obtén a vitoria, pero cunha maioría relativa moi afastada da maioría absoluta e no contexto duns resultados moi fragmentados, co auxe ademais da esquerda populista e a extrema dereita, o que fai imposible formar goberno e obriga aos poucos días a adiantar as eleccións de novo, poñendo a Grecia a piques de abandonar o euro.
• 6 de maio: en Serbia celébranse eleccións presidenciais, parlamentarias e municipais. Ante a falta de maioría absoluta as eleccións presidenciais deberán definirse nunha segunda volta, e nas eleccións parlamentarias os resultados son fragmentados, pero os partidos pro-europeos obteñen suficiente apoio como para poder formar goberno.
• 6 de maio: en Italia celébranse eleccións municipais en varias rexións do país.
• 9 de maio: en España, o Goberno anuncia recortes de 10.000 millóns de euros nos orzamentos de Educación e Saúde, e nacionaliza o banco Bankia, que necesitaría unha cifra similar para non quebrar.
• 11 de maio: os «indignados» anuncian retomar as protestas en distintos puntos de Madrid e de España, aproximándose o primeiro ano do seu nacemento: o 15 de maio de 2011.
• 12 de maio: os indignados retoman as protestas nas principais cidades españolas.
• 13 de maio: en Tiflis (capital de Xeorxia), as graves inundacións deixan 5 mortos, destrúen casas e deixan decenas de persoas atrapadas.
• 15 de maio: na cidade de Bogotá (Colombia) cométese un atentado contra Fernando Londoño.
• 20 de maio: eleccións presidenciais na República Dominicana.
• 20 de maio: eclipse solar anular.
• 20 de maio: en Serbia celébrase a segunda volta das eleccións presidenciais. Triunfa o nacionalista Tomislav Nikolic, o que fai temer maior inestabilidade política e unha debilitación do compromiso coa integración europea.
• 21 de maio: no Iemen un atentado terrorista suicida reivindicado por Al Qaeda deixa polo menos 70 mortos e 100 feridos entre os militares que participaban no ensaio dun desfile militar na capital Sana. O atentado (no que resultou ileso o Ministro de Defensa que presenciaba o ensaio) foi unha resposta á ofensiva militar do goberno iemení contra Al Qaeda no sur do país que deixou decenas de mortos nos días anteriores ao atentado.
• 21 de maio: en Malí o presidente interino Dioncounda Traoré é golpeado brutalmente por unha turba de manifestantes que asaltou o Palacio Presidencial reclamando a partida do presidente e a súa substitución polo líder da xunta militar que protagonizou un golpe de estado unhas semanas atrás.
• 23 de maio: en Exipto comeza a primeira volta das eleccións presidenciais, nunha votación que se estenderá durante dous días seguidos. Considéranse as primeiras eleccións libres da historia do país e elixirase o primeiro presidente democrático logo da caída da ditadura de Hosni Mubarak.
• 23 de maio: a Xendarmería do Vaticano detén o mordomo do papa Bieito XVI, Paolo Gabriele por supostamente desvelar documentos secretos (que apareceron no libro Sua Santità. Le carte segrete di Benedetto XVI). Comeza o fenómeno do Vatileaks.
• 25 de maio: en Siria ocorre un masacre na cidade de Hula na que morren polo menos 108 persoas, na súa maioría civís e unha gran parte deles nenos. A oposición siria e a maior parte da comunidade internacional atribúen o masacre ás forzas leais ao goberno sirio que empregarían artillaría pesada e executarían persoas tomadas nos seus domicilios, mais o réxime sirio nega a súa responsabilidade nos feitos violentos, que continuarían os días seguintes.
• 26 de maio: en Bakú (Acerbaixán) celébrase o LVII Festival da Canción de Eurovisión, que finaliza coa gañadora Loreen e a súa canción "Euphoria".
• 27 de maio: no Uruguai celébranse eleccións internas na Fronte Ampla.
• 29 de maio: en Italia, un terremoto de 5,8 graos deixa estragos na cidade de Boloña.
• 30 de maio: o exditador de Liberia, Charles Taylor, é condenado a 50 anos de cárcere polo Tribunal Especial para Serra Leoa por crimes de lesa humanidade cometidos por Taylor ao apoiar os rebeldes da veciña Serra Leoa durante a guerra civil que azoutou ese país, apoio polo que Taylor recibiu diamantes de sangue. Trátase da primeira sentenza ditada por un tribunal penal internacional contra un ex-xefe de Estado desde os Xuízos de Nuremberg.

Xuño

• 2 de xuño: en Exipto o exditador Hosni Mubarak é condenado a cadea perpetua por complicidade no asasinato de 850 manifestantes durante a rebelión popular que terminou no seu derrocamento. Trátase do primeiro exgobernante deposto na chamada Primavera árabe que é xulgado e condenado.
• 6 de xuño: en Siria ocorre un novo masacre en dúas aldeas da provincia de Hama cun saldo de polo menos 78 mortos civís, moitos deles mulleres e nenos. A oposición siria e a comunidade internacional culpan as forzas leais ao goberno sirio, que volve negar a súa responsabilidade nos feitos.
• 10 de xuño: en Francia celébrase a primeira volta das eleccións parlamentarias. A centro-esquerda do Partido Socialista e os seus aliados obteñen a vitoria, colocándose en posición sólida para ter o control da Asemblea Nacional de Francia na segunda volta.
• 14 de xuño: en Iraq unha vaga de atentados terroristas en diferentes cidades do país deixa polo menos 72 mortos en total e decenas de feridos.
• 15 de xuño: no Iemen as forzas militares do goberno conquistan a cidade costeira de Shoqra, a terceira cidade que estaba en mans de Al Qaeda que cae en mans das forzas gobernamentais nunha semana de intensos combates.
• 17 de xuño: en Exipto conclúe a segunda volta das eleccións presidenciais. O islamista Mohamed Morsi obtén a vitoria, converténdose no primeiro presidente democraticamente electo de Exipto.
• 17 de xuño: en Francia celébrase a segunda volta das eleccións parlamentarias. O Partido Socialista obtén a vitoria con maioría absoluta na Asemblea Nacional de Francia, o que permitirá ao presidente François Hollande gobernar con plenos poderes.
• 17 de xuño: en Grecia celébranse novas eleccións parlamentarias e os conservadores de Nova Democracia obteñen a vitoria, aínda que sen maioría absoluta, mais co apoio doutros partidos europeístas (especialmente dos socialistas do PASOK) poderán formar goberno, o que constitúe un alivio para Europa e para a economía mundial ameazada por unha nova crise se Grecia abandonaba o euro de maneira caótica.
• 30 de xuño: en Colombia fai erupción o volcán Nevado del Ruiz, cunha erupción de gases e cinzas sen afectar o caudal dos ríos.

Xullo

• 1 de xullo: eleccións presidenciais en México.
• 4 de xullo: fanse públicos os resultados preliminares do descubrimento do Bosón de Higgs.
• 5 de xullo: en Colombia é capturado por axentes da Policía e cadetes da Armada o narcotraficante Camilo Torres Martínez, alias Fritanga, quen estaba ao servizo da banda Los Urabeños.
• 11 de xullo: o presidente do goberno de España Mariano Rajoy anuncia medidas extraordinarias para conter o déficit público, entre elas a subida do IVE e o recorte no soldo dos funcionarios.
• 15 de xullo: en Siria estallan os máis violentos combates na cidade capital Damasco desde que comezou a guerra civil, cando os rebeldes lanzan unha operación a grande escala para conquistar a cidade e o réxime responde con fortes bombardeos e ataques nos barrios onde se concentran os rebeldes.
• 18 de xullo: en Bulgaria, un atentado suicida nun autobús de turistas Israelís no Aeroporto de Burgas deixa 8 mortos e 30 feridos.
• 18 de xullo: en Siria nun atentado cometido en Damasco morren o Ministro da Defensa e outros altos funcionarios do Goberno. O asasinato é reivindicado polos rebeldes sirios que desde había días libraban intensos combates na capital.
• 20 de xullo: En Aurora, Colorado, durante a estrea da película O cabaleiro escuro: a lenda renace no cine Century 16, prodúcese un tiroteo levado a cabo por un pistoleiro solitario deixando un saldo de 12 persoas mortas e 59 máis feridas.

  

  O tiroteo no cine Century 16 deixou un saldo de 12 persoas mortas mentres presenciaban a estrea da película The Dark Knight rises.

• 22 de xullo: en Madagascar o Exército irrompe nun campamento militar con soldados amotinados cerca do aeroporto internacional do país e arresta unha serie de sospeitosos, estes militantes teñen demandas que non están claras.
• 23 de xullo: a Bolsa de Madrid prohibe operacións curtas ou baixistas debido á crise económica española. A prima de risco da débeda española alcanza máximos históricos.
• 23 de xullo: en Iraq, unha serie de atentados terroristas en diversas cidades do país deixa polo menos 107 persoas mortas e 161 feridas.
• 23 de xullo: o primeiro ministro do Xapón, Yoshihiko Noda, promete que non haberá máis accidentes como o ocorrido na Central nuclear Fukushima I a raíz do terremoto e o tsunami do 11 de marzo de 2011, asegurando que o Goberno implementará as medidas necesarias para evitar outro desastre.
• 26 de xullo: o Goberno español anuncia que España non poderá ser rescatada da Crise da Eurozona.
• 27 de xullo: en Reino Unido comezan os Xogos Olímpicos de Londres 2012.

Agosto

• 4 de agosto: a Italiana Jessica Rossi bateu os récords olímpicos ao acertar 99 disparos sobre 100, en tiro ao voo, nos Xogos Olímpicos de Londres 2012.
• 5 de agosto: o Xamaicano Usain Bolt vence nos 100 metros dos Xogos Olímpicos de Londres 2012, o seu segundo título olímpico nesa distancia, cunha marca de 9.63 s, a segunda mellor da historia e récord olímpico.
• 12 de agosto: finalizan os Xogos Olímpicos de Londres 2012.
• 16 de agosto: na República Dominicana, Danilo Medina toma posesión como presidente.
• 25 de agosto: no estado Falcón (Venezuela) sucede a explosión na refinaría de Amuay (unha das máis grandes do mundo), causando a morte de polo menos 55 persoas e deixando máis de 100 persoas feridas.
• 27 de agosto: en Somalia as Forzas Armadas do goberno somalí, con apoio dos seus aliados das forzas multinacionais africanas, conquistan a estratéxica cidade costeira de Marka até ese momento en mans do rebelde grupo islamista Al-Shabbaab. Considérase unha importante vitoria na campaña para erradicar o grupo fundamentalista e pacificar o país.

Setembro

• 5 de setembro: na península de Nicoya ―na costa occidental de Costa Rica― sucede un terremoto de 7,6 graos na escala de Richter.
• 5 de setembro: en Bos Aires, a Comisión de Asuntos Constitucionais do Senado arxentino comeza a debater unha reforma electoral impulsada polo oficialismo para que poidan votar os estranxeiros con residencia permanente e ―opcionalmente (sen voto obrigatorio)― os mozos de 16 e 17 anos.
• 10 de setembro: Venezuela inicia os trámites para retirarse da Comisión Interamericana de Dereitos Humanos (CIDH) e a Corte Interamericana de Dereitos Humanos (CorteIDH). O comunicado enviado a ditos organismos entrará en efecto o 10 de setembro de 2013, mais neste prazo o país suramericano pode rectificar a súa decisión.
• 10 de setembro: en Paquistán as choivas monzónicas deixan 78 mortos. Estas chuvias afectan a todo o país de forma desigual.
• 12 de setembro: nos Países Baixos celébranse eleccións parlamentarias. O partido do primeiro ministro liberal de centro-dereita Mark Rutte obtén a vitoria e espérase que poida formar goberno en coalición cos laboristas de centro-esquerda (ambos partidos europeístas).
• 13 de setembro: na Arxentina prodúcense protestas en repudio ás políticas de goberno de Cristina Fernández de Kirchner.
• 22 de setembro: o Consello de Seguridade das Nacións Unidas alerta da consolidación de grupos terroristas en Malí, inmersa nunha transición política, mentres a rexión de Azawad permanece baixo control de diversas milicias islamistas e locais.
• 22 de setembro: en España, no Festival de MTV Beach en Madrid prodúcense disturbios deixando 11 detidos e un saldo de 60 feridos.
• 23 de setembro: na montaña Manaslu (Nepal), no Himalaia, un alude deixa 9 mortos.
• 25 de setembro: en Madrid, a policía reprime manifestantes que arrodean o Congreso. Deteñen 35 persoas e feren 64 (28 dos cales necesitaron hospitalización).
• 26 de setembro: en Atenas (Grecia) a policía reprime manifestantes, e detén 50.
• 28 de setembro: en España, chuvias torrenciais deixan un total de 10 mortos no sur.
• 29 de setembro: en Somalia logo dunha sorpresiva ofensiva por mar, terra e aire iniciada o día anterior, as forzas militares de Kenya e as Forzas Armadas do goberno somalí conquistan a cidade costeira de Kismaayo, a última das grandes cidades somalís que quedaba en mans do rebelde grupo islamista Al-Shabbaab. Considérase un duro golpe ao grupo fundamentalista non só porque era a sede do seu cuartel xeral, senón porque os "impostos" que cobraba no porto da cidade era a súa principal fonte de ingresos.
• 30 de setembro: en Colombia sucede un terremoto de 7,1 graos na escala de Richter, mais que non deixa mortos nin feridos.

Outubro

• 1 de outubro: en Xeorxia celébranse eleccións parlamentarias; o principal partido da oposición obtén a vitoria por ampla marxe, co cal o actual presidente Mikheil Saakashvili perde a opción de converterse no futuro primeiro ministro e gobernar o país cando se faga efectivo o próximo cambio a un sistema de goberno parlamentario estipulado na Constitución do país.
• 3 de outubro: no marco da guerra civil siria, Turquía ataca a Siria en represalia por ter recibido un proxectil no seu territorio. Convócase a OTAN para unha reunión de urxencia.
• 7 de outubro: en Venezuela, nas eleccións presidenciais, Hugo Chávez vence a Henrique Capriles.
• 21 de outubro: Eleccións ao Parlamento de Galicia. O Partido Popular revalida a maioría absoluta.
• 28 de outubro: eleccións municipais en Chile.

Novembro

Nenos fuxindo do fogo gazatí en Kiryat Mal'aji durante o conflito entre Israel e Gaza.

• 6 de novembro - Eleccións presidenciais en Estados Unidos e Porto Rico.
• 7 de novembro - En Colombia matan a dez labregos por negárense a pagar a extorsión das Rondas Campesinas Populares en Santa Rosa de Osos.
• 8 de novembro - Fortes protestas en varias cidades arxentinas polas políticas do Goberno de Cristina Fernández de Kirchner no marco do 8N.
• 13 de novembro - Eclipse solar total (visible no norte de Australia e no Pacífico Sur).
• 14 de novembro - Ten lugar unha folga xeral en España e noutros países de Europa.
• 14 - 21 de novembro - Operación militar levada a cabo polas Forzas de Defensa de Israel na Franxa de Gaza, finalizada co acordo dun alto o fogo tras deixar un saldo de 170 mortos e 1.300 feridos.
• 15 de novembro - Na China o XVIII Congreso Nacional do Partido Comunista da China escolle como Secretario Xeral do Partido Comunista da China e Presidente da Comisión Militar Central a Xi Jinping, o que practicamente fai que sexa elixido o próximo ano Presidente da República. Tamén é elixido Li Keqiang como próximo Primeiro ministro chinés.
• 18 de novembro
  • Nos Estados Unidos, Nintendo saca á venda a súa nova videoconsola: Wii U

    

    A Wii U de Nintendo e a súa Wii U GamePad.

  • Teodoro II asume o cargo de 118º papa copto e Patriarca Copto de Alexandría.
• 19 de novembro
  • Deuse a coñecer o fallo da Corte Internacional de Xustiza da Haia sobre os límites marítimos de Colombia e Nicaragua.
  • Despois de 12 anos, a CPTM é condenada polo acccidente da estación Perus na cidade de São Paulo ocorrido no ano 2000, que deixou 9 mortos e 115 feridos.
• 20 de novembro - Na República Democrática do Congo, os rebeldes do grupo M23 conquistan a cidade de Goma tras a retirada das Forzas Armadas do goberno congolés e a pesar da resistencia das forzas de paz da ONU.
• 23 de novembro - A brasileira WebJet Linhas Aéreas é adquirida pola Gol Transportes Aéreos, botando a 850 traballadores.
• 25 de novembro - Eleccións ao Parlamento de Cataluña, influídas pola multitudinaria manifestación do once de setembro, resultando nun castigo dos partidos maioritarios - CiU e PSC - e o crecemento do resto de forzas: ERC, ICV, PP, Ciutadans e a entrada da CUP no parlamento.
• 28 de novembro - En Ecuador, Barcelona conságrase, despois de 14 anos, campión do fútbol ecuatoriano por décima cuarta vez.
• 29 de novembro - Recoñecemento de Palestina como Estado observador non membro das Nacións Unidas.

Decembro

21 de decembro: reinicio do calendario maia.

• 1 de decembro - En México, Enrique Peña Nieto toma posesión como Presidente de México, converténdose así no sexaxésimo cuarto presidente para o mandato presidencial 2012 - 2018, mentres en distintos lugares o Movemento Yosoy132 manifestábase en contra.

Manifestantes durante a toma de protesta de Enrique Peña Nieto, no cerco de San Lázaro.

• 8 de decembro - En Qatar, a Conferencia das Nacións Unidas sobre os Cambios Climáticos acorda estender o protocolo de Quioto até 2020.
• 9 de decembro
  • En Filipinas disípase o Tifón Bopha, que ao seu paso polo país deixou polo menos 647 mortos e máis de 1400 feridos, mentres polo menos 780 persoas permanecen desaparecidas e centos de milleiros quedaron damnificadas.
  • En Iturbide (México) estrélase un avión Learjet 25. Morren todos os ocupantes, entre eles a cantante Jenni Rivera.
• 11 de decembro - En Tucumán (Arxentina) finaliza o xuízo polo caso Marita Verón; os 13 acusados son absoltos, o que xerou disturbios.
• 14 de decembro - En Newtown (Estados Unidos) morren 27 persoas a causa dun tiroteo na escola primaria Sandy Hook (véxase Masacre da Escola Primaria de Sandy Hook).
• 16 de decembro
  • Eleccións rexionais de Venezuela de 2012.
  • Inauguración do Estádio Castelão, primeiro estadio concluído (remodelado) para o Mundial de Fútbol de 2014, en Fortaleza.
  • O Corinthians é o campión da Copa do Mundo de Clubs da FIFA.
• 19 de decembro
  • Nos Ánxeles (Estados Unidos) realízase a 61.ª edición do concurso Miss Universo onde a estadounidense Olivia Culpo é coroada Miss Universo 2012.
  • Park Geun-Hye, filla do ex-ditador Park Chung-hee, vence nas eleccións presidenciais de Corea do Sur e tórnase a primeira presidenta do país.
  • Descubertos cinco planetas orbitando arredor de Tau Ceti, un deles potencialmente habitable.
• 20 de decembro - Durante os próximos días rexístrase unha onda de violentos saqueos nalgunhas cidades da Arxentina, empezando por Bariloche, deixando polo menos 6 mortos, centos de feridos e 700 detidos.
• 21 de decembro
  • Último día do décimo terceiro baktún (ciclo de 144.000 días) na conta longa do calendario maia. Durante meses en innumerables sitios estableceuse a crenza de que hoxe era a fin do mundo.
  • Inauguración do Estádio do Mineirão, segundo estadio concluído para a Copa do Mundo de 2014, en Belo Horizonte.
• 23 de decembro - Data alternativa para a fin do calendario Maia, utilizando 584.285 días xulianos baseados en estudos de especialistas.
• 27 de decembro - Colombia, é asasinada Lorena Henao Montoya, viúva de Iván Urdinola Grajales, extinto capo do cartel do Norte del Valle.
• 28 de decembro - Jiroemon Kimura (19/4/1897-12/6/2013), que neste día tiña 115 anos e 253 días, convértese no home máis vello da historia, superando a Christian Mortensen.
• 29 de decembro
  • Accidente con avión no aeroporto de Moscova, en Rusia, mata 4 persoas.
• 31 de decembro
  • Expira o primeiro período do compromiso do Protocolo de Quioto.
  • En Iraq, unha serie de atentados deixa 23 mortos e máis de 70 feridos.
  • Nunha leira de Envigado (Colombia) son asasinadas 9 persoas por vinganza das bandas criminais

2013

Artigo principal: 2013.

Xaneiro

Tropas francesas durante a intervención militar en Malí.

Traxedia da discoteca Kiss deixa 239 mortos no Brasil.

Torre executiva PEMEX tras a explosión.

• 1 de xaneiro
  • Irlanda asume a presidencia semestral da Unión Europea.
  • En Talín (Estonia), o transporte público empeza a ser gratuíto para os seus cidadáns, sendo así, o primeiro estado da Unión Europea en ofrecer esta alternativa.
  • Unha avalancha humana causa polo menos 60 mortos en Costa do Marfil nos festexos de ano novo.
  • Morren 13 guerrilleiros das Forzas Armadas Revolucionarias de Colombia nun bombardeo do exército colombiano cerca da fronteira con Panamá.
• 2 de xaneiro
  • En Siria, na guerra civil, o exército do goberno bombardea un suburbio en Damasco, deixando máis de 50 mortos.
  • Alejandro García Padilla xuramenta como o décimo gobernador do Estado Libre Asociado de Porto Rico.
• 5 a 20 de xaneiro - 34ª edición do Rally Dakar que atravesou os países da Arxentina, Chile e o Perú.
• 7 de xaneiro - En Zürich (Suíza), Lionel Messi gaña o seu cuarto Balón de Ouro sobre Cristiano Ronaldo e Andrés Iniesta, superando así a Johan Cruyff, Marco van Basten e Michel Platini no número de trofeos.
• 8 de xaneiro - En Siria, en plena guerra, mísiles do exército impactan en Alepo, unha das cidades máis conflitivas da contenda.
• 9 de xaneiro - A Fragata Libertad da Arxentina regresa á Base Naval de Mar del Plata tras estar 78 días retida no porto Tema de Ghana polo reclamo xudicial dos fondos voitre.
• 10 de xaneiro
  • Ante a imposibilidade de que o presidente Hugo Chávez xuramente fisicamente para o seu novo mandato (2013 - 2019) en Venezuela, o mesmo pobo fai un "xuramento" en nome do xefe de Estado nun multitudinario acto.
  • Dous atentados deixan un saldo de 101 vítimas mortais no Paquistán.
• 11 de xaneiro - Francia inicia a intervención militar en Malí para frear o avance de rebeldes islámicos ligados a Al Qaeda.
• 15 de xaneiro
  • Australia anuncia que retirará as súas tropas de Afganistán a finais de 2013 e non no primeiro trimestre de 2014, como estaba previsto. Isto débese a que a seguridade do país ocupado transferiuse ao seu exército e Policía Nacional.
  • Durante a guerra civil siria, dous ataques con explosivos destrúen a Universidade de Alepo, deixando 80 persoas falecidas.
• 17 de xaneiro
  • A secretaria de Estado dos Estados Unidos, Hillary Clinton, exhorta o goberno comunista de Laos, para que abra unha investigación co fin de coñecer o paradoiro dun activista social nese país, Somphone Sombath, quen desapareceu na capital, Vientiane, en decembro de 2012.
  • En Colombia o ELN atribúese o secuestro de cinco enxeñeiros, entre eles dous peruanos e un canadense no norte de Bolívar.
• 21 de xaneiro - A Lúa eclipsa o planeta Xúpiter, fenómeno só visible en Suramérica.
• 22 de xaneiro - Nos arredores da Base militar de Incirlik, en Turquía, polo menos 25 persoas son detidas cando participaban nunha manifestación contra o despregue de mísiles da OTAN na fronteira con Siria. Os protestantes temen que o país se converta no centro dunha actividade militar contra a súa veciña nación do sur. Pola súa parte, a organización bélica asegura que esta misión ten como fin protexer Turquía da guerra civil en Siria.
• 23 de xaneiro - Na capital de Venezuela, Caracas, a oposición realiza unha multitudinaria congregación en rechazo á decisión que tomou o Tribunal Supremo de Xustiza de postergar indefinidamente a toma de posesión presidencial de Hugo Chávez, pola súa enfermidade. Estivo presente o dirixente opositor, Henrique Capriles, quen exhortou a unidade da oposición e a derrotar “a violencia” do Goberno. O oficialismo tamén estivo aglomerado para expresar a súa solidariedade co xefe de Estado, quen se encontraba na capital cubana desde o 11 de decembro do ano anterior.
• 25 de xaneiro
  • Turkmenistán anuncia a súa intención de iniciar o proceso para integrarse na Organización Mundial do Comercio, polo que podería ser o estado 158 en ser membro.
  • Motín na prisión de Uribana en Barquisimeto, Venezuela deixa 63 mortos e resultan feridas máis de 120 persoas.
• 26 a 28 de xaneiro: I Cumio da Comunidade de Estados Latinoamericanos e Caribeños e a Unión Europea en Santiago de Chile.
• 26 de xaneiro - Sentenza de morte a 21 persoas deriva en protestas contra o tribunal na cidade exipcia de Port Said, nas que morren 31 manifestantes e dous axentes da policía, isto no contexto da Traxedia de Port Said ocorrida un ano atrás.
• 27 de xaneiro - No centro da cidade de Santa Maria, Río Grande do Sur, Brasil, un violento incendio deixa 239 mortos e 124 feridos na discoteca Kiss.
• 28 de xaneiro - A raíña Beatriz dos Países Baixos anuncia que abdicará o próximo 30 de abril, no seu fillo Guillerme.
• 31 de xaneiro
  • Explosión da Torre Executiva Pemex (capital de México), deixa 37 mortos, 126 lesionados e varias persoas atrapadas dentro do edificio sinistrado, que quedou con importantes danos no interior.
  • Preto da cidade de Pretoria, en Suráfrica, un tren impacta con outro estacionado, deixando polo menos 200 persoas feridas e unha perda duns 164.206 rands surafricanos.
  • O volcán Lokon da illa Célebes, en Indonesia, expulsa unha nube de po duns 800  m de altura e rexistra dúas explosións durante as primeiras horas do día, pondo en alerta os habitantes da illa. En consecuencia, as autoridades fixan un raio de seguridade de 2,5 km e a Axencia Nacional de Vulcanoloxía de Indonesia alerta a poboación a través dun diario local sobre a probabilidade de máis erupcións e pide que se manteñan afastados do accidente xeográfico.

Febreiro

Lino Oviedo en 2008.

O 28 de febreiro, Bieito XVI convértese en Papa Emérito.

Evento meteorítico en Rusia.

• 1 de febreiro - Un atentado suicida contra a embaixada dos Estados Unidos de América en Ancara (Turquía) deixa tres vítimas mortais.
• 2 de febreiro - En Paraguai, o candidato presidencial, Lino Oviedo, falece nun accidente aéreo, cando retornaba da cidade de Concepción á capital, Asunción. O Goberno de Federico Franco iniciou unha investigación para esclarecer cales foron exactamente as causas do accidente.
• 3 de febreiro - Eleccións parlamentarias de Cuba de 2013.
• 6 de febreiro - Terremoto de 8 graos nas Illas Salomón produce un tsunami que acaba coa vida de trece poboadores da illa.
• 8 de febreiro
  • Ataques contra xiítas en Iraq deixan polo menos 31 mortos.
  • Seis persoas morren polas inundacións que afectan os distritos de Miraflores, Alto Selva Alegre e Cerro Colorado, na cidade de Arequipa, no Perú.
  • Catro persoas morren ao caer unha avioneta na Universidade Nacional de Lomas de Zamora na Arxentina.
• 9 de febreiro
  • Un autobús que trasladaba seguidores do equipo de fútbol O'Higgins de Rancagua desbarranca en Tomé, (Rexión do Biobío), no sur de Chile, deixando 16 falecidos e 20 feridos graves.
  • En Colombia, un terremoto de 7.0 graos, na escala de Richter deixou danos materiais e 37 feridos.
• 10 de febreiro - Empeza o ano novo chinés, (ano 4711, ano da Serpe).
• 11 de febreiro
  • Avalancha humana deixa 36 mortos nunha estación de ferrocarril durante a festividade relixiosa do Kumbhamela na India.
  • O papa Bieito XVI anuncia que renunciará ás súas funcións o día 28 do mesmo mes por razóns de saúde.
  • 18 mortos deixa a explosión dunha mina de carbón no norte de Rusia.
  • Dez mortos por accidente aéreo en Liberia.
• 12 de febreiro - Corea do Norte realizou a proba nuclear máis grande da súa historia, ocasionando un sismo de 5,0 graos Richter.
• 15 de febreiro - Hai 1491 feridos (112 hospitalizados), a maioría pola onda de choque producida polo estalido que causou a creba de cristais, ventanais e danos materiais en edificios en Cheliabinsk, ao sur dos Urais por impacto de meteorito en Rusia. Horas despois, o asteroide 2012 DA14 pasa a 27.860 quilómetros da Terra, sendo así, o obxecto espacial de maior tamaño que se achegara tanto á Terra.
• 16 de febreiro - Máis de 75 mortos e 200 feridos nun atentado no oeste de Paquistán.
• 17 de febreiro - Eleccións lexislativas de Ecuador de 2013.
• 20 de febreiro
  • Nun val próximo a Quito, capital de Ecuador, inaugúrase oficialmente o Aeroporto Internacional Mariscal Sucre, que substitúe o Antigo Aeroporto Internacional Mariscal Sucre. O traslado do aeródromo fíxose polos ruídos que afectaban á poboación e pola curta pista de aterraxe que ocasionara 11 accidentes desde que iniciou as súas operacións.
  • O primeiro ministro Boiko Borisov de Bulgaria anuncia a dimisión do seu goberno, tras dez días de intensas protestas populares contra os altos prezos da electricidade.
• 22 de febreiro - Eleccións lexislativas de Djibuti de 2013.
• 24 de febreiro
  • 85.ª cerimonia dos Premios Óscar no Teatro Dolby dos Ánxeles (Estados Unidos)
  • O presidente cubano Raúl Castro é ratificado para continuar no poder até o ano 2018.
  • Vitoria de Nikos Anastasiadis nas eleccións presidenciais de Chipre de 2013.
  • LIV Festival Internacional da Canción de Viña del Mar en Chile
  • En Romanía, o presidente do denominado Instituto de Investigación dos Crimes do Comunismo e da Memoria do Exilio Romanés, Andrei Muraru, anunciou que se presentará ao Parlamento Nacional un proxecto de lei para prohibir as organizacións e símbolos comunistas. Esta declaración foi moi cuestionada por, segundo os críticos, unha lei como esa violaría a liberdade de expresión e que se intenta impedir un réxime como o do desaparecido expresidente, Nicolae Ceaușescu, o cal tamén transgrediu os dereitos humanos.
• 24 e 25 de febreiro - Eleccións xerais de Italia de 2013.
• 25 de febreiro - En Colombia realízase un paro cafeteiro, para esixir ao goberno melloras económicas e o subsidio do gran de café.
• 26 de febreiro - 19 turistas mortos e 3 feridos ao incendiarse un globo aerostático en Luxor (Exipto)
• 27 de febreiro - Tres mortos e sete feridos por tiroteo na compañía madeireira Kronospan na cidade de Menznau, cerca de Lucerna (Suíza)
• 28 de febreiro - Renuncia de Bieito XVI, primeiro Sumo Pontífice en deixar o cargo en vida desde Gregorio XII en 1415.

Marzo

Uhuru Kenyatta, novo presidente de Kenya.

Papa Francisco. Foi electo o 13 de marzo como primeiro Sumo Pontífice latinoamericano.

• 4 de marzo
  • Rebeldes toman completamente a cidade siria de Raqqa, en plena guerra civil. Primeira cidade que dominan completamente, algo significativo na súa loita.
  • Accidente aéreo deixa decenas de mortos na República Democrática do Congo. O avión veuse abaixo sobre un barrio residencial, cando estaba a punto de aterrar na cidade de Goma, ao leste do país.
• 5 de marzo - No Hospital Militar Dr. Carlos Arvelo da cidade de Caracas, falece ás 16:25 hora local (20:55, UTC), o Presidente de Venezuela, Hugo Chávez aos 58 anos de idade e tras 14 anos de goberno. A noticia tivo alcance mundial e foi seguida por millóns de persoas en todo o mundo. A raíz disto máis de 16 países declararon varios días de dó nacional en homenaxe a Hugo Chávez.
• 6 de marzo
  • Rebeldes sirios secuestran 21 soldados filipinos da ONU, mentres inspeccionaban un posto de observación danado na fronteira dos Altos do Golán.
  • Un accidente aéreo deixa 9 falecidos no Perú, nas proximidades de Lima e Cuzco. A avioneta quedou completamente destruída polo mal tempo de tormentas eléctricas e caeu moi cerca de Tacna.
• 7 de marzo - En Libia decenas de homes armados asaltaron o canal de televisión Al Asema, en Trípoli, e secuestraron cinco xornalista. Así mesmo, os agresores destruíron parte dos equipos do canal, que deixou de emitir temporalmente tras o ataque.
• 8 de marzo
  • Tras a morte de Hugo Chávez, o vicepresidente de Venezuela, Nicolás Maduro asume como presidente encargado de Venezuela, e nomea como vicepresidente executivo o xenro de Hugo Chávez, Jorge Arreaza, todo isto mentres se esperan as eleccións presidenciais en abril para escoller o sucesor do falecido líder.
  • Lévase a cabo na Academia Militar de Venezuela, o funeral de Estado do presidente de Venezuela, Hugo Chávez, a onde asistiron presidentes, xefes de estado e delegacións de máis de 55 países do mundo.
• 9 de marzo - En Kenya, Uhuru Kenyatta é elixido presidente na primeira volta co 50,07% dos votos. A Corte Suprema determinará se o resultado anunciado pola IEBC (Comisión Electoral Independente) é legal.
• 10 e 11 de marzo - Lévase a cabo referendo sobre a soberanía das Illas Malvinas para determinar se a poboación desexa continuar baixo a administración británica, o cal resulta así cun 99,83% de aprobación.
• 10 de marzo - Corea do Norte anulou o Tratado de Non Agresión coa súa veciña Corea do Sur. Dito armisticio finalizou a guerra de Corea, polo tanto, a súa anulación significa que ambas nacións quedan novamente en estado de Guerra
• 11 de marzo - Corea do Norte anuncia que está lista para unha Guerra Total en contra de Corea do Sur e Estados Unidos.
• 12 de marzo - Comezo do conclave no que se elixirá o sucesor do Papa emérito Bieito XVI.
• 13 de marzo - O cardeal arxentino Jorge Mario Bergoglio é elixido Papa, adoptando o nome de Francisco. É o Papa número 266 da historia, o primeiro americano e o primeiro xesuíta.
• 15 de marzo - Inicia a temporada da temporada 2013 de Fórmula 1.
• 16 de marzo - Referendo constitucional de Cimbabue de 2013.
• 17 de marzo - Na capital do Perú, Lima, ten lugar un referendo para revogar a alcaldesa, Susana Villarán. Foi solicitado e aceptado o ano anterior (véxase Referendo municipal de Lima de 2013).
• 18 de marzo
  • Na batalla de Alepo, úsanse por primeira vez armas químicas na guerra civil siria, deixando 26 mortos e 86 feridos, moi posiblemente por culpa de Al-Assad.
  • En Mogadixo (capital somalí) un atentado terrorista preto do Palacio Presidencial, chamado Vila Somalia, deixa entre 7 e 10 mortos. Os perpetradores conduciran un vehículo cargado de explosivos até cerca doutro (libre de explosivos) e ao estalar incendiou un minibus urbano onde pereceron as vítimas. O ataque tería como branco un camión, onde se encontraban funcionarios gobernamentais, segundo algunhas testemuñas.
• 20 de marzo - En Cidade de Panamá (capital panameña) desátase un incendio no vertedoiro de lixo máis grande da cidade, Cerro Patacón. O fume esténdese por case toda a cidade provocando severos danos ambientais. As autoridades e corpos especiais traballan para manter o sinistro baixo control.
• 23 de marzo - Encontro entre o papa emérito Bieito XVI e o seu sucesor Francisco.
• 24 de marzo - Na capital de República Centroafricana, Bangui, rebeldes toman o Palacio Presidencial, derrocando o presidente, François Bozizé (quen se encontra en paradoiro descoñecido), e asume de forma interina o poder, o militar, Michel Djotodia. O golpe de Estado é a consecuencia final da rebelión iniciada o ano anterior. A Unión Africana, a ONU, entre outros organismos, expresaron o seu rechazo ao golpe. Mentres que Francia enviou as súas tropas para evitar que o aeroporto da cidade tamén caia en mans dos rebledes (véxase Golpe de Estado de República Centroafricana de 2013).
• 27 de marzo - En Taiwán un morto e numerosos edificios danados por sismo 6.1 graos.
• 30 de marzo - Corea do Norte declárase en estado de guerra total coa república surcoreana.

Xullo

Imaxe do accidente de Angrois tomada desde a autoestrada do Atlántico.

• 24 de xullo - O accidente ferroviario de Angrois, Santiago de Compostela, provoca 79 mortos.

2014

Artigo principal: 2014.

Xaneiro

• 1 de xaneiro:
  • Grecia asume a súa quinta presidencia do Consello da Unión Europea.
  • Ingreso na Eurozona de Letonia.
  • Comeza a venda legal de marihuana con fins recreativos no estado de Colorado, converténdose así no primeiro mercado público de marihuana dos Estados Unidos.
  • A empresa Fiat faise có control total da empresa Chrysler.
• 4 de xaneiro: Comeza unha nova edición do Rally Dakar, con trazado Rosario - Salta - Valparaíso
• 20 de xaneiro: Catherine Samba-Panza ocupa de forma interina a presidencia da República Centroafricana, dez días despois da dimisión do presidente Michel Djotodia.
• 23 de xaneiro: O goberno do Sudán do Sur e as forzas rebeldes firman un alto o fogo no conflito iniciado a mediados de decembro de 2013.

Febreiro

Países participantes nos XXII Xogos Olímpicos de Inverno

• 2 de febreiro: Ten lugar a 48ª edición da Super Bowl, celebrada no MetLife Stadium (East Rutherford, Nova Jersey)
• 7 de febreiro:
  • Comezan os XXII Xogos Olímpicos de Inverno celebrados en Sochi, Rusia, que finalizarán o 23 de febreiro.
  • O Tribunal Constitucional de Alemaña inhíbese en favor do Tribunal de Xustiza da Unión Europea sobre a legalidade do anuncio feito polo Banco Central Europeo no verán de 2012 de que mercaría de forma ilimitada débeda pública dos países europeos con problemas económicos, coma España ou Italia.
• 9 de febreiro: Suíza aproba en referendo restrinxi-lo acceso ao país dos cidadáns da Unión Europea, o que supón o seu abandono de facto do acordo de Schengen.
• 13 de febreiro:
  • Dimite o ata entón primeiro ministro de Italia, Enrico Letta.
  • Bélxica convírtese no primeiro país do mundo en legalizar a eutanasia para pacientes de calquera idade con doenzas terminais.
• 22 de febreiro: O presidente da Ucraína Victor Yanukóvich abandona Kíiv e o parlamento aproba a excarcelación de Yulia Timoshenko.

Marzo

9M-MRO, o aparello perdido no incidente do Voo 370 de Malaysia Airlines

• 1 de marzo: O Senado ruso autoriza ao presidente Vladimir Putin a empregar as Forzas Armadas rusas en Ucraína.
• 2 de marzo: Celébrase a 86ª edición dos Oscar no Teatro Dolby dos Ánxeles, Estados Unidos de América.
• 7 de marzo: Comezan a 10ª edición dos Xogos suramericanos en Santiago de Chile.
• 8 de marzo: Voo 370 de Malaysia Airlines: Desaparece un avión de Malaysia Airlines con 239 pasaxeiros a bordo. Cinco países do sueste asiático comezan un operativo de busca entre as augas de Malaisia e Vietnam.
• 11 de marzo: O parlamento de Libia destitúe ao primeiro ministro Ali Zeidan, quen abandona o país ao día seguinte.
• 19 de marzo: O Parlamento europeo aproba a creación do Fondo Único de Resolución para a liquidación ou reestruturación dos bancos europeos con problemas, dotado con 55 000 millóns de euros.
• 21 de marzo:
  • En Turquía o primeiro ministro Recep Tayyip Erdogan ordena bloquear a rede social Twitter.
  • O Tribunal Constitucional de Tailandia anula as eleccións lexislativas do 2 de febreiro.
• 23 de marzo: A Forza Aérea Turca derriba un avión sirio acusado de violar o seu espazo aéreo.
• 24 de marzo – Rusia é suspendida temporalmente do G8 nunha reunión de emerxencia dos restantes países membros do grupo.

Abril

Os Papas Xoán XXIII e Xoán Paulo II

• 3 de abril: O goberno de Malí anuncia o descubrimento no seu país de tres casos sospeitosos de febres hemorráxicas asociadas ao virus Ébola.
• 6 de abril: Eleccións lexislativas en Hungría, nas que o partido Fidesz de Viktor Orbán renova a maioría no parlamento.
• 7 de abril: Microsoft deixa de dar soporte oficialmente para Windows XP SP3 e Office 2003.
• 10 de abril: Un sismo de 6,2° sacode os departamentos de León e Managua en Nicaragua.
• 19 de abril: Un meteorito impacta no oeste de Rusia sen que se produzan danos materiais.
• 23 de abril: Al Fatah e Hamás anuncian o fin do conflito que mantiñan dende 2007 e a próxima formación dun goberno de unidade palestina encabezado por Mahmud Abbas, líder de Al Fatah e presidente da Autoridade Nacional Palestina (ANP).
• 27 de abril: A Igrexa católica canoniza aos papas Xoán XXIII e Xoán Paulo II.
• 29 de abril: Ten lugar unha eclipse solar anular.

Maio

Busto de Xosé María Díaz Castro nos Vilares, Guitiriz

• 5 de maio:
  • A Organización Mundial da Saúde identifica o avance da poliomielite en 10 países coma unha emerxencia sanitaria mundial.
  • Militantes de Boko Haram matan a unhas 300 persoas nun ataque en Gamboru Ngala.
• 8 de maio: O ANC revalida a maioría absoluta nas eleccións xerais de Suráfrica.
• 10 de maio: Final do Festival de Eurovisión 2014 en Dinamarca, gañado por Austria có tema Rise Like a Phoenix de Conchita Wurst.
• 13 de maio: Un accidente mineiro en Turquía causa 300 mortos, dando lugar a protestas pola falta de seguridade nas minas de todo o país.
• 17 de maio: Día das letras galegas, dedicado ó poeta Xosé María Díaz Castro.
• 18 de maio: Ten lugar un asalto ao parlamento de Libia encabezado polo xeneral antiislamista Jalifa Hifter.
• 26 de maio: Narendra Modi toma posesión coma primeiro ministro da India, trala vitoria do seu partido, o BJP, nas eleccións xerais dese ano.

Xuño

Filipe VI de España

• 3 de xuño: Sony anuncia o cesamento das vendas da PSP.
• 5 de xuño:
  • O presidente do Banco Central Europeo Mario Draghi anuncia un plan para reactiva-la economía europea e facer fronte ao risco de deflación.
  • O grupo militante sunnita denominado Estado Islámico do Iraq e o Levante (coñecido coma ISIS) comeza unha ofensiva polo norte de Iraq intentando captura-la capital de Bagdad e dar un golpe de estado derrocando ao primeiro ministro Nouri al-Maliki.
• 12 de xuño: Comeza no Brasil a 20ª Copa Mundial de Fútbol.
• 19 de xuño: O Rei Xoán Carlos I de España abdica no seu fillo Filipe VI de España.
• 21 de xuño:
  • Rexístranse manifestacións en España ao redor de cada un dos 17 parlamentos autonómicos en contra dos recortes económicos.
  • A UNESCO outorga á Rede Viaria Inca a designación de Patrimonio Cultural da Humanidade, na 38ª reunión do seu comité celebrado en Doha (Qatar).
• 27 de xuño: NCG Banco muda a marca Novagalicia Banco por ABANCA.
• 28 de xuño: celébrase o centenario do asasinato do arquiduque Francisco Fernando de Austria que desencadearía a primeira guerra mundial.

Xullo

Alemaña celebrando a vitoria na final da Copa Mundial de Fútbol de 2014

• 4 de xullo: O parlamento de Rusia condona o 90% da débeda contraída con Cuba coa extinta Unión Soviética, que ascendía a 35 000 millóns de dólares.
• 5 de xullo: Unha avioneta estrélase na cidade polaca de Częstochowa cun resultado de 11 persoas falecidas e unha ferida.
• 6 de xullo: Logran escapar 63 mulleres das 68 que foran secuestradas polo grupo terrorista Boko Haram en xuño na localidade de Damboa en Nixeria.
• 9 de xullo: Investigadores das universidades de Pensilvania, Colorado e Brandon atopan no Parque Provincial de Driftwood Canyon (Columbia Británica) fósiles de ourizos arcaicos pertencentes ao período Eoceno, que reciben a denominación de Silvacola acares.
• 13 de xullo: Alemaña gaña na final da Copa Mundial de Fútbol de 2014 a Arxentina cun resultado de 1-0 no tempo engadido.
• 15 de xullo: O goberno colombiano e as FARC reanudan os diálogos de paz tralas eleccións presidenciais no país.
• 17 de xullo: O Voo 17 de Malaysia Airlines estrélase na cidade ucraína de Grabovo tras ser derribado por un mísil, resultando no falecemento de 298 persoas.
• 18 de xullo: O parlamento de Xeorxia ratifica o Acordo de Asociación coa Unión Europea que firmara o 27 de xuño.
• 23 de xullo: O Voo 222 de TransAsia Airways, con destino a Magong (Taiwán), estrélase nas Illas Pescadores ao tentar unha aterraxe de emerxencia. 48 persoas morreron no accidente e 10 resultaron feridas.
• 24 de xullo: Estrélase ao norte de Malí o Voo 5017 de Air Algérie, que partira do aeroporto de Uagadugú en Burkina Faso con destino ao aeroporto Internacional Houari Boumedienne de Alxer.
• 26 de xullo: Pedro Sánchez é elixido coma secretario xeral do Partido Socialista Obrero Español.

Agosto

• 6 de agosto: A sonda espacial Rosetta fai contacto có cometa 67P/Churyumov–Gerasimenko a uns 405 millóns de quilómetros da Terra e comeza as súas manobras de aproximación.
• 16 de agosto: Comezan os II Xogos Olímpicos da Xuventude en Nanjing, China.
• 20 de agosto: Descóbrese unha comunidade bacteriana nun lago subglacial na Antártida cun número aproximado de 4 000 especies distintas
• 31 de agosto: Unha erupción do volcán Bardarbunga en Islandia levanta a alerta vermella en todo o país.

Novembro

• 9 de novembro: Celébrase a Consulta sobre a independencia de Cataluña.

2015

Artigo principal: 2015.

Xaneiro

• 1 de xaneiro:

• Lituania entra no euro.
• Estabelecerase a Unión Euroasiática entre Belarús, Casaquistán, Kirguizistán, Rusia e posiblemente Taxiquistán.

• 7 de xaneiro: Prodúcese un ataque terrorista contra a sede de Charlie Hebdo. Morren asasinados: Jean Cabut, 76 anos, Stéphane Charbonier, 47, Bernard Verlhac, 57, Philippe Honoré, 73, e Georges Wolinski, 80, debuxantes franceses. Tamén, Bernard Maris, 68 anos, escritor francés.

Febreiro

• 1 de febreiro: Celébrase a Super Bowl.

Marzo

• 24 de marzo: Sinistro do voo 9525 de Germanwings nos Alpes, con 150 mortos.

Maio

• 17 de maio: Día das letras galegas, adicado a Xosé Filgueira Valverde

Setembro

• A ESA e a NASA lanzarán a nave LISA Pathfinder.

Novembro

• 13 de novembro: Prodúcense unha serie de ataques terroristas en París.

2016

Artigo principal: 2016.

A Asemblea Xeral da ONU proclamou o ano 2016 como Ano Internacional dos Legumes (resolución A/RES/68/231). Posteriormente, en 2019, declarou o 10 de febreiro como o Día Mundial dos Legumes (resolución A/RES/73/251). O obxectivo destas celebracións foi concienciar a opinión pública sobre os beneficios nutricionais do consumo de legumes, "un elemento fundamental da cesta dos alimentos", o seu papel na prevención da obesidade e de certas enfermidades e do papel beneficioso no medio ambiente ó mellorar a fertilidade do chan .

Xaneiro

• 2 de xaneiro: Arabia Saudita executa corenta e sete persoas por terrorismo.
• 3 de xaneiro: Arabia Saudita rompe relacións diplomáticas con Irán a raíz das fortes protestas provocadas pola ejecución de Nimr Baqr al-Nimr.
• 4 de xaneiro: na India e Bangladés, rexístrase un terremoto de magnitude 6,9 na escala de Richter que deixa 10 mortos e 160 feridos.
• 5 de xaneiro: Na Asemblea Nacional de Venezuela asumen como deputados os 167 candidatos electos nas eleccións do 6 de decembro, dando inicio ao IV período lexislativo dese órgano.
• 6 de xaneiro: Corea do Norte detona a súa primeira arma nuclear de hidróxeno, despois de que Corea do Sur detectara un sismo dunha intensidade entre 4,5 e 5,1.
• 8 de xaneiro: na cidade de Los Mochis (México), o narcotraficante Joaquín Guzmán Loera «El Chapo Guzmán» é capturado por terceira vez nun operativo da mariña mexicana despois da fuga do 11 de xullo de 2015.
• 9 de xaneiro: en Barcelona (España), Artur Mas dimite e é substituído por Carles Puigdemont como candidato de Junts pel Sí á presidencia da Generalitat de Cataluña.
• 11 de xaneiro: en Zúric (Suíza), o futbolista Lionel Messi gaña o seu quinto premio Balón de Ouro como «mellor xogador do ano 2015», tras derrotar nas votacións a Cristiano Ronaldo e ó seu compañeiro de equipo Neymar.
• 13 de xaneiro: Quedan constituídas as novas Cortes Xerais de España e arranca a XI lexislatura trala celebración de Eleccións Xerais o 20 de decembro.
• 14 de xaneiro:
  • Rexístranse en Yakarta, capital de Indonesia, 5 explosións nun centro comercial e varios tiroteos, que deixan un saldo de 5 mortos e 19 feridos. O Estado Islámico adxudicouse os atentados.
  • Jimmy Morales asume como presidente de Guatemala.
• 15 de xaneiro: un atentado terrorista nun hotel en Uagadugú (Burkina Faso) deixa polo menos 29 persoas mortas e 30 feridos. Os grupos terroristas Al Qaeda del Magreb Islámico e Al Murabitun reivindican a súa autoría do atentado.
• 16 de xaneiro
  • Na cidade de Rosario (Arxentina) remata o Rally Dakar.
  • Estados Unidos e a Unión Europea anuncian que levantan as sancións a Irán por cumprir o acordo nuclear.
  • Tricentenario da promulgación dos Decretos de Nueva Planta en Cataluña.
• 28 de xaneiro: A OMS anuncia un gromo do virus de Zika.

Febreiro

Onda gravitacional.

• 1 de febreiro: a Organización Mundial da Saúde (OMS) declara emerxencia internacional pola propagación do virus do Zika.
• 2 de febreiro Na Igrexa católica: Clausurarase o Ano da vida consagrada.
• 6 de febreiro: en Taiwán, un terremoto de 6,4 graos da Escala de Mercalli deixou máis de 500 feridos, 116 mortos e un desaparecido.
• 7 de febreiro: Corea do Norte lanza o seu segundo satélite ó espazo.
• 11 de febreiro: na cidade mexicana de Monterrei, prodúcese un enfrontamento entre dous grupos de reos no penal do Topo Chico, que deixou 52 mortos.
  • A Asemblea Nacional de Venezuela declara a 'crise humanitaria' pola agudizada situación de escaseza de alimentos no país.
  • Científicos anuncian a primeira detección de ondas gravitacionais predito pola teoría da relatividade xeral de Albert Einstein.
  • Estados Unidos legaliza a circulación de coches autónomos en todo o seu territorio.
• 12 de febreiro: O papa Francisco e o patriarca ortodoxo Cirilo I reúnense no Aeroporto Internacional José Martí, da capital de Cuba, despois de 962 anos do Cisma de Oriente. Máis tarde o papa realizou unha visita oficial a México durante 5 días.
• 15 de febreiro: realízanse ataques aéreos sobre dous hospitais da cidade de Azaz, en Siria, houbo polo menos 22 mortos, 8 desaparecidos e decenas de feridos. Mentres que unha misión médica apoiada por Médicos sen Fronteiras, na cidade de Idlib, sufriu un bombardeo que provocou a morte de 7 traballadores e a desaparición de 8.
  • Jocelerme Privert asume de forma interina a presidencia de Haití para convocar novamente á segunda volta das eleccións presidenciais, que se celebraron no mes de novembro.
• 16 de febreiro: Venezuela aproba o proxecto de lei de amnistía e reconciliación, que contempla unha amnistía para moitos políticos encarcerados dende 1999, cando o expresidente Hugo Chávez tomou posesión da presidencia. A oposición parlamentaria argumentou que os xuízos non se realizaron de forma imparcial. O actual xefe de Estado, Nicolás Maduro, dixo non estar disposto a promulgar a lei.

Lugar do ataque terrorista en Ancara.

• 17 de febreiro: un ataque terrorista contra o Exército de Turquía deixa 28 mortos e 16 feridos na capital, Ancara. Os Falcóns da Liberdade do Kurdistán, grupo terrorista kurdo escisionado do PKK, reivindicaron o atentado.
• 20 de febreiro Conclúe a visita do papa Francisco en México.
• 21 de febreiro: o ciclón Winston golpea as illas Fiyi.
• 22 de febreiro: o Estado Islámico lanza atentados terroristas na cidade siria de Homs e na capital Damasco, que deixan a 184 persoas mortas.
• 26 de febreiro: o suízo Gianni Infantino é electo novo presidente da FIFA.
• 27 de febreiro: comeza o alto o fogo en Siria, sumida na Guerra Civil, acordado polos Estados Unidos e Rusia, xunto coas partes do conflito que cada un apoia. E excluíndo a organizacións terroristas como o Estado Islámico ou Jabhat al-Nusra (asociada a Al Qaeda).
• 29 de febreiro: a Arxentina e varios fondos de investimento acredores, coñecidos como «fondos voitre», asinaron un principio de acordo para a resolución da disputa xudicial comezada en 2001, cando o país entrou en cesamento de pagos ou default, produto da grave crise económica de entón. O acordo tamén permitirá a Arxentina regresar ós mercados internacionais.

Marzo

• 14 de marzo: a Axencia Espacial Europea e a Axencia Espacial Federal Rusa planean lanzar a articulación ExoMars Trace Gas Orbiter nunha misión a Marte.
• 19 de marzo: un avión que realizaba un voo regular internacional entre o Aeroporto Internacional de Dubai e o Aeroporto de Rostov esnafrouse nos arredores de Rostov do Don, en Rusia, na súa segunda tentativa de aterraxe e non houbo superviventes (62 mortos).
• 20 de marzo: en Tarragona, un accidente de autobús, no que viaxaban rapazas do Programa Erasmus, causa a morte de máis dunha ducia delas.
• 21 de marzo: un atentado terrorista con explosivos no aeroporto e no metro de Bruxelas causa máis de 30 mortos.

Abril

• 3 de abril: máis dun cento de persoas morreron nun incendio durante un espectáculo de fogos de artificio nun templo no estado de Kerala, no sur da India.

Maio

• 9 de maio: Tránsito de Mercurio.
• 14 de maio: Final do festival de Eurovisión 2016 en Estocolmo. Gañou Jamala, de Ucraína, co tema "1944".
• 19 de maio: un avión de pasaxeiros con orixe no Aeroporto de París-Charles de Gaulle e destino ao Cairo cae ao Mediterráneo con 66 persoas a bordo.

Xuño

• 10 de xuño: inicio da Eurocopa 2016 en Francia
• 12 de xuño: nun club nocturno de Orlando, Florida, un home armado mata 49 persoas.
• 26 de xuño: celebráronse as décimo terceiras eleccións xerais en España.

Xullo

• 9 de xullo: bicentenario da independencia da Arxentina. O papa Francisco visita a cidade de San Miguel de Tucumán para presidir o Congreso Eucarístico Nacional.
• 14 de xullo: Un camioneiro atropela intencionadamente os peóns no Paseo dos Ingleses de Niza, matando máis de 80 persoas.
• 25 de xullo ao 1 de agosto: en Cracovia (Polonia) celébrase a XIX Xornada Mundial da Xuventude coa presenza do papa Francisco.

Agosto

• 5 de agosto: en Río de Xaneiro (Brasil) inaugúranse os Xogos Olímpicos de 2016.
• 21 de agosto: clausúranse os Xogos Olímpicos do Río de 2016.
• 24 de agosto: un terremoto na rexión italiana de Lacio produce máis de douscentos mortos, centos de feridos e cuantiosos danos materiais.

Setembro

• 9 de setembro: No Porriño descarrila un tren da liña Vigo-Porto. Morreron catro persoas e resultaron feridas máis de corenta.
• 25 de setembro: Celébranse as décimas eleccións ao Parlamento de Galicia. O Partido Popular revalida a maioría absoluta.

Outubro

• 10 de outubro:Tránsito do posible exoplaneta análogo á Terra KOI-4878.01.

Novembro

• 8 de novembro: en EEUU celébranse eleccións presidenciais, resultando gañador Donald Trump.
• 8 de novembro: en Porto Rico celébranse as eleccións xerais.
• 20 de novembro: un accidente ferroviario a uns 100 km de Kanpur, no estado indú de Uttar Pradesh, deixa máis de 140 mortos.

Decembro

• 19 de decembro: Un camioneiro atropela intencionadamente os peóns en Berlín, matando unha ducia de persoas.

2017

Artigo principal: 2017.

Toma de posesión de Trump.

Xaneiro

• 1 de xaneiro: Un home armado entra nunha discoteca de Istambul e dispara contra os asistentes, causando 39 mortos e varios feridos.
• 2 de xaneiro: En Bagdad un coche bomba causa máis de 50 mortos.
• 16 de xaneiro: Esnáfrase o Voo 6491 de Turkish Airlines.
• 20 de xaneiro: Donald Trump toma posesión da presidencia dos Estados Unidos de América.
• 25 de xaneiro - Buchi Emecheta, escritora nixeriana residente no Reino Unido (n. 1944)

Maio

• 13 de maio: Final do Festival de Eurovisión 2017.

Xuño

• 14-24 de xuño: Un incendio forestal no Distrito de Leiria, Portugal causa máis de sesenta mortos, máis dun cento de feridos e cuantiosos danos materiais.

Agosto

• 17 de agosto: Nun atentado terrorista en Barcelona, unha furgoneta invade as Ramblas, atropelando a máis dun cento de persoas, causando máis dunha ducia de mortos.

Setembro

• 19 de setembro: En México, un terremoto de 7,1 graos na escala de Richter causa máis de dúas centenas de mortos.

Outubro

• Furacán Ophelia de 2017
• Vaga de incendios forestais de 2017 en Galicia
• 27 de outubro: O Parlamento de Cataluña proclamou a República Catalá.

2018

Artigo principal: 2018.

Laparadas do incendio do Museu Nacional do Río de Xaneiro.

• Febreiro: Xogos Olímpicos de Inverno de Pyeongchang.
• Dende o 18 de abril: Revoltas en Nicaragua.
• Maio: Festival de Eurovisión de 2018 en Lisboa.
• 17 de maio: Día das Letras Galegas, dedicado a María Victoria Moreno.
• 23 de maio: En Paramos, Tui, estoupa unha pirotecnia ilegal, deixando dous mortos e causando outros múltiples danos, tanto humanos como materiais.
• 1 de xuño: En España unha moción de censura do PSOE, co apoio doutros grupos, desbanca a Mariano Rajoy, quedando Pedro Sánchez investido presidente.
• 10 de xuño: O ministro italiano, Matteo Salvini, pecha todos os portos marítimos ao barco Aquarius con máis de 629 inmigrantes a bordo.
• 14 de xuño-15 de xullo: Mundial de Fútbol Rusia 2018.
• 23-24 de xullo: Incendios en Grecia do 2018.
• Xullo: Wikimanía 2018 en Cidade do Cabo (Suráfrica).
• Agosto-setembro: Protestas da extrema dereita en Chemnitz, Alemaña.
• 2 de setembro: Un incendio arrasa o Museu Nacional do Río de Xaneiro, Brasil.
• 9 de setembro: Eleccións xerais en Suecia.
• 12 de setembro: O Parlamento Europeo dá luz verde a sancionar a Hungría por poñer en risco os valores fundamentais da Unión Europea.
• Setembro: O furacán Florence, despois convertido en tormenta tropical, afecta á costa leste dos Estados Unidos de América, causando trinta mortos.
• Setembro: O tifón Mangkhut golpea Filipinas e outros países asiáticos, causando máis de cen mortos e outros graves danos.
• 28 de setembro: Un terremoto seguido de tsunami causa máis de dous mil mortos en Indonesia.
• 23 de outubro: China inaugura a Ponte Hong Kong-Zhuhai-Macau.
• 17 de novembro-actualidade: Movemento dos chalecos amarelos en Francia.

A Sociedade Española de Ornitoloxía (SEO/BirdLife) declarou a curuxa común como Ave do ano 2018 .

2019

Artigo principal: 2019.

2014 MU₆₉.

Xaneiro

• 1 de xaneiro: Jair Bolsonaro xura o seu cargo como novo presidente do Brasil.
• 1 de xaneiro: a sonda New Horizons sobrevoa 2014 MU₆₉, o obxecto celeste máis lonxe do sistema solar ao que chegou unha nave espacial.
• 3 de xaneiro: a sonda chinesa Chang'e 4 aluniza na cara oculta da Lúa.
• 23 de xaneiro: Angola despenaliza a homosexualidade.

Febreiro

• 24 de febreiro: realízase un referendo constitucional en Cuba.

Marzo

• 7 de marzo: dende as 16:53 hora local (GMT-4) rexístrase un apagamento a nivel nacional en Venezuela.
• 10 de marzo: un avión Boenig 737 da compañía Ethiopian Airlines espétase preto de Adís Abeba, morrendo os seus 157 ocupantes.
• 15 de marzo: un home mata a 50 persoas e deixa feridas a outras 50 nun atentado terrorista contra dúas mesquitas de Christchurch, Nova Zelandia.

Incendio na Catedral de Notre-Dame de París, o 15 de abril de 2019.

Abril

• 2 de abril: Abdelaziz Bouteflika dimite como presidente de Alxeria despois de 20 anos de mandato.
• 10 de abril: o consorcio Event Horizon Telescope presenta a primeira imaxe dun burato negro, na galaxia M87.
• 11 de abril: Julian Assange, fundador de WikiLeaks, é detido na embaixada de Ecuador en Londres.
• 15 de abril: un incendio arrasa o teito da Catedral de Notre-Dame de París, que estaba en obras.
• 28 de abril: celébranse eleccións xerais en España, as décimo cuartas dende a transición.

Maio

• 26 de maio: eleccións municipais e autonómicas en España.
• 26 de maio: eleccións ao Parlamento Europeo.
• 31 de maio: un tiroteo en Virginia Beach, nos Estados Unidos, deixa 13 mortos e 4 persoas feridas.

Xuño

• 9 de xuño: protestas en Hong Kong contra a lexislación proposta sobre a extradición a China, sendo a protesta máis grande na rexión administrativa especial dende a transferencia da súa soberanía a China en 1997.

Xullo

• 24 de xullo: Boris Johnson asume o cargo de primeiro ministro do Reino Unido, sucedendo a Theresa May.

Agosto

• 3 de agosto: un tiroteo nun centro comercial de El Paso, en Texas, deixa 22 mortos e 24 persoas feridas.
• 4 de agosto: un tiroteo en Dayton, no estado de Ohio, deixa 10 mortos e 16 feridos.
• 17 de agosto: un atentado durante unha voda en Cabul (Afganistán) deixa 63 persoas mortas e 182 feridas.
• Do 24 ao 26 de agosto: 45º cume do G7 na cidade francesa de Biarritz.
• 28 de agosto: a activista medioambiental Greta Thunberg chega a Nova York despois quince días de travesía no océano Atlántico para asistir a unha rolda de conferencias na sede das Nacións Unidas o 23 de setembro.

Setembro

• 2 de setembro: un atentado en Cabul (Afganistán) deixa 21 mortos e 119 feridos.

Protestas en Barcelona en resposta á sentenza do xuízo aos líderes do proceso independentista catalán.

Outubro

• Do 2 ao 13 de outubro: protestas en Ecuador en contra das medidas económicas propostas polo goberno de Lenín Moreno.
• 8 de outubro: un atentado contra unha sinagoga en Halle (Alemaña) deixa dúas persoas mortas.
• 14 de outubro - actualidade: protestas en Cataluña, e en menor medida noutras partes de España, pola sentenxa do xuízo aos líderes do proceso independentista catalán.
• 14 de outubro - actualidade: protestas en Chile en resposta as alzas do sistema público de transporte e ás más condicións sociais e económicas do país.
• 24 de outubro: en España, realízase a exhumación dos restos do ditador Francisco Franco, autorizada polo goberno de Pedro Sánchez.
• 26 de outubro: suicídase o líder do Estado Islámico Abu Bakr al-Baghdadi en Siria.

Novembro

• 10 de novembro: eleccións xerais en España, as segundas en 2019 despois de que as principais forzas políticas do país non chegasen a un acordo tras as eleccións de abril.
• 22 de novembro: o Blue Star, un buque quimiqueiro, encalla na costa de Galicia, preto de Ares.
• 26 de novembroː un forte terremoto sacude Albania, deixando 50 persoas mortas e máis de 900 feridos.
• 29 de novembroː un ataque terrorista, reivindicado polo Estado Islámico, deixa dous mortos e cinco feridos en Londres.

Decembro

• Do 2 ao 13 de decembro: Celébrase en Madrid a Conferencia das Nacións Unidas sobre o Cambio Climático