Cornalvo
Coordenadas: 38°59′19″N 6°11′28″O / 38.988546, -6.191107
Cornalvo é un encoro romano sito a uns 10 km de Mérida (Estremadura). Dá nome ao Parque Natural onde se localiza a propia presa.
| Encoro de Cornalvo | |
|---|---|
 Vista do encoro romano. | |
| Patrimonio da Humanidade - UNESCO | |
| País |  España |
| Tipo | Cultural |
| Criterios | iii, iv |
| Inscrición | 1993 (XVII Sesión) |
| Rexión da UNESCO | Europa |
| Identificador | 664 |
Encoro romano editar
A presa é unha construción romana levantada sobre o regueiro de Albarregas, que se usaba para abastecer de auga a parte da cidade de Emerita Augusta (a actual cidade de Mérida). A parede de contención é unha muralla de 220 metros de longo por 18 de alto, sendo a parte que se encontra en contacto coa auga de ladrillo e granito. Esta construción foi declarada Monumento Nacional o 13 de decembro de 1912, aínda que o encoro segue a ser utilizado na actualidade.
Parque Natural de Cornalvo editar
A súa contorna é un Parque Natural, razón pola que goza de protección especial da Xunta de Estremadura desde 1988, e, posúe unha rica flora e fauna. Accédese ao encoro e ao Parque Natural por un camiño asfaltado desde un centro de interpretación situado na periferia da vila de Trujillanos. Seguindo ese camiño hai unhas devesas pertencentes á Xunta de Extremadura.
O parque abrangue terras dos concellos de Mérida, Mirandilla, Guareña, San Pedro de Mérida, Alcuéscar, Arroyomolinos, El Carrascalejo, Montánchez e Alhucén.
O río Aljucén editar
Parte o parque o río Aljucén, tributario do Guadiana, corrente de auga tipicamente mediterránea cunha acusada estiaxe que provoca que no verán quede seco por tramos e a vía acuática se concentre en pozas e charcas, denominadas "charcas madre".
Cómpre dicir que neste río áchase unha especie de peixe chamado vulgarmente harabugu, que está en continua regresión e tan só ficaban nalgúns lugares do Guadiana (as últimas noticias dano por extinto no río Guadalquivir).